WUFUNUO 3:11 - Biblia Ilagho Jiboie Kwa Wandu Wose

¹¹ Niacha shwa-shwa, maziria icho kuko nacho, mndungi usechekusoka kirumbu chako.

WUFUNUO 3:11 Խաչաձեւ Հղումներ

ZEFANIA 1:14

Ijo ituku ibaa ja BWANA jameria kuvika; jaawuyacha naiseghe jikishashira; kusikirika kwa ijo ituku ja BWANA kwabirie; kwa kukaia hata ing'oni ja asikari m'baa jichafwa ngolo na kulila.

1 WAKORINTHO 9:25

Kula mundu ose wa misarigho wadakuzaisira kukumazira moni kwa maza rose. Wabonya huwo, eri wipate kirumbu chiseduagha; ela isi ni kupata kirumbu chiduagha.

WAFILIPI 4:5

Wumboa ghonyu ghumanyike kwa wandu wose. Bwana oko kaavui.

2 TIMOTHEO 2:5

Mundu wa misarigho, nderushwagha kirumbu, usaasima kunughana na sharia.

2 TIMOTHEO 4:8

Na idana nawikilwa kirumbu cha hachi, icho nichaanekwa ni Bwana uo Mtanyi wa hachi jija Ituku; hata si ini moni niekeri anduangi, ela uchawineka awo wose wikundagha kuja kuwoneka kwake.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

JAKOBO 5:9

Msakezughunukiana mmbeni na mmbeni wanidu, mchetanywa. Olenyi Mtanyi oko kimusi minyangonyi.

WUFUNUO 1:3

Warasimilwa uo ughishomagha malagho gha wulodi ughu na awo wighisikiragha na kughiwadia wori; angu iyo ngelo yalighisa.

WUFUNUO 16:15

(“Ola niacha sa kitoi! Warasimilwa uo uchereshagha na kurilindia nguwo rake, usecheghenda duu na kuwoneka wuduu ghwake.”)

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 2:25

ela ugho ghoni ghwa inyo kumazira icho muko nacho hata nacha.

WUFUNUO 22:12

“Olenyi niacha kafwani, niko na mafungu ghapo, nimlipe kula mundu karakara na seji ubonyere.

WUFUNUO 22:20

Uo ushuhudiagha maza iri waghamba, “Loli niacha kafwani.” Amen. Choo Bwana Jesu.

WUFUNUO 22:7

Nani ola niacha kafwani. Warasimilwa u mundu ughiwadiagha malagho gha wulodi ghwa chuo ichi.”

WUFUNUO 3:3

Idana kumbuka seji korefundishiroghe na seji koresikireghe, kuwadie na kuhea. Kukalegha kuwuka, nichacha sa kitoi, na oho ndekuchaamanya ingelo nikucheagha nayo.

WUFUNUO 4:10

awo waghosi mirongo iwi na bana wadaghwa kijimijimi imbiri yake uo uko kidombo kifumbinyi cha nguma, na kumtasa uo uduagha moyo kwa kala na kala. Nawo wakumba virumbu vawo imbiri ya icho kifumbi cha nguma wikibora:

WUFUNUO 4:4

Mbai-mbai ya icho kifumbi cha nguma, verekoghe vifumbi vimu va nguma mirongo iwi na vina, na waghosi mirongo iwi na bana waseria aighu yaro, wirwae nguwo ra chokwa na virumbu va dhahabu vongonyi kwawo.