WUFUNUO 2:5 - Biblia Ilagho Jiboie Kwa Wandu Wose

⁵ Idana kummbuka ni hao kughue kuhee kupate kubonya iro kazi ra imbiri. Si huwo, kusaahea, nichacha kwako na kuchiinja kinara chako cha taa andu kwaro.

WUFUNUO 2:5 Խաչաձեւ Հղումներ

ISAYA 1:26

Nichawika watanyi wako sa iji koni werekoghe imbiri; na wanjama wako sa iji koni werekoghe; niko kuchawangwa muzi ghwa hachi na muzi ghwa loli ee Jerusalemu.”

ISAYA 14:12

“Kwaserwa wada kufuma mlungunyi ee mzuri wa Babuloni? Oho korekoghe sa nyerinyeri ya luma lwa nakesho! Kwaserwa wada hata andoenyi? Oho korekoghe kwarisima mbari rose!

EZEKIELI 20:43

Na aho mchakumbuka iro chia renyu mbiwi na mabonyo ghenyu morekunonieghe nagho; nenyo mchakuzamia mmbeni kwa wundu ghwa ugho wuwiwi ghose moreghubonyereghe.

EZEKIELI 36:31

Mchakumbuka chia renyu rizamie na agho mabonyo ghenyu ghizamie, nenyo mchakuzamia mmbeni kwa agho mabonyo ghenyu ghizamie gha wuchafu moreghibonyereghe.

HOSEA 14:1

Ee wandu wa Israeli, wuyenyi kwa BWANA Mlungu onyu, kwa kukaia mookuwishwa ni makosa ghenyu gheni.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

MALAKI 3:4

Niko mafunyo ghichaafunywa ni wandu wa Juda na Jerusalemu ghichaam'boia BWANA sa kala.

MALAKI 4:6

Uchawipatanisha weke aba na wana, eri nisecheikaba ndoe na kuitotesha.”

MATHAYO 5:14

“Inyo moko mwengere wurumwengunyi; muzi ghuko mghondinyi ndeghudimagha kuvisika anduangi.

MATHAYO 5:15

Hata wandu ndewikoragha taa na kuifinikira pishi, ela wadaiwika aighu ya kilambo charo iwilangalishire mwengere wandu wose wiko nyumbenyi.

MARKO 12:9

“Idana, uchabonya wada uja bwana wa mbuwa ya mizabibu? Uchacha na kuwitotesha waja walimi, na mbuwa ya mizabibu uchaipangisha kwa walimi wazima.

LUKA 1:17

Uchaghenda imbiri kwake kwa roho nandighi ra Elija upate kurighalusa ngolo ra weke ndee, riwighalukie wana wawo. Na awo wisesikiragha wiinughe hikima ya wahachi, na kuwika wandu tayari kwa wundu ghwa Bwana.”

LUKA 20:16

Uchacha na kuwitotesha, na mbuwa ya mizabibu uchaipangisha walimi wazima.” Nao iji wasikira agho wikaghamba, “Huwo mbai!”

WAGALATIA 5:4

Inyo mkundagha kutalwa kukaia na hachi kwa chia ya Sharia, mwatanywa na Kristo; nenyo ndemduagha andenyi ya mvono anduangi.

WAFILIPI 2:15

mpate kukaia wandu mseghorwagha kiwiwi, hata kukaia na ikosa jingi anduangi; wana wa Mlungu msewadie iboli jingi, aghadi ya kivalwa chinonekie na cha kaung'a; mking'ala-ng'ala aghadi kwawo sa miengere wurumwengunyi.

WAEBRANIA 10:32

Ela kumbukenyi matuku gha kala; ngelo io, muendanekwa mwengere, morerumaghieghe kusimana kubaa kwa wasi mungi.

2 PETRO 3:17

Kwa huwo inyo wakundwa, mkimanya maza iri kiimbiri, mkulindie msechelaghashwa ni ijo ikosa ja wandu wileghagha, mchelaghalwa ni uko kumanga konyu.

JUDA 1:24

Idana kwa uo udimagha kumlindia inyo msegho, na kumreda inyo imbiri ya ugho wubaa ghwake, msewadie ikosa jingi kwa kuboilwa;

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 16:9

wandu wikakorwa ni modo ghubirie, nawo wikajiewia irina ja Mlungu uo orekoghe ukighibonyera nguma agho makabo; hata ndewereherieghe na kumneka Mlungu wubaa anduangi.

WUFUNUO 2:16

Idana kuhee. Si huwo, nichacha kulwa nawo kwa lufu lwa momunyi kwapo.

WUFUNUO 2:19

Narimanya kazi rako; lukundo lwako, irumirio jako, wudumiki ghwako, kurumaghia luma kwako, na seji kazi rako ra nyuma richumbie iro ra imbiri.

WUFUNUO 2:2

Narimanya kazi rako, na kufunga ndighi kwako, na kurumaghia luma kwako, na seji kusedimagha kurumaghianya na wandu wawiwi; ela kwawitimie awo wandu wikuwangagha weni wadumi, nawo wiseko huwo, kukawiwona kukaia watee.

WUFUNUO 3:19

Awo niwikunde nadawikaba na kuwikania; kwa wundu ugho kufunge ndighi, nao kuhee.