WUFUNUO 4:5 - Biblia Ilagho Jiboie Kwa Wandu Wose

⁵ Kufuma kwa icho kifumbi cha nguma, rerefumieghe chuhehia, na chwaka na mirurumo ya chukuwa; na imbiri ya icho kifumbi cha nguma, korekoghe na taa mfungade rikiaka, naro ni roho mfungade ra Mlungu;

WUFUNUO 4:5 Խաչաձեւ Հղումներ

KUZOYA 15:7

Nao BWANA ukamzera, “Ini ne BWANA uo ukuredie kufuma muzi ghwa Uri ya Wakalidayo eri nikuneke isanga iji jikaie jako.”

2 MALAGHO GHA NGELO 4:20

vilambo vewikiria taa na taa raro ra dhahabu ielie; rikoroghe naimbiri ya Andu kwa Wueli kwa nandenyi, sa iji ilaghirilo;

ZABURI 68:35

Mlungu, uo Mlungu wa Israeli uaobosha ukifuma andenyi ya andu kwake kwa wueli. Wadawineka wandu wake ndighi na kudima. Mlungu ndekaso!

KUFUMA 19:16

Nao ituku ja kadadu luma lwa nakesho, korekoghe chukuwa na chuhehia, na iwingu jikambie kira jikacha mghondinyi; lwaka lubaa lwa tarumbeta lukasikirika, na wandu wose werekoghe kambinyi wikasughusika kwa wowa.

KUFUMA 20:18

Nao iji wandu weresikireghe chukuwa na kuwona chuhehia, na kusikira lwaka lwa tarumbeta, na kuwona ugho mosi ghorefukiagha mghondinyi, wikaobua na kusughusika, wikakaia kula;

KUFUMA 25:37

Kubonye taa mfungade rewikiria aighu ya icho kilambo chewikiria taa; na kuriwikiria aighu ripate kulangalishira kiimbiri.

KUFUMA 37:23

Ukabonya taa mfungade kwa wundu ghwa icho kilambo chewikiria taa, na kilambo cheinja ivu na sahani raro kwa dhahabu ielie.

EZEKIELI 1:13

Ghadi na ghadi ya iro nyamandu riko moyo, korekoghe na kilambo chimu chiwonekagha sa maka gha modo, sa tochi riakagha ii chia na ii chia aghadi ya iro nyamandu riko moyo, na ugho modo ghorekoghe ghukiaka nandighi; na kufuma kwa ugho modo lorefumieghe luhehia.

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

ZEKARIA 4:2

Ukanikotia, “Kwawuyawona kii?” Ngatumbulia, “Naawuyawona kinara cha taa cha dhahabu, na bakuli ya mavuda yawikirilwa aighu. Aighu yaro korekoghe na taa mfungade, riko na andu kongiria wutambi kula imu.

MATHAYO 25:1

“Niko wuzuri ghwa Mlungu ghuchaafwanana na wai ikumi, werewusireghe taa rawo, wikafuma kwendammara bwana arusi.

MATHAYO 3:11

Ini nam'baputiza kwa machi kuwonyera angu mwahea. Ela uo uchagha nyuma yapo oko nandighi kunichumba ini; hata ini sifwane kumdukia vadu vake. Uo ucham'baputiza kwa Roho Mweli na modo.

MABONYO GHA WADUMI 2:3

Rikawoneka kwawo chumi sa chumu ra modo riwaghanyiro, na kukaria aighu ya kula umu wawo.

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 10:3

ukawanga kwa lwaka lubaa sa shimba irurumagha. Nao iji wawanga, iro chukuwa mfungade rikadeda,

WUFUNUO 11:19

Niko Hekalu ya Mlungu ikarughulwa mlungunyi, na Sanduku ya Ilaghano jake ikawoneka Hekalunyi; kukakaia kukaba chuhehia, chwaka, mirurumo ya lukuwa, msughusiko ghwa ndoe, na vua mbaa ya magho.

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

WUFUNUO 5:6

Niko neremmbonieghe Mwana wa Ng'ondi uko kimusi ghadi na ghadi ya icho kifumbi cha nguma, na iro nyamandu riko moyo inya, na awo waghosi. Nao orekoghe ukiwoneka seji odebwaghwa; orekoghe na mbembe mfungade, na meso mfungade, nagho ni roho mfungade ra Mlungu ridumilo ndoenyi kose.

WUFUNUO 8:5

Niko uo malaika ukaluwada ulo luwigha lofukira marumba, ukaluchura modo kufuma madhabahunyi, na kulukumba andoenyi, ghukakaia mrurumo ghwa lukuwa, chwaka, kukaba kwa chuhehia, na msughusiko ghwa ndoe.