WUFUNUO 3:8 - Biblia Ilagho Jiboie Kwa Wandu Wose

⁸ Narimanya kazi rako. Ola nakuwikia mnyango ghuari, ugho mndungi usedimagha kughurugha anduangi; namanya ndighi rako ni ndini, ela sena kwajilindirie ilagho japo, hata ndekujikanie irina japo anduangi.

WUFUNUO 3:8 Խաչաձեւ Հղումներ

MAKATANISHO 30:9

nisecheghuda nandighi na kukukana oho ngighamba “Nani uwangwagha BWANA?” hata nisekaie mkiwa nicheiwa na kujilusha irina ja Mlungu wapo.

DANIELI 11:34

Ingelo wibwaghwagha, wichakaia wikipata wutesia mtini; na wengi wichawinugha ighu-ighu tu.

LUKA 12:9

Ela uo unikanagha imbiri ya wandu, Mwana wa Mdamu wori uchamkana imbiri ya weke malaika wa Mlungu.

JOHANE 15:20

Jikumbukenyi jija ilagho neremghorieghe, ‘Mdumiki ndekaiagha m'baa kuchumba bwana wake.’ Ngera werenitiririeghe ini, wichamtirira na inyo wori; ngera werejiwadieghe ilagho japo, wichajiwadia na jenyu wori.

JOHANE 17:6

“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

MABONYO GHA WADUMI 14:27

Hata iji wavika Antiokia, wikajikwanya ikanisa na kuwighoria malagho ghose Mlungu orekoghe waghibonya andwamweri nawo, na seji urughue mnyango ghwa irumirio kwa wandu wa mbari zima.

1 WAKORINTHO 16:9

angu narughuilwa mnyango m'baa nipate kubonya kazi nicha, na wamaiza nawo ni wengi.

2 WAKORINTHO 2:12

Iji nerechieghe Troa kuchila Ilagho Jiboie ja Kristo, nererughuiloghe mnyango kwa wundu ghwa Bwana;

WAFILIPI 4:13

Nadima kubonya maza rose kwa uo unidimishagha.

WAKOLOSAI 4:3

Mdilombie na isi wori, eri Mlungu udirughuye mnyango ghojighora ijo ilagho, dipate kuieresha iyo ngasu ya Kristo, iyo nayo kwa wundu ghwaro, neko kifungonyi;

1 TIMOTHEO 5:8

Ngera mndungi wakaia usetalagha wandu wa kichuku chake, na kuchumba awo wa nyumbenyi kwake, wajikana ijo irumirio, nao wakaia mmbiwi kuchumba mundu userumirie.

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.

JUDA 1:4

Angu weko wandu wamu wikungirie kwa kiviso, nawo ni wandu werewikiloghe kokala kwa wundu ghwa kutanywa uku; wandu wisene kuobua kwa Mlungu, awo wighughaluagha ugho mvono ghwa Mlungu odu kukaia wuwiwi, na kumkana uo uko Mzuri ueka, na Bwana odu Jesu Kristo.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 2:2

Narimanya kazi rako, na kufunga ndighi kwako, na kurumaghia luma kwako, na seji kusedimagha kurumaghianya na wandu wawiwi; ela kwawitimie awo wandu wikuwangagha weni wadumi, nawo wiseko huwo, kukawiwona kukaia watee.

WUFUNUO 22:7

Nani ola niacha kafwani. Warasimilwa u mundu ughiwadiagha malagho gha wulodi ghwa chuo ichi.”

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

WUFUNUO 3:15

Narimanya kazi rako, kukaia ndekuko wa mbeo hata wa modo anduangi. Kumangu kwakaiagha wa mbeo angu wa modo.

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.