WUFUNUO 5:8 - Biblia Ilagho Jiboie Kwa Wandu Wose

⁸ Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 5:8 Խաչաձեւ Հղումներ

ZABURI 141:2

Wusa malombi ghapo sa marumba mecha, na kuwusira mikonu yapo kukaie sa kizongona cha nakenyi.

ZABURI 150:3

Mkasenyi kwa lwaka lwa tarumbeta; mkasenyi kwa msherembe na kinubi.

ZABURI 33:2

Mkasenyi BWANA kwa kinubi, m'borienyi makaso kwa kinubi cha chuzi ikumi.

ZABURI 43:4

Niko nichaghenda madhabahunyi kwako ee Mlungu, oho kuko kuboilwa kwapo kubaa; nani nichakukasa kwa kinubi, ee Mlungu, Mlungu wapo.

ZABURI 81:2

Zoenyi kubora kwa kukaba mayanga, zeze, na kinubi cha lwaka lusingie.

MITALO 7:62

Bakuli imweri ya dhahabu ya gramu ighana na ikumi ichue marumba;

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

WAEBRANIA 1:6

Na sena iji wamreda wurumwengunyi uo mvalwa wa imbiri waghamba, “Malaika wose wa Mlungu ndewimtase.”

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 15:7

Na imu ya iro nyamandu riko moyo inya, ikawineka awo weke malaika mfungade, bakuli mfungade ra dhahabu richue machu gha kubia kwa Mlungu, uo uduagha moyo kwa kala na kala;

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 4:6

na ahoeni imbiri ya icho kifumbi cha nguma, korekoghe sa bahari ya kilole, mfwano ghwa krustali. Na mbai mbai ya icho kifumbi cha nguma chia rose, korekoghe na nyamandu riko moyo inya, richue meso na imbiri na nanyuma.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,

WUFUNUO 5:12

“Uo Mwana wa Ng'ondi ubwaghilo, nuo ufwanagha kuwusa kudima, mali, hikima, ndighi, ishima, wubaa, na makaso.”

WUFUNUO 5:14

Na iro nyamandu riko moyo inya rikaghamba, “Amen”, na awo waghosi wikaghwa kijimijimi na kutasa.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.