WUFUNUO 8:5 - Biblia Ilagho Jiboie Kwa Wandu Wose

⁵ Niko uo malaika ukaluwada ulo luwigha lofukira marumba, ukaluchura modo kufuma madhabahunyi, na kulukumba andoenyi, ghukakaia mrurumo ghwa lukuwa, chwaka, kukaba kwa chuhehia, na msughusiko ghwa ndoe.

WUFUNUO 8:5 Խաչաձեւ Հղումներ

1 WAZURI 19:11

BWANA ukamzera, “Ghenda kukaie kimusi aighu mghondinyi imbiri kwapo.” BWANA ukaida; mbeo mbaa ikawaghanya mighondi, na kubara magho, ela BWANA nderekoghe andenyi ya mbeo. Nyuma ya iyo mbeo, ghukacha msughusiko ghwa ndoe, ela BWANA nderekoghe andenyi ya ugho msughusiko.

ZABURI 18:13

Niko BWANA ukadeda sa lukuwa mawingunyi, Uo-Uko-Aighu-Nandighi ukafunya lwaka; kukanya vua ya magho, na luhehia.

KUFUMA 19:16

Nao ituku ja kadadu luma lwa nakesho, korekoghe chukuwa na chuhehia, na iwingu jikambie kira jikacha mghondinyi; lwaka lubaa lwa tarumbeta lukasikirika, na wandu wose werekoghe kambinyi wikasughusika kwa wowa.

ISAYA 29:6

kuchachelwa ni BWANA wa majeshi, kukuvuvua kwa lukuwa na msughusiko ghwa ndoe; na lwaka lubaa, na kikulughulu na kiremba; na lumu lwa modo lukoragha.

ISAYA 30:30

BWANA uchabonya lwaka lwake lwa nguma lusikirike, na ndighi ya ikabo ja machu ghake iwoneke; kuchakaia na lumu lwa modo lukumbagha andenyi ya iwingu ibaa chiaimweri na kiremba na vua ya magho.

ISAYA 66:6

Sikirenyi mrurumo kufuma mzinyi! Ni lwaka lwawuyafuma Hekalunyi; nalo ni lwaka lwa BWANA wawuyaluya lugho aighu ya wamaiza wake.

JEREMIA 51:11

Kalishenyi mawanu, mmbwade ngao! Ini BWANA narinyavurishire roho ra wazuri wa Wamedi, kwa kukaia makusudi ghapo aighu ya Babuloni ni kutotesha ugho muzi; angu icho nicho kisasi chapo kwa wundu ghwa Hekalu yapo.

WALAWI 16:12

Uchadwa modo ghwa maka na luwigha kufuma madhabahunyi imbiri ya BWANA, na ngonde iwi richue ra marumba mecha ghichanilo-chanilo; nao uchangia navo andenyi ya Andu Kwa Wueli Kuchumbie.

ZEKARIA 14:5

Mchafufunuka kwa kuidiria ghadi na ghadi ya ihi vololo ya mghondi ghwapo kwa kukaia ghuchashabuka hata Azeli. Mchakimbia seji weke ndeyo werekimbiagha msughusiko ghwa ndoe matuku gha Uzia mzuri wa Juda. Niko BWANA Mlungu wapo uchacha chiaimweri na weke malaika wake.

MATHAYO 24:7

Angu mbari ichabonya wuda aighu ya mbari na wuzuri aighu ya wuzuri, kuchakaia na njala na misughusiko andu kuzima kuzima.

LUKA 12:49

“Nachee kukora modo ndoenyi, nani naboilwagha saki ngera ghwadaaka!

MABONYO GHA WADUMI 16:26

Nao ahoeni, korekoghe na msughusiko m'baa ghwa ndoe; misingi ya jela ikasughusika, na shwa wori minyango yose ikarughuka, na vifungo va kula mfungwa vikafunguka.

MABONYO GHA WADUMI 4:31

Hata iji wameria kulomba, andu aja werekwanyikieghe kukasughusika; wikachulwa ni Roho Mweli wose, na kughora Ilagho ja Mlungu kwa wuwana.

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

WUFUNUO 4:5

Kufuma kwa icho kifumbi cha nguma, rerefumieghe chuhehia, na chwaka na mirurumo ya chukuwa; na imbiri ya icho kifumbi cha nguma, korekoghe na taa mfungade rikiaka, naro ni roho mfungade ra Mlungu;

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WUFUNUO 8:3

Na malaika mzima ukacha ukakaia kimusi madhabahunyi, uko na luwigha lwa dhahabu lofukira marumba; nao orenekeloghe marumba mengi upate kughiranganya na malombi gha waeli wose aighu ya agho madhabahu gha dhahabu, ghiko imbiri ya icho kifumbi cha nguma;