WUFUNUO 7:16 - Biblia Ilagho Jiboie Kwa Wandu Wose

¹⁶ Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.

WUFUNUO 7:16 Խաչաձեւ Հղումներ

ZABURI 121:5

BWANA uchakulongoza; oko kaavui na oho kukulindia.

ZABURI 121:6

Iruwa ndejichaakukaba nadime, hata mori ndeghuchaakukaba nakio anduangi.

ZABURI 143:6

Nakughoruya mikonu yapo ngilomba; roho yapo yakaia na kau na oho sa ndoe iomie.

ZABURI 42:2

Nakaia na kau ya Mlungu, uo Mlungu uko moyo. Niendammbona Mlungu lii?

ZABURI 63:1

Ee Mlungu, oho ko Mlungu wapo, nani nakaia na bea na oho. Nakaia na kau mbaa na oho, karakara na isanga jiomie jisewadie machi.

LUMBO 1:6

Msakenizighana kwa lumenyo angu niko wa chilu; neekabwa ni iruwa ngawuya wa chilu. Wanidu werenibonyereghe machu, wikaniwika nidumikeghe andenyi ya mbuwa ra mizabibu; ngalemwa ni kukulindia ini moni.

ISAYA 25:4

Oho korekoghe ngome imange kwa mkiwa, ngome imange kwa uo orekoghe wasinyi kwa kusowa; kituwiro kwa wundu ghwa kiremba, na kiju kwa wundu ghwa mruke; angu kukaba kwa mng'eti ni karakara na kiremba chikabagha wurigha,

ISAYA 32:2

Kula umu wawo uchawuya andu kokimbiria ngelo ya kiremba, kituwirio ngelo ya kikulughulu; wichakaia sa ndoria ra machi ikarenyi na kiju cha igho ibaa andenyi ya isanga jiomie.

ISAYA 41:17

“Iji wakiwa na awo wisowagha wakalola machi na kughisowa, na chumi rawo kuoma kwa kau, Ini BWANA nichawitumbulia, Ini Mlungu wa Israeli sichaawisigha wandu wapo anduangi.

ISAYA 49:10

ndewichaawona njala hata kau, hata ndewichakabwa ni iruwa, angu kuwona mruke ghungi; angu uo uwiwoniagha wughoma, uchawilongoza na kuwighenja kwa ndoria ra machi.

ISAYA 65:13

BWANA waghamba huwu, “Olenyi wadumiki wapo wichaja, ela inyo mchakaia njala; wadumiki wapo wichanywa, ela mchakaia kau; wadumiki wapo wichaboilwa, ela inyo mchafushwa waya.

JONA 4:8

Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

MATHAYO 13:21

ela ndewadie miri ingi; wadakaia najo kwa ngelo vui, hata ghikacha matiriro angu kusumbulwa kwa wundu ghwa ilagho ijo, shwa wori wadajisigha.

MATHAYO 13:6

Ela iji iruwa jajoka jikarikora, na angu miri yake iserengirieghe ndenyi rikaoma.

MATHAYO 5:6

Warasimilwa awa wiko na njala na kau ekunda kubonya hachi, angu awo wichakatwa.

MARKO 4:17

ela ndewina miri ingi andenyi kwawo, wakaia kwa ngelo ndini. Konyuma, kukacha kutirirwa angu kusumbulwa kwa wundu ghwa ilagho ijo, ahoeni wadajisigha.

MARKO 4:6

iji iruwa jajoka, rikakoreka, na angu riserekoghe na miri ingi, rikaoma.

LUKA 1:53

Awa wiko na njala wawighudisha na vindo vicha, na wazuri wawisigha mikonu miduu.

LUKA 6:21

Mwarasimilwa inyo muko na njala idana, angu mchaghudishwa. Mwarasimilwa inyo mlilagha idana, angu mchaseka.

JOHANE 4:14

ela uo uchaanywa machi nichaamneka ini, ndechaaoma jingi; angu machi agho nichaamneka, ghichawuya andenyi kwake ndoria ya machi ghivumbulukagha irangi ja kala na kala.”

JAKOBO 1:11

Angu iruwa jabuka, na mruke ghwaro ghubirie, nagho ghwanyarisha nyasi; mboi yaro yapotoka, na kughoka kwaro kwalaghaya. Huwo koni mundu wa mali nyingi uchalaghaya aghadi ya mighendo yake.

WUFUNUO 21:4

Uchawiaghia mbori rose mesonyi kwawo, na kifwa chingi ndechichaakaia sena anduangi, hata wasi, hata kukema, hata kuwawa kungi; angu maza ra imbiri rameria kuida.”