WUFUNUO 5:5 - Biblia Ilagho Jiboie Kwa Wandu Wose

⁵ Niko umu wa awo waghosi ukanizera, “Leka lila; hoja uo Shimba wa mbari ya Juda, wa kivalwa cha Daudi, uo wamerie kusima; nao wadima kuifungua iyo mihuri mfungade, na kuchikuchua icho chuo.”

WUFUNUO 5:5 Խաչաձեւ Հղումներ

1 WAZURI 10:20

Kutuonyi kwa kula kiluwatiro ii chia na ii chia, korekoghe na fwana ya shimba imweri. Viluwatiro vose vikakaia na shimba ikumi na iwi. Ndekuwadie wuzuri ghungi jingi ghubonyere kifumbi sa icho.

2 MALAGHO GHA NGELO 9:18

Icho kifumbi cha nguma cherekoghe na viluwatiro virandadu na kifumbi chewikiria maghu cha dhahabu cherewadanishiroghe nacho. Icho kifumbi cherebonyeroghe andu kowikiria mikonu luwarunyi iichia na iichia, na fwana ra shimba iwi riwikilo kimusi aho chuwarunyi andu kowikiria mikonu.

AYUBU 41:15

Mghongo ghwake ghoobonywa na makoko, sa ngao ripangilo msitari; riwadanishiro kaavui kaavui, seji reekandwa na sungu.

ISAYA 11:1

Mndumu uchacha wa kivalwa cha Jese sa longe lujokagha akirimbenyi cha mudi luzoghorwagha ni miri yaro.

ISAYA 11:10

Ituku ijo, uo mundu wa kivalwa cha Jese uchawuka kukaia alama kwa wandu. Wandu wa iro mbari wichamlola, na andu kwake kokaia kuchakaia kwa wubaa.

JEREMIA 31:16

Leka lila, aghia mbori; kwa kukaia kazi kubonyere kwa wana wako ichapata malipo; nawo wichawuya kufuma isanga ja m'maiza.

DANIELI 7:16

Ngamsoghodera mndumu wa awo werekaieghe aho, ngamkotia wuloli ghwa agho mawono ghose. Niko ukanighoria na kunimanyisha kutambua kwaro maza iro rose.

MITALO 24:9

Oredimieghe, ukalala andonyi sa shimba na sa shimba ya waka; nani udimagha kummbusira? Mundu uo ose uchaakurasimia ucharasimilwa, uo ose ukuwasiragha njowe ndewado ni njowe.”

LUKA 23:28

Jesu ukaghaluka na nyuma ukawizera, “Inyo waka wa Jerusalemu, msakenililia ini, ela mkulilie mmbeni na wana wenyu.

LUKA 7:13

Bwana uendawona uja muka, ukangilwa ni wughoma m'baa, ukamzera, “Leka lila.”

LUKA 8:52

Na wose werekoghe wikikema na kumlilia; ela Jesu ukawizera, “Msakelila, angu mwana ndefue anduangi, ela waalala.”

JOHANE 20:13

Nao wikamkotia, “Wele muka, kuliliaki?” Ukatumbulia, “Ni iji wamwinja Bwana wapo, nani simanyire andu wammbika anduangi.”

WAROMA 1:3

Ijo Ilagho Jiboie ja Mwana wake, uo orevaloghe wa mbari ya Daudi kwa chia ya mumbi;

WAROMA 15:12

Na Isaya wachuria kughamba, “Mndumu uchacha wa kichuku cha Jese, kuwibonyera nguma wandu wa mbari zima; nawo wichasuwiria kwake.”

WAEBRANIA 7:14

Ni worinyi kukaia Bwana odu orekoghe wa kivalwa cha Juda, na Musa jingi ndeghora ilagho jingi ja wukohani aighu ya mbari iyo anduangi.

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 3:21

Uo usimagha, nichamrumiria kusea kidombo andwamweri nani kwa kifumbi chapo cha nguma seji koni ini neresimieghe na kusea kidombo andwamweri na Aba kwa kifumbi chake cha nguma.

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 5:4

Nani ngalila na ndighi, kwa kuwona angu mndungi nderewonekieghe ufwanagha kuchikuchua icho chuo, angu kuchizighana andenyi yaro.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 7:13

Niko umu wa waja waghosi ukaghora nani ukighamba, “Welee, awa wirwae nguwo ndacha ra chokwa ni weke ani, nawo wafuma hao?”