WUFUNUO 8:1 - Biblia Ilagho Jiboie Kwa Wandu Wose

¹ Hata iji uo Mwana wa Ng'ondi oreghufungueghe ugho muhuri ghwa mfungade, mlungunyi korenyamieghe kima sa kwa nusu saa.

WUFUNUO 8:1 Խաչաձեւ Հղումներ

AYUBU 4:16

Kilambo chimu chikakaia kimusi kima, ela seredimieghe kumanya fwana yaro. Fwana imu ikakaia imbiri kwapo, kukakaia kima, niko ngasikira lwaka:

ZABURI 37:7

Kaia kima kummbesere BWANA; kuseje wasi aighu ya wandu iji wakawona nicha, ngelo wakabonya mipango ya wuwiwi.

ZABURI 62:1

Nadammbesera Mlungu kima; kukia kwapo kwadafuma kwake koni.

HABAKUKI 2:20

Ela BWANA oko andenyi ya Hekalu yake ya wueli; wandu wose wa wurumwengunyi ndewikaie kima imbiri kwake.

ZEKARIA 2:13

Wandu wose ndewikaie kima imbiri ya BWANA, kwa kukaia waawuyacha kufuma andu kwake kwa wueli.

MATHAYO 27:66

Nao wikaghenda na kuilindia kaburi kwa kujikaba jija igho muhuri, na kwa kuwika walindiri.

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

WUFUNUO 6:3

Hata iji uo Mwana wa Ng'ondi oreghufungueghe ugho muhuri ghwa kawi, neresikireghe iyo nyamandu iko moyo ya kawi ikighamba, “Choo”.

WUFUNUO 6:5

Hata iji uo Mwana wa ng'ondi oreghufungueghe ugho muhuri ghwa kadadu, neresikireghe iyo nyamandu iko moyo ya kadadu ikighamba “Choo”. Ngawona farasi ya chilu, na uo oreijokieghe orekoghe na ratili mkonunyi kwake.

WUFUNUO 6:7

Hata iji uo Mwana wa Ng'ondi oreghufungueghe ugho muhuri ghwa kana, neresikireghe lwaka lwa iyo nyamandu iko moyo ya kana lukighamba, “Choo.”

WUFUNUO 6:9

Hata iji uo Mwana wa Ng'ondi oreghufungueghe ugho muhuri ghwa kasanu, nerewonieghe aisi ya madhabahu roho ra wandu werebwaghiloghe kwa wundu ghwa ijo ilagho ja Mlungu, na kwa wundu ghwa wushuhuda werekoghe nagho;