WUFUNUO 3:10 - Biblia Ilagho Jiboie Kwa Wandu Wose

¹⁰ Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

WUFUNUO 3:10 Խաչաձեւ Հղումներ

ISAYA 24:17

Kiture na vina na midegho vaawuyammbesera inyo wandu wa ndoenyi.

DANIELI 12:10

Wandu wengi wichakuelesha na kukaia wielie, nawo wichaela. Ela wawiwi, wichabonya kiwiwi; na mndungi wawo ndechaatambukilwa jingi. Awo wa hikima, wichatambukilwa.

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

MATHAYO 24:14

Na iji Ilagho Jiboie ja Wuzuri jichachilwa wurumwengunyi kose kukaia wushuhuda kwa wandu wose; aho niko kutua kuchacha.

MATHAYO 26:41

Chereshenyi mlombe msengie mtimonyi, ija roho loli yakunde, ela mumbi ghwakaia mnyonge.”

MATHAYO 6:13

Kusakedikumba matimonyi, Ela kudikire na uja Mmbiwi.’

MARKO 14:9

Namghoria loli, kula andu kose jichaachilwa Ilagho Jiboie wurumwengunyi kose, iji najo wajibonya muka uhu jichaghorwa kwa kumkumbuka.”

LUKA 2:1

Matuku ghaja, itangazo jerefumieghe kwa Kaisari Augusto, angu wandu wose wa wuzuri ghwake wiandikisho.

JOHANE 17:6

“Nakubonyere kumanyike kwa wandu awa koreninekieghe wurumwengunyi. Werekoghe wako, kukanineka ini; nawo wamerie kujiwada ilagho jako.

WAROMA 1:8

Ilagho ja imbiri, namfunyira Mlungu wapo chawucha kwa chia ya Jesu Kristo kwa wundu ghonyu inyo mmbose; angu irumirio jenyu jaghorwa wurumwengunyi kose.

1 WAKORINTHO 10:13

Ndekuwadie itimo jingi jimpatire, iseeka ni ijo jeni jiwipatagha wandu wose. Mlungu ni mloli, nao ndechaamsigha mtimo kuchumba ndighi renyu; ela chiaimweri na jija itimo, uchaboisa chia ejifuma, eri mdime kujirumaghia.

WAEFESO 6:13

Kwa huwu wadenyi maswagha ghose gha Mlungu, eri mdime kughiria wuwiwi ghwa ituku jaro; hata iji mwameria kubonya ghose mmange.

2 TIMOTHEO 2:12

Dikarumaghia, dichabonya nguma andwamweri nao wori. Dikamlegha, nao moni uchadilegha.

JAKOBO 3:12

Idimika mtini kuva zeituni wanidu, angu mzabibu kuva tini? Wokoni ndeidimikagha machi gha munyu kufunya machi ghihorie anduangi.

1 PETRO 4:12

Wakundwa, msakeshinulwa ni agho matimo ghibirie ghawuyamchea kumtima, seji kuamba ni malagho gha kighenyi ghawuyabonyeka konyu.

2 PETRO 2:9

Kwa huwo, Bwana waichi kuwivuvua na matimo awo wimuobuagha Mlungu, na kuwiwika wakosi wifungie hata Ituku ja Kutanywa;

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 11:10

Na wandu wa ndoenyi wichaboilwa kwa wundu ghwa kubwaghwa kwawo, nawo wichabonya maseko na kuenjerana manosi; angu awo walodi wawi wedeeka matiriro kwa wandu ndoenyi.

WUFUNUO 13:10

Ikakaia mndungi wawikilo udwalo wunyika, uchadwalwa wunyika ngera mndungi wabwagha kwa lufu, uchabwaghwa kwa lufu. Aha niko jikundikie irumaghio na irumirio ja waeli.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:8

Na wandu wose wikaiagha ndoenyi wichaitasa; awo, imbiri wurumwengu ghuseumbilo, marina ghawo ghisereandikiloghe andenyi ya chuo cha irangi cha Mwana wa Ng'ondi uo orebwaghiloghe.

WUFUNUO 14:12

Aha niko jikundikie irumaghio ja waeli, awo wiiwadiagha memu ya Mlungu na ijo irumirio ja Jesu.

WUFUNUO 14:6

Niko ngawona malaika umu ukiburuka mbeonyi, uko na Ilagho Jiboie ja kala na kala; upate kuwichilia awo wikaiagha ndoenyi wa kula mbari, kichuku, kiteto, na wandu;

WUFUNUO 16:14

Iro ni roho ra pepo ribonyagha weke mwakilimbiti, righendagha kwa wazuri wiko wurumwengunyi kose, na kuwikwanya kwa wundu ghwa wuda ghuchaakaia ijo Ituku ibaa ja Mlungu, Uo Uwadie Ndighi Rose.

WUFUNUO 17:2

ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 17:8

Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WUFUNUO 2:10

Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 3:8

Narimanya kazi rako. Ola nakuwikia mnyango ghuari, ugho mndungi usedimagha kughurugha anduangi; namanya ndighi rako ni ndini, ela sena kwajilindirie ilagho japo, hata ndekujikanie irina japo anduangi.

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

WUFUNUO 8:13

Niko ngazighana, nani ngasikira indu ikikema na lwaka lubaa ngelo erekoghe ikiburuka koighu mbeonyi, “Ni bugha! Ni bugha! Ni bugha kwa awo wandu wikaiagha ndoenyi, ingelo weke malaika wamu wadadu wakakaba tarumbeta rawo!”