WUKUMBUSO 1:17 - Biblia Ilagho Jiboie Kwa Wandu Wose

¹⁷ Mkakatanya, msedawirie mndungi; muwisikire wabaa na watini karakara; msakemuobua mndungi, angu kutanya ni kwa Mlungu; na iyo kesi ichaamkuria, muirede kwapo, nani nichaisikiria.’

WUKUMBUSO 1:17 Խաչաձեւ Հղումներ

WUKUMBUSO 16:19

Msede hachi ya mndungi; msetanye kwa kutala wandu; hata mserumirie kutuwa, kwa kukaia kutuwa kwadaturua meso gha wandu wiko na suku, na kulaghasha hachi ra wandu.

JAKOBO 2:9

Ela mkasaghuana, mwabonya kaung'a; nenyo mwatanywa ni Sharia kukaia wakosi.

KUFUMA 18:26

Wikakaia watanyi wa toe; malagho ghikurie werekoghe wikighireda kwa Musa, ela awo wikakaia wikitanya agho matini matini.

MAKATANISHO 24:23

Agha malagho nagho gheeghorwa ni wandu wa hikima: Kutanya wandu kwa kutalana ndekuboie.

2 MALAGHO GHA NGELO 19:6

na kuwizera watanyi, “Manyenyi ijo m'bonyagha, angu ndemtanyagha kwa wundu ghwa mdamu ela ni kwa wundu ghwa BWANA; okwanye nenyo ingelo mwakatanya.

WALAWI 19:15

“Iji kwakatanya kusevise hachi; kusebonye wuchumbano ghungi kwa mkiwa, na kukaia wuzima kwa uo uko m'baa, ela kumtanye mmbenyu kwa hachi.

KUFUMA 18:22

Wikaie watanyi wa wandu wa toe; kula ilagho ibaa wichajireda kwako, ela agho matini matini wichakaia wikighitanya weni. Kwa chia ihi maza richaangua, nenyo mchakaia na wungara ghoduka mzigo ughu.

1 PETRO 1:17

Na ikakaia mumlombagha Mlungu sa Aba, uo uwitanyagha wandu kula umu karakara na mabonyo ghake kuseko kutala mndungi, tumienyi ngelo yenyu isigharikie ekaia aha wughenyinyi kwa kumuobua.

1 WATHESALONIKE 2:4

ela sa iji koni dererumiriloghe ni Mlungu kukaia dafwane kujidwa ijo Ilagho Jiboie, niko koni dighoragha, si sa kuwiboia wandu anduangi, ela dadajighora kwa kum'boia Mlungu; uo umanyagha ngolo ra wandu.

MAKATANISHO 29:25

Kumuobua mdamu, ni mdegho; ela uo ukusaghikagha na BWANA uchakaia banana.

2 SAMUELI 14:14

Angu isi diwose dichafwa, nesi deefwanana na machi ghimerie kudilwa ghisedimagha kushoika; ela Mlungu ndeinjagha irangi ja mundu, ela wadapima ukilola maghesho ghemmbunja uja mundu uleghelo useduo kula nao.

1 SAMUELI 16:7

Ela BWANA ukamzera Samueli, “Kusezighane fwana yake angu wulacha ghwake; kwa kukaia uo nameria kumlegha. BWANA ndezighanagha seji mdamu uzighanagha, kwa kukaia mdamu wadazighana cha shighadi ela BWANA wadazighana cha ngolonyi.”

WUKUMBUSO 10:17

Angu BWANA Mlungu onyu ni Mlungu wa milungu, na BWANA wa weke bwana; ni m'baa wa kudima, nao ni Mlungu oobosha; usemtalagha mndungi kuchumba mmbao, hata ndehongwagha anduangi.

WAKOLOSAI 3:25

Angu uo ubonyagha kiwiwi, uchalipwa karakara na kiwiwi uchibonyere; hata ndekuwadie kutala wandu kungi anduangi.

WAEFESO 6:9

Nenyo weke bwana, wibonyerenyi wuja koni wazumba wenyu, msakewikumba wowa; mkimanya angu uo uko Bwana onyu mmbose oko mlungunyi, nao ndemtalagha mndungi kuchumba mmbao anduangi.

WAROMA 2:11

Angu Mlungu ndependeliagha mndungi anduangi.

LUKA 20:21

Nao awo washeki wikamzera, “Mwalimu, dakumanya kwadaghora na kufundisha kwa hachi, hata ndekutalagha mndungi, ela kwadafundisha chia ya Mlungu kwa loli.

MARKO 12:14

Nawo wiendavika, wikamzera, “Mwalimu, dakumanya oho koko mloli, hata ndekuobuagha angu kutala wubaa ghwa mndungi anduangi, ela kwadafundisha kwa loli chia ya Mlungu. Welee, keni ni hachi kulipa kodi kwa Kaisari angu siko kungi?

MATHAYO 22:16

Wikamdumia wamu wa wanughi wawo chiaimweri na wanjama wa Herode wikighamba, “Mwalimu, dakumanya angu koko mloli, na chia ya Mlungu kwadaifundisha kwa loli, hata ndekutalagha mndungi, angu kusetalagha mawubaa gha wadamu anduangi.

JEREMIA 1:17

Ela oho, wuka kukuwike tayari kuwighorie agho malagho ghose nakulaghira. Kusakewifwa waya, nichekufwa waya imbiri kwawo.

AYUBU 31:34

Jingi siobue seji wandu widimagha kunighora; jingi sinyame kima angu kukaia nyumbenyi, wei angu niobuagha kusekwa.

WUKUMBUSO 24:17

“Kuselaghashe hachi ya mghenyi omara-mara, hata mwana mkiwa, hata kusewadie nguwo ya mka-mkiwa ikaie wufunga;

KUFUMA 18:18

Oho kwawuyakuvavira na kazi chiaimweri na awa wandu mkwanye wori; angu iri maza ralemere na ndighi, ndekudimagha kuriduka kuekeri.

KUZOYA 18:25

Ai! BWANA wapo kusebonye ilagho iji jebwagha wahachi chiaimweri na wawiwi, hata mhachi usakefwananishwa na mmbiwi; ilagho ijo jisebonyeke kwako. Welee, ndeifwane Mtanyi wa wurumwengu ghose kubonya agho ghiko gha hachi anguwada?”

WUKUMBUSO 25:1

“Wandu wawi wikakwanywa ni ilagho jingi, nawo wiche mwandunyi kutanywa, na watanyi widumbuo mwandu na kumlekera umundu usekosere, na kumtanya umundu ukosere,

1 SAMUELI 2:25

Mundu ukam'bonyera mdamu kaung'a uchadederelwa ni Mlungu, ela mundu ukam'bonyera Mlungu kaung'a, nani uchaamdederia?” Ela waja wana ndeweremsikireghe ndee kwa kukaia Mlungu odeeka na mpango ghowibwagha.

2 MALAGHO GHA NGELO 19:5

Ukawika watanyi isangenyi andenyi ya kula muzi ghwa Juda ghuko na ngome,

ZABURI 82:2

“Mtanya kuseko na hachi, na kudawiria wawiwi hata lii?

MAKATANISHO 18:5

Si nicha kumdawiria mmbiwi, na kumuima hachi mundu usena ikosa.

MALAKI 2:9

Kwa wundu ugho, nicham'bonya mmenyeke kwa wandu wa Israeli, angu msesikiragha malaghiro ghapo, nenyo mwaawuyafundisha kwa kutala wandu.”

MAKATANISHO 28:21

Kudawiria wandu ndekuboie; ela mundu wadima kukosa kwa wundu ghwa kuhongwa kutinieri.