WUFUNUO 6:1 - Biblia Ilagho Jiboie Kwa Wandu Wose

¹ Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 6:1 Խաչաձեւ Հղումներ

WUFUNUO 5:1

Nani nerewonieghe chuo chiko mkonunyi ghwa kiwomi ghwa uo oreserieghe kidombo aighu ya icho kifumbi cha nguma, chiandikilo andenyi na nanyuma, chifungilo na kukabwa mihuri mfungade.

WUFUNUO 6:5

Hata iji uo Mwana wa ng'ondi oreghufungueghe ugho muhuri ghwa kadadu, neresikireghe iyo nyamandu iko moyo ya kadadu ikighamba “Choo”. Ngawona farasi ya chilu, na uo oreijokieghe orekoghe na ratili mkonunyi kwake.

WUFUNUO 19:6

Niko ngasikira lwaka sa lwa izungu ibaa ja wandu, sa lwa machi mengi, na sa mrurumo m'baa ghwa lukuwa rikighamba kwa lwaka lubaa, “Haleluya! Angu Bwana Mlungu odu Uo Uwadie Ndighi Rose, wabonya nguma.

WUFUNUO 6:7

Hata iji uo Mwana wa Ng'ondi oreghufungueghe ugho muhuri ghwa kana, neresikireghe lwaka lwa iyo nyamandu iko moyo ya kana lukighamba, “Choo.”

WUFUNUO 14:2

Nani neresikireghe madedo kufuma mlungunyi sa lwaka lwa machi mengi, na sa lwaka lwa lukuwa lubaa; agho madedo nereghisikireghe gherekoghe sa wakabi zeze wikirikaba zeze rawo;

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

WUFUNUO 6:3

Hata iji uo Mwana wa Ng'ondi oreghufungueghe ugho muhuri ghwa kawi, neresikireghe iyo nyamandu iko moyo ya kawi ikighamba, “Choo”.

MABONYO GHA WADUMI 4:20

ela isi ndedichaaleka kughora malagho dighiwonie na kughisikira anduangi.”

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 5:12

“Uo Mwana wa Ng'ondi ubwaghilo, nuo ufwanagha kuwusa kudima, mali, hikima, ndighi, ishima, wubaa, na makaso.”

WUFUNUO 8:1

Hata iji uo Mwana wa Ng'ondi oreghufungueghe ugho muhuri ghwa mfungade, mlungunyi korenyamieghe kima sa kwa nusu saa.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.