WUFUNUO 8:7 - Biblia Ilagho Jiboie Kwa Wandu Wose

⁷ Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.

WUFUNUO 8:7 Խաչաձեւ Հղումներ

ZABURI 105:32

Ukawinyeshera vua ya magho wulalo ghwa vua, na luhehia lukakaba isangenyi jawo jose.

KUFUMA 9:33

Niko Musa ukafuma mzinyi kwa Farao, ukamlomba BWANA ukiwusira mikonu yake nokoighu, na ulo lukuwa, vua ya magho, na vua yose ikasigha kunya ndoenyi.

ISAYA 28:2

Olenyi BWANA oko na mundu umu wake uko ing'oni jiwadie ndighi; uchagha kuwikaba sa kiremba cha vua ya magho inonagha, karakara na kiremba kibaa chiwadie ndighi na machi mengi ghidikagha kwa wungi na kuidwa ndoe.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 32:19

Ela vua ya magho ichanona ugho msidu na muzi ghuchanoneka.

EZEKIELI 38:22

Nichamtanya kwa saka izamie, na kubwagha; nani nichamnyeshera vua ya magho chiaimweri na masikari ghake, na wandu wengi wikwanye; vua ya magho mbaa, na modo na kibiriti.

JOELI 2:30

“Nichawonyera alama na mashiniko gha jija ituku mawingunyi na ndoenyi, bagha na modo na makungughu gha mosi.

JAKOBO 1:11

Angu iruwa jabuka, na mruke ghwaro ghubirie, nagho ghwanyarisha nyasi; mboi yaro yapotoka, na kughoka kwaro kwalaghaya. Huwo koni mundu wa mali nyingi uchalaghaya aghadi ya mighendo yake.

JOSHUA 10:11

Na iji werekoghe wikiwikimbia Waisraeli, wikisea mshoromoto ghwa Beth-horoni, BWANA ukawinyeshera vua ya magho mabaa chienyi kufuma mlungunyi hata kuvikia Azeka; nawo wikafwa. Awo werebwaghiloghe ni vua ya magho, werekoghe wengi kuchumba awo werebwaghiloghe kwa lufu ni Waisraeli.

1 PETRO 1:24

Angu, “Mimbi yose ni sa nyasi, na wubaa ghwaro ghose ni sa mboi ya nyasi; nyasi radanyaya, na mboi raro radapotoka.

WUFUNUO 12:4

Na iyo choka ikakurudua ifungu ja kadadu ja nyerinyeri kwa kikomba chake, na kurikumba andoenyi. Ikakaia kimusi imbiri ya uo muka orekoghe kaavui na kuva mwana; eri uo mwana ukavalwa, ipate kummila.

WUFUNUO 16:2

Nao malaika wa imbiri ukaghenda, ukawada bakuli yake na kudia ndoenyi, na waja wandu werekoghe na alama ya ija nyamandu awo werekoghe wikiitasa fwana yake, wikabukwa ni vonda vizamie na ndighi.

WUFUNUO 16:21

Na vua mbaa ya magho ikanya aighu ya wandu; kula igho jiko na wulemeri sa ghwa kilo mirongo misanu kufuma mlungunyi; hata wikamuewia Mlungu kwa wundu ghwa ijo ikabo ja vua ya magho. Ikabo ijo, jerekoghe jeobosha na ndighi.

WUFUNUO 6:8

Ngawona farasi ya fusifusi, na uo oreijokieghe, irina jake orewangiloghe Kifwa, na Andu Kwa Wafu korenughaneghe nao; nawo werenekeloghe nguma aighu ya ifungu ja kana ja ndoenyi; wibwaghe kwa lufu, na kwa njala, na kwa saka izamie, na kwa nyamandu ra isakenyi ra ndoenyi.

WUFUNUO 7:1

Nyuma ya maza iri, nerewonieghe weke malaika bana wiko kimusi a mbembenyi inya ra ndoenyi wikiritangala mbeo inya, ingi isepate kuweta ndoenyi, angu baharinyi, angu aighu ya mudi ghungi.

WUFUNUO 9:15

Aho niko awo weke malaika wikafungulwa, awo werewikiloghe tayari kwa wundu ghwa iyo ngelo ya ijo ituku ja ugho mori na ugho mwaka; wipate kubwagha ifungu ja kadadu ja wadamu.

WUFUNUO 9:18

Ifungu ja kadadu ja wadamu jikabwaghwa kwa agho makabo adadu gha modo, na mosi, na kibiriti ivo verefumieghe memunyi kwawo.

WUFUNUO 9:4

Naro rerezereloghe riseribonye nyasi ra ndoenyi ilagho jingi, hata malemba, hata mudi ghungi, ela awo wandu weni wisewadie muhuri ghwa Mlungu chamunyi kwawo.