WUFUNUO 9:8 - Biblia Ilagho Jiboie Kwa Wandu Wose

⁸ naro rerekoghe na maridia sa gha waka, na maghegho ghawo gherekoghe sa gha shimba.

WUFUNUO 9:8 Խաչաձեւ Հղումներ

2 WAZURI 9:30

Nao iji Jehu wavika Jezreeli, Jezebeli ukasikira; ukashinga meso ghake rangi, ukaboisa iridia jake, ukakaia kimusi gorofenyi ya ngome ya muzi ukizighanira a idirishenyi.

ZABURI 57:4

Naawuyakaia aghadi ya wamaiza wiko sa shimba rijagha wandu; maghegho ghawo gheeka sa mafumu na mawanu, na chumi rawo reeka sa chufu rikalie.

ISAYA 3:24

Wulalo ghwa marumba mecha, kuchakaia kunuka kiwiwi; wulalo ghwa mshipi, kuchakaia kamba; wulalo ghwa iridia jilukilo nicha, kuchakaia kukangaluka; wulalo ghwa nguwo iboie, kuchakaia nguwo ra magunia; wulalo ghwa kughoka, kuchakaia kuzama.

JOELI 1:6

Ijeshi ja zighe jangia isangenyi kodu, jawadie ndighi jisetalikagha; maghegho ghawo ghakalie sa gha shimba.

WAROMA 9:29

Ni sa iji koni Isaya orezoeghe ukaghora, “Ngera Bwana wa majeshi useredisigharieghe kivalwa, kumangu daakaia sa Sodoma na kubonywa sa Gomora.”

1 TIMOTHEO 2:9

Wokoni na waka wiro marwao gha ishima. Si kwa kuluka maridia, angu kukupamba kwa dhahabu na lulu, na nguwo ra zoghori mbaa;

1 PETRO 3:3

Kukupamba konyu kusekaie kuja kwa shighadi koluka maridia, mapambo gha dhahabu, na kurwa nguwo rideghedekie;