WUFUNUO 4:8 - Biblia Ilagho Jiboie Kwa Wandu Wose

⁸ Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 4:8 Խաչաձեւ Հղումներ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

ZABURI 91:1

Uo ose ukaiagha aisi ya wulindiri ghwa Uo-Uko-Aighu-Nandighi, uo ukaiagha aisi ya kiju cha Uo-Uwadie-Ndighi-Rose,

KUFUMA 15:11

“Nani uko sa oho ee BWANA aghadi ya milungu? Nani uko sa oho kwa wubaa andenyi ya wueli? Mabonyo ghako gha wubaa ghiaobosha, ghiko gha mashiniko?

KUFUMA 3:14

Mlungu ukamzera Musa, “INI NEKO UO UKO. Kuwizere wana wa Israeli huwu, ‘INI NEKO waniduma konyu.’”

ISAYA 13:6

Lilenyi, angu ituku ja BWANA jeko kaavui, ijo ituku BWANA Uwadie Ndighi Rose uchaatotesha.

ISAYA 62:1

Sichaanyama kima kwa wundu ghwa Jerusalemu, hata sichaahora kwa wundu ghwake, hata hachi yake iwoneke worinyi sa mwengere, na kukia kwake kung'ale-ng'ale sa taa.

EZEKIELI 1:18

Agho magurudumu ana gherekoghe na vidanga na chuzi; na vidanga varo, verechuloghe ni meso chia rose.

EZEKIELI 1:5

Ghadi na ghadi ya icho kiremba, korewonekieghe fwana sa nyamandu riko moyo inya. Kuwoneka kwaro korekoghe huwu: rerekoghe na fwana sa ra wadamu,

EZEKIELI 1:6

ela kula imu erekoghe na mawushu ana, na mawawa ana.

EZEKIELI 10:12

Vidanga va agho magurudumu, na chuzi raro, na magurudumu verekoghe na meso chia rose, ee, magurudumu gha agho makerubi ana.

JOELI 1:15

Ituku ja BWANA jameria kuvika! Ituku BWANA wawuyareda kunoneka. Uo-Uwadie-Ndighi-Rose uchareda kunoneka koobosha ituku ijo.

MABONYO GHA WADUMI 20:31

Kwa huwu muke nicha, mkimanya kwa miaka idadu kio na dime sereleghieghe kumfundisha kula umu onyu kwa kudikwa ni mbori.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

1 WATHESALONIKE 2:9

Inyo mwakumbuka seji dibonyere kazi kwa kusumbuka nandighi wanidu; derebonyereghe kazi kio na dime, eri disekechamlemera ungi onyu, ngelo dikimchilia ijo Ilagho Jiboie ja Mlungu.

1 TIMOTHEO 4:16

Kukulindie kumoni, sena kughilindie mafundisho ghako; kumaziriane nagho, angu kwa kubonya huwo, kuchakukira kumoni chiaimweri na awo wikusikiriagha.

2 TIMOTHEO 4:2

Chila jija Ilagho ngelo ifwane, na ngelo isefwane; wonyera, kania, shashira, kwa kurumaghia kose na kufundisha.

WAEBRANIA 13:8

Jesu Kristo nuo moni ighuo, na idime, na hata kwa kala na kala.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 1:8

“Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WUFUNUO 11:17

wikighamba, “Dakufunyira chawucha, Bwana Mlungu, Kuwadie ndighi rose, oho kuko, nao korekoghe; kwa kukaia kwariwusa iro ndighi rako mbaa, kukazoya kubonya nguma.

WUFUNUO 14:11

Na mosi ghwa ugho modo ghuwitiriragha, ghwajoka kwa kala na kala. Wandu awo witasagha iyo nyamandu, na iyo fwana yaro, na uo ose uko na alama ya irina jake, ndewina kuhora na dime hata na kio anduangi.”

WUFUNUO 14:3

nawo werekoghe wikibora lumbo luwishi imbiri ya icho kifumbi cha nguma, na imbiri ya iro nyamandu riko moyo inya, na imbiri ya awo waghosi. Ndekuwadie mndungi oredimieghe kukufundisha ulo lumbo, ela awo wandu elfu ighana na mirongo ina na inya awo werekombologhe kufuma ndoenyi;

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WUFUNUO 15:7

Na imu ya iro nyamandu riko moyo inya, ikawineka awo weke malaika mfungade, bakuli mfungade ra dhahabu richue machu gha kubia kwa Mlungu, uo uduagha moyo kwa kala na kala;

WUFUNUO 16:14

Iro ni roho ra pepo ribonyagha weke mwakilimbiti, righendagha kwa wazuri wiko wurumwengunyi kose, na kuwikwanya kwa wundu ghwa wuda ghuchaakaia ijo Ituku ibaa ja Mlungu, Uo Uwadie Ndighi Rose.

WUFUNUO 16:7

Nao ngasikira madhabahu ikikema, “Niko koni, ee Bwana Mlungu Uwadie Ndighi Rose, kutanya kwako ni kwa loli na hachi.”

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 19:4

Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”

WUFUNUO 21:22

Nani serewonieghe hekalu ingi andenyi ya ugho muzi, angu hekalu yaro ni Bwana Mlungu Uo Uwadie Ndighi Rose na uo Mwana wa Ng'ondi.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 4:6

na ahoeni imbiri ya icho kifumbi cha nguma, korekoghe sa bahari ya kilole, mfwano ghwa krustali. Na mbai mbai ya icho kifumbi cha nguma chia rose, korekoghe na nyamandu riko moyo inya, richue meso na imbiri na nanyuma.

WUFUNUO 4:9

Hata iro nyamandu riko moyo rikameria kumneka wubaa na ishima na chawucha, uo uko kidombo kifumbinyi cha nguma, uo uduagha moyo kwa kala na kala,

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 6:6

Ngasikira sa lwaka aghadi ya iro nyamandu riko moyo inya lukighamba, “Pishi imweri ya ngano kwa dinari na pishi idadu ra shairi kwa dinari; ela mavuda na divei kusakevibonya ilagho jingi.”

WUFUNUO 7:11

Na weke malaika wose wikakaia mbai mbai ya icho kifumbi cha nguma, na mbai mbai ya awo waghosi, na iro nyamandu riko moyo inya; nawo wikaghwa kijimijimi imbiri ya icho kifumbi cha nguma, na kumtasa Mlungu

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.