WUFUNUO 4:11 - Biblia Ilagho Jiboie Kwa Wandu Wose

¹¹ “Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”

WUFUNUO 4:11 Խաչաձեւ Հղումներ

KUZOYA 1:1

Aho kuzoenyi, Mlungu oreumbieghe mlungunyi na ndoenyi.

2 SAMUELI 22:4

Nadammbanga BWANA, nao wadanikira kufuma kwa wamaiza wapo. BWANA ndekaso!

NEHEMIA 9:5

Walawi winughagha wikawanga wandu wichemtasa Mlungu: Jeshua, Kadmieli, Bani, Hashabneia, Sherebia, Hodia, na Shebania, na Pethaya, wikighamba, “Wukenyi mumkase BWANA Mlungu onyu; mkasenyi kwa kala na kala! Kula mundu ndejikase irina jake ja wubaa, hata ngera ndeidimikagha mdamu umkase kwa kukata.”

AYUBU 36:3

Naichi malagho malazi, nani nichawonyera seji Muumbi wapo uko na hachi.

ZABURI 18:3

Nadammbanga BWANA, uo ufwanagha kukaswa, nao wadanikira na wamaiza wapo.

ZABURI 68:34

Ereshenyi malagho gha ndighi ra Mlungu, uo nguma rake riko aighu ya Israeli.

KUFUMA 20:11

Angu BWANA oreumbieghe mlungunyi na ndoenyi kwa matuku arandadu, bahari na vose viko andenyi yaro; ukahora ituku ja mfungade. Kwa huwo, BWANA ukajirasimia ituku ja mfungade, ukajielesha.

MAKATANISHO 16:4

BWANA oobonya maza rose kukatisha makusudi ghake, hata wawiwi weewikwa kwa ituku ja wasi.

ISAYA 40:26

Zighanenyi nokoighu cha mlungunyi! Nani uumbie iro nyerinyeri muriwonagha? Uo urighenjagha sa ijeshi wariichi mtalo ghwaro; nao wadariwanga kula imu kwa irina jake. Ndighi rake ni mbaa loli loli, hata ingi yaro na jingi ndeidimagha kulaghaya.

ISAYA 40:28

Wele ndekuichi, angu ndekusikire? Kukaia, BWANA ni Mlungu wa kala na kala, nuo Muumbi wa kutua kose kwa ndoenyi, ndesilwagha jingi hata ndedumbukagha, kumanya kwake ndekulawulwagha.

JEREMIA 10:11

Muwighorie wandu huwu: “Iyo milungu iseumbie mlungunyi na ndoenyi, ichatota ndoenyi na aisi ya mlungunyi.”

JEREMIA 32:17

‘Aa e Bwana MLUNGU! Ni oho kuumbie mlungunyi na ndoenyi kwa ndighi rako mbaa na kwa mkonu ghwako ghwa kudima! Ndekuwadie ilagho jingi jisedimikagha kwako,

MABONYO GHA WADUMI 14:15

“Wele nga wandu, kwaki m'bonyagha huwu? Nechi isi de wadamu karakara na inyo; nesi daamredia Ilagho Jiboie, mpate kufuma na kurisigha iri maza ra duu, mumghalukie Mlungu uko moyo, uo oreumbieghe mlungunyi na ndoenyi, na bahari, na vose viko andenyi yaro.

MABONYO GHA WADUMI 17:24

Uja Mlungu orebonyereghe wurumwengu na vose viko andenyi yaro, ni Bwana wa mlungunyi na ndoenyi, nao ndekaiagha andenyi ya hekalu riaghilo ni wandu.

WAROMA 11:36

Angu vilambo vose vadafuma kwake, vadakaia kwa kudima kwake na kwa wundu ghwake. Wubaa ndeghukaie kwake kwa kala na kala. Amen.

WAEFESO 3:9

Na kuwibonya wandu wose wighuwone ugho mpango ghwa iyo ngasu erevisiroghe kwa Mlungu ngelo riidie, Uo uumbie vilambo vose;

WUKUMBUSO 32:4

“BWANA ni mlindiri onyu uwadie ndighi, chia rake rose ni ra hachi; Mlungu onyu ni mloli na mhachi wadabonya agho ghiko gha loli na hachi.

WAEBRANIA 1:10

Na sena, “Oho Bwana, aho kuzoenyi, koreumbieghe ndoenyi na kwa mikonu yako kumoni, korebonyereghe mlungunyi.

WAEBRANIA 1:2

Ela agha matuku gha kutua, waghora nesi kwa chia ya Mwana wake; uo oremmbikieghe ukaie mundu wa ifwa ja vilambo vose, na kwa chia yake wori, oreghuumbieghe wurumwengu.

WUFUNUO 1:6

na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 10:6

ukaghema kwa Mlungu ukaiagha moyo kwa kala na kala, uo oreumbieghe mlungunyi na vose viko andenyi yaro, ndoenyi na vose viko andenyi yaro, na bahari na vose viko andenyi yaro; kukaia, ndekuwuyakaia kuchelewa kungi sena.

WUFUNUO 14:7

ukaghora kwa lwaka lubaa, “Muobuonyi Mlungu, mumneke wubaa, angu ngelo ya kutanya kwake yameria kuvika; mtasenyi uo ubonyere mlungunyi na ndoenyi, bahari na ndoria ra machi.”

WUFUNUO 19:1

Nyuma ya agha, neresikireghe seji ni izungu ibaa ja wandu widedagha kwa lwaka lubaa mlungunyi jikighamba, “Haleluya! Kukia, na wubaa, na kudima, ni kwa Mlungu odu;

WUFUNUO 5:12

“Uo Mwana wa Ng'ondi ubwaghilo, nuo ufwanagha kuwusa kudima, mali, hikima, ndighi, ishima, wubaa, na makaso.”

WUFUNUO 5:2

Ngawona malaika uwadie ndighi, ukichila na lwaka lubaa ukighamba, “Nani ufwanagha kufungua mihuri ya icho chuo na kuchikuchua?”

WUFUNUO 5:9

Wikabora lumbo luwishi wikighamba, “Kwafwana oho kuchiwada icho chuo na kuifungua mihuri yaro; angu oho korebwaghiloghe, na kwa bagha yako, kukamkombuya Mlungu wandu kufuma kula kichuku, kiteto, wandu, na mbari.