WUFUNUO 3:18 - Biblia Ilagho Jiboie Kwa Wandu Wose

¹⁸ Kwa huwo, nakuneka njama kughuo kwapo dhahabu ieleshero kwa modo, eri kukaie na mali, na nguwo ya chokwa kupate kurwa kuinja waya ghwa wuduu ghwako ghusewoneke; na wughanga ghoshinga meso ghako, eri kupate kuwona.

WUFUNUO 3:18 Խաչաձեւ Հղումներ

ZABURI 107:11

angu wereleghieghe malagho gha Mlungu, na kuimenya njama ya Uo-Uko-Aighu-Nandighi.

ZABURI 16:7

Nadamkasa BWANA, uo uninekie njama ndicha; nakio wori ngolo yapo yadaniwonyera jebonya.

ZABURI 32:8

BWANA waghamba, “Nichakuwonyera na kukufundisha seji ikufwanagha kughenda, nichakuneka njama na kukuzighana.

ZABURI 73:24

Kwawuyanighenja kwa njama yako; konyuma kuchaniwusa kwa wubaa.

MAKATANISHO 1:25

Ndemuwuetala njama rapo rose hata ndemuwuewusa mawonyero ghapo.

MAKATANISHO 1:30

Moreleghieghe njama rapo, mkamenya kukania kwapo.

MAKATANISHO 19:20

Sikiria njama, kurumirie mafundisho; kutua kuchapata hikima.

MAKATANISHO 23:23

Kughuo loli, ela kuseiuze; pata hikima, mafundisho, na kutambukilwa.

MCHILI 8:2

Kumsikire mzuri, hata kusebonye malaghiro kwa Mlungu kwa shwa-shwa.

ISAYA 47:3

Kuchashanakulwa nguwo rako kusigho duu, na wandu wichaghuwona wuduu ghwako. Nichalipa kisasi hata sichaasigha mndungi.”

ISAYA 55:1

BWANA waghamba, “Okenyi kula mundu uomagha ndeche machinyi; na uo usewadie pesa, ndeche ughuo uje. Choonyi mghuo divei na mariwa, kuseko na pesa angu zoghori.

JEREMIA 13:26

Ini nimoni nichafunukua nguwo rako rivike wushunyi, wuduu ghwako ghupate kuwoneka.

DANIELI 12:2

Na wengi wa awo wimerie kufwa na kurikwa ndoenyi, wicharukishwa. Wamu wighende kwa irangi ja kala na kala, na wamu wighende andu kofushwa waya na kumenywa kwa kala na kala.

MIKA 1:11

Inyo wandu wa Shafiri, ghendenyi cha wubarishonyi mtughuta mfue waya. Wandu wa Zaanani, msetime kufuma shighadi ya muzi ghwawo. Mkasikira ngemi ra wandu wa Beth-ezeli, moomanya kukaia wulindiri ghungi ndeghuko aho.

NAHUMU 3:5

BWANA Uwadie Ndighi Rose waghamba, “Nichakukaba oho Nineve! Nichakufunukua nguwo rako na kuwonyera wuduu ghwako kwa iro mbari, na waya ghwako ghose.

MALAKI 3:3

Uchacha kutanya sa mundu ueleshagha feza. Mdumwa wa BWANA uchawielesha wakohani sa mchani vuma ueleshagha feza na dhahabu wipate kumfunyira mafunyo ghiboie.

MATHAYO 13:44

“Wuzuri ghwa mlungunyi ghwafwanana na mali ivisiro mbuwenyi. Mndumu uendaiwona, ukaivisa sena; ukaghenda kwa kuboilwa, ukauza vilambo vake vose orekoghe navo, ukaighua ija mbuwa.

MATHAYO 25:9

Ela waja wa akili wikawitumbulia, ‘Ngera ndeghidikatagha diwose, ni nicha mwende mkughuye mmbeni kwa awo wiuzagha.’

LUKA 12:21

Ni huwo koni kwa uo ukuwikiagha moni mali, useko na mali ingi kwa Mlungu anduangi.”

2 WAKORINTHO 5:3

eri iji darushwa, disewoneke duu.

2 WAKORINTHO 8:9

Inyo mwaichi mvono ghwa Bwana odu Jesu Kristo, seji hata ngera orekoghe na mali, ela orewurieghe mkiwa kwa wundu ghonyu, eri kwa ugho wukiwa ghwake, mpate kukaia na mali.

1 TIMOTHEO 6:18

Nawo wibonye nicha, wikaie na mali kwa wundu ghwa kubonya nicha, wifunyagha vindo vawo wikiwiwaghia wazima kwa ngolo ndicha.

JAKOBO 2:5

Sikirienyi wanidu nimkunde: Welee, Mlungu nderewisaghueghe awo wiko wakiwa wa wurumwengu wipate kukaia Wazuri wa irumirio, na wandu wepata ifwa ja Wuzuri, ugho Mlungu uwilaghirie awo wimkundagha anguwada?

1 PETRO 1:7

eri wuloli ghwa irumirio jenyu jiko ja zoghori mbaa kuchumba dhahabu, iyo hata ngera ni etota, yadatimwa kwa modo; jipate kumredia kukaswa, na wubaa, na ishima, ngelo ya kufunukulwa kwa Jesu Kristo.

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 3:17

Angu oho kwaghamba, ‘Ini nawadie mali, nachurikie hata sine haja na kilambo chingi;’ kusemanyagha kukaia oho ko mundu wa wasi, owasira wughoma, mkiwa, kitungure, na kuko duu.

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.

WUFUNUO 7:13

Niko umu wa waja waghosi ukaghora nani ukighamba, “Welee, awa wirwae nguwo ndacha ra chokwa ni weke ani, nawo wafuma hao?”