WUFUNUO 21:3 - Biblia Ilagho Jiboie Kwa Wandu Wose

³ Ngasikira lwaka lubaa kufuma kwa icho kifumbi cha nguma lukighamba, “Ola wulalo ghwa Mlungu ni andwamweri na wadamu. Nao uchakaia andwamweri nawo, nawo wichakaia wandu wake; Mlungu moni uchakaianya nawo.

WUFUNUO 21:3 Խաչաձեւ Հղումներ

1 WAZURI 8:27

“Ela loli Mlungu wadima kukaia ndoenyi? Zighana mlungunyi kwa ighu ndekukukatagha, ni kuchumba saki i Hekalu nakuaghia!

2 MALAGHO GHA NGELO 6:18

“Ela loli Mlungu wadima kukanya na wadamu ndoenyi? Ola mlungunyi na mlungunyi kuko ighu kuchumba ndekudimagha kukukata, ichakaia ihi nyumba niiaghie!

KUFUMA 25:8

Suti wandu winibonyere Andu kwa Wueli, nipate kukaia aghadi kwawo.

KUFUMA 29:45

Nani nichakaia aghadi ya wandu wa Israeli, na kukaia Mlungu wawo.

ISAYA 12:6

Kemenyi na kubora kwa kuboilwa inyo wandu wose mkaiagha Sioni, kwa kukaia uo uko aghadi konyu ni m'baa, Mlungu Mweli wa Israeli.”

JEREMIA 31:33

Ela ilaghano nichaajibonya na wandu wa Israeli nyuma ya matuku ghaja nijo iji: Nichawika sharia yapo andenyi kwawo, nani nichaiandika aighu ya ngolo rawo; nichakaia Mlungu wawo nawo wichakaia wandu wapo.

JEREMIA 32:38

Nawo wichawuya wandu wapo, nani nichakaia Mlungu wawo.

EZEKIELI 37:27

Nichakaia aghadi kwawo, nani nichakaia Mlungu wawo, nawo wichakaia wandu wapo.

EZEKIELI 43:7

ukanizera, “Mwana wa mdamu, aha ni andu kwa kifumbi chapo cha nguma, sena ni andu kowikiria chwau rapo, andu nichaakaia aghadi ya wandu wa Israeli kwa kala na kala. Wandu wa Israeli chiaimweri na wazuri wawo, ndewichaajilusha irina japo kwa kutasa milimu yawo sena, angu kwa kurika gharia ra wazuri wawo aha;

EZEKIELI 48:35

Kipimo cheghumara muzi ghose chia rose inya ni meta elfu ikenda, na irina ja ugho muzi kufuma ngelo iyo, ni BWANA-Oko-Aha.”

ZEKARIA 13:9

Nichatima na kujielesha ifungu jimweri ja kadadu jisigharikie, seji mundu ueleshagha feza kwa modo; nichawitima seji dhahabu itimwagha. Wichanilomba, nani nichawidika. Nichawizera awo ni wandu wapo nawo wicharumiria kukaia ini ne Mlungu wawo.”

ZEKARIA 8:8

na kuwireda kufuma mashariki na magharibi wipate kukaia Jerusalemu. Wichakaia wandu wapo na ini nichakaia Mlungu wawo uwibonyeragha nguma kwa wuloli na kwa hachi.

MITALO 9:16

Ilagho ijo jerekoghe jikibonyeka woruwo toe; nadime iyo Hema erekoghe ikifinikirwa ni iwingu, na nakio ijo iwingu jikawoneka sa modo.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 14:23

Jesu ukamtumbulia, “Mundu ukanikunda, uchajiwadia Ilagho japo, na Aba uchamkunda, nesi dichacha na kukaia andwamweri nao.

2 WAKORINTHO 6:16

Anguu, hekalu ya Mlungu yawadie mapatano gha indoki na milimu? Kwa kukaia isi de hekalu ya Mlungu uko moyo; sa iji koni ughorie, “Nichakaia andenyi kwawo, na kusela aghadi kwawo; nani nichakaia Mlungu wawo, nawo wichakaia wandu wapo.

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

1 WATHESALONIKE 3:11

Idana, Mlungu Aba odu moni, na Bwana odu Jesu, ndediboisire chia echa konyu;

WAEBRANIA 11:16

Ela seji iko, weekunda isanga jiboie kuchumba, najo ni ja mlungunyi. Kwa huwo, Mlungu ndewonagha waya ghungi iji wakammbanga Mlungu wawo, angu wawiboisire muzi.

WAEBRANIA 8:10

Iji nijo ilaghano nichaajibonya na nyumba ya Israeli nyuma ya matuku agho, waghamba Bwana; Nichangira sharia rapo akilinyi kwawo, na kuriandika ngolonyi kwawo, nani nichakaia Mlungu wawo, nawo wichakaia wandu wapo.

WAEBRANIA 8:2

nao ni mdumiki wa Andu kwa Wueli, na wa iyo hema ya loli, isebonyero ni mdamu ela ni Bwana.

WUFUNUO 10:4

hata iji iro chukuwa mfungade rerededieghe, ngakunda kuandika; ela neresikireghe lwaka kufuma mlungunyi lukighamna, “Agho malagho gha chukuwa radeda, ni ngasu; kusakeghiandika.”

WUFUNUO 10:8

Niko ulo lwaka nerelusikireghe lukideda kufuma mlungunyi, lukadeda nani lukinizera sena, “Ghenda kuchiwade chija chuo kitini chiko mkonunyi kwa malaika, uo wawuyakaia kimusi baharinyi na ndoe iomie.”

WUFUNUO 12:10

Ngasikira lwaka lubaa mlungunyi lukighamba, “Idana kukia kwa Mlungu odu kwameria kucha; na uko kudima kwake, na wuzuri ghwake, na iyo nguma ya Kristo wake; angu uo mshitaki uwishitakiagha wanidu kio na dime imbiri ya Mlungu wameria kupotolwa.

WUFUNUO 21:7

U mundu usimagha, uchapata ifwa iji, nani nichakaia Mlungu wake, nao uchakaia mwana wapo.

WUFUNUO 22:3

Ndekuwadie kindo chingi chiwasiro njowe chichaakaia aho sena, ela kifumbi cha nguma cha Mlungu na cha Mwana wa Ng'ondi, nivo vichaakaia andenyi yaro, na wadumiki wake wichamtasa.

WUFUNUO 7:15

Kwa huwo, weko imbiri ya kifumbi cha nguma cha Mlungu, nawo wadamtasa kio na dime andenyi ya hekalu yake; na uo useagha kidombo aighu ya kifumbi cha nguma uchawilindia kwa kukanya nawo.