WUFUNUO 5:6 - Biblia Ilagho Jiboie Kwa Wandu Wose

⁶ Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 5:6 Խաչաձեւ Հղումներ

2 MALAGHO GHA NGELO 16:9

BWANA wadazighana iichia na iichia ndoenyi kose, upate kuwonyera ndighi rake kwa awo wandu wisewadie ikosa jingi kwake. Kwabonya wukelu; kwa huwo kufuma idana ndekuchaatana na wuda.”

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

DANIELI 8:3

Ngawusira meso ghapo ngazighana; ngawona bauru iko kimusi mbai na mbai ya moda. Erekoghe na mbembe iwi, rose riko ndacha; ela lwembe lumweri, ulo locheebuka nanyuma, lorekoghe lulacha kuchumba mmbao.

MIKA 4:13

BWANA waghamba, “Wandu wa Jerusalemu, ghendenyi muwikabe wamaiza wenyu. Nicham'bonya mkaie na ndighi sa njau iko na mbembe ra chuma, na kochokocho ra shaba. Mcharifasha-fasha mbari ra wandu wengi; na iro mali wiripatire kwa kusoka, mchanifunyira ini BWANA wa wurumwengu ghose.”

HABAKUKI 3:4

Waawuyacha na kung'ala-ng'ala kwa luhehia; miengere yaawuyafuma mkonunyi kwake, andu ndighi rake rivisiro.

ZEKARIA 3:9

Naawuyawika igho jiko na chuwaru mfungade imbiri ya Joshua; nichakota mbari aghadi yaro, nani nichainja kaung'a ya isanga iji kwa ituku jimweri.

ZEKARIA 4:10

Wandu wichafwa ngolo kwa kuwona kazi ya iaghi ikighenda mboa-mboa. Ela wichammbona Zerubabeli ukiiagha Hekalu, nawo wichaboilwa.” Malaika ukanizera, “Iro taa mfungade, ni meso mfungade gha BWANA ghizighanagha ndoenyi kose.”

MITALO 7:39

mwanwanjau umweri, bauru imweri, mwana wa ng'ondi umweri wa womi wa mwaka ghumweri kwa wundu ghwa kizongona chekora;

MITALO 7:57

mwanwanjau umweri, bauru imweri, mwana wa ng'ondi umweri wa mwaka ghumweri kwa wundu ghwa kizongona chekora

LUKA 1:69

Sena wadiwusiria ing'oni jekira, nyumbenyi kwa mdumiki wake Daudi.

JOHANE 1:29

Nakesho yaro, Johane ukammbona Jesu ukimchea ukaghamba, “Zighanenyi Mwana wa ng'ondi wa Mlungu, uinjagha kaung'a ra wurumwengu.

JOHANE 1:36

Ukamzighana Jesu ukighenda ukaghamba, “Zighanenyi Mwana wa Ng'ondi wa Mlungu.”

MABONYO GHA WADUMI 8:32

Na maandiko orekoghe ukighishoma ni agha: “Orekoghe sa ng'ondi ighenjwagha kubwaghwa, na sa mwana wa ng'ondi ukaiagha kima imbiri ya uo umdumbuagha mafuri ni huwo koni ndereghorieghe ilagho jingi anduangi.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 12:11

Nawo wedemsima kwa iyo bagha ya Mwana wa Ng'ondi, na kwa ilagho ja wushuhuda ghwawo; angu ndewereghikundieghe marangi ghawo hata kifwa.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 14:1

Niko ngazighana, nao hoja Mwana wa Ng'ondi uko kimusi aighu ya Mghondi ghwa Sioni, wikwanye nao waja wandu elfu ighana na mirongo ina na inya, awo wereandikiloghe irina jake na irina ja Ndee chamunyi kwawo.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 21:22

Nani serewonieghe hekalu ingi andenyi ya ugho muzi, angu hekalu yaro ni Bwana Mlungu Uo Uwadie Ndighi Rose na uo Mwana wa Ng'ondi.

WUFUNUO 21:23

Na ugho muzi ndeghukunde mwengere ghwa iruwa hata ghwa mori, angu ugho wubaa ghwa Mlungu nigho mwengere ghwaro; na taa yaro ni uo Mwana wa Ng'ondi.

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:3

Ndekuwadie kindo chingi chiwasiro njowe chichaakaia aho sena, ela kifumbi cha nguma cha Mlungu na cha Mwana wa Ng'ondi, nivo vichaakaia andenyi yaro, na wadumiki wake wichamtasa.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 5:11

Niko ngazighana, nani ngasikira chwaka ra weke malaika wengi na ndighi, maelfu na maelfu, wiko mbai mbai ya icho kifumbi cha nguma, na iro nyamandu riko moyo, na awo waghosi, wikighamba kwa lwaka lubaa,

WUFUNUO 5:12

“Uo Mwana wa Ng'ondi ubwaghilo, nuo ufwanagha kuwusa kudima, mali, hikima, ndighi, ishima, wubaa, na makaso.”

WUFUNUO 5:13

Nao ngasikira kula kindo chiumbilo chiko mlungunyi, na ndoenyi, na andoenyi na kosi, na andenyi ya bahari, vilambo vose viko vikighamba, “Kwa uo useagha kidombo aighu ya kifumbi cha nguma, na kwa Mwana wa Ng'ondi, ndeghikaie makaso, ishima, wubaa, na kudima kwa kala na kala.”

WUFUNUO 5:14

Na iro nyamandu riko moyo inya rikaghamba, “Amen”, na awo waghosi wikaghwa kijimijimi na kutasa.

WUFUNUO 6:16

wikiwanga mighondi mibaa na magho kwa kughamba, “Dighuenyi mdifinikire disewono ni uo useagha kidombo aighu ya kifumbi cha nguma, na uo Mwana wa Ng'ondi uko na machu mabaa;

1 SAMUELI 2:10

Wamaiza wa BWANA wichadumbulwa vipande vipande, uchawikaba na lukuwa kufuma mlungunyi BWANA uchatanya ndoenyi kose, uchamneka mzuri wake ndighi, na kumchuria ndighi uo msaghulwa wake.”