WUFUNUO 2:18 - Biblia Ilagho Jiboie Kwa Wandu Wose

¹⁸ “‘Na malaika wa ikanisa ja Thuatira kumuandikie huwu:’ ‘Agha ni malagho gha Mwana wa Mlungu, uo uko na meso sa lumu lwa modo, na maghu ghake ghiko sa shaba izughulo na ndighi.

WUFUNUO 2:18 Խաչաձեւ Հղումներ

ZABURI 2:7

Mzuri waghamba, “Nichaeresha agho BWANA ughorie. Wanizerie huwu, ‘Oho ko mwana wapo, nakuva idime.

DANIELI 10:6

Mumbi ghwake ghorekoghe ghuking'ala-ng'ala sa lulu, na wushu ghwake ghorekoghe ghukiaka sa luhehia. Meso ghake gherekoghe sa lumu lwa modo; mikonu na maghu ghake gherekoghe sa shaba izughulo nandighi, na lwaka lwake lorekoghe sa lwaka lwa izungu ja wandu.

MATHAYO 17:5

Nao iji orekoghe ukighora agho, iwingu ja chokwa jikawifinikira, na lwaka lukasikirika andenyi ya ijo iwingu, “Uhu ni Mwana wapo mkundwa, uniboiagha loli-loli, msikirenyi.”

MATHAYO 27:54

Uja m'baa a masikari, na waja wose werekwanyeghe wikimlindia Jesu, wiendawona ugho msughusiko ghwa ndoe na agho ghose gherebonyekieghe, wikashinika na kughamba, “Loli uhu orekoghe Mwana wa Mlungu.”

MATHAYO 3:17

Na lwaka lukasikirika kufuma mlungunyi lukighamba, “Uhu nuo Mwana wapo mkundwa, uniboiagha loli-loli.”

LUKA 1:35

Malaika ukamzera, “Roho Mweli uchakuchea aighu kwako, nandighi ra Uo-Uko-Aighu-Nandighi richakaia aighu kwako; kwa huwu mwana uchaavalwa uchawangwa Mweli Mwana wa Mlungu.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 1:49

Nathanaeli ukamzera, “Mwalimu, oho ko Mwana wa Mlungu! Ko Mzuri wa Israeli!”

JOHANE 10:36

welee, uja oreelesheroghe ni Aba, na kudumwa wurumwengunyi, inyo mwamzera, ‘Kwaawuyasholia,’ angu nighorie ‘Ini ne Mwana wa Mlungu?’

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 3:18

“Uo umrumiriagha Mwana ndetanywagha anduangi; ela uo userumiriagha wameria kutanywa, kwa kukaia ndeurumirie kwa Mwana wa ititi wa Mlungu anduangi.

JOHANE 5:25

Namghoria loli, ngelo iacha, hata idana eko, iji wafu wichaalusikira lwaka lwa Mwana wa Mlungu, na awo wilusikiragha, wichakaia moyo.

MABONYO GHA WADUMI 16:14

Umu wa awo weredisikireghe orekoghe muka uwangwagha Lidia, ufumie muzi ghwa Thuatira, uuzagha vilambo va rangi ya zambarau. Muka uo orekoghe mtasi Mlungu, na Bwana ukarughua ngolo yake ughisikire malagho gherekoghe ghikighorwa ni Paulo.

MABONYO GHA WADUMI 8:36

Nawo iji werekoghe wikighenda chienyi, wikabusa andu kuko na machi, na kolowi ukamzera, “Machi hagha, niki chinighiriagha kubaputizwa?” [

WAROMA 1:4

na kwa chia ya wueli ghwake ghwa wulungu, orewonyeroghe kukaia Mwana wa Mlungu kwa ndighi mbaa, kwa uko kurukishwa kwake kufuma kwa wafu, uo Jesu Kristo Bwana odu.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 2:1

“Uo malaika wa ikanisa ja Efeso kumuandikie huwu: ‘Agha ni malagho gha uo uwadiagha nyerinyeri mfungade kwa mkonu ghwake ghwa kiwomi, uselagha aghadi ya vinara va taa va dhahabu mfungade.

WUFUNUO 2:24

Ela inyo msigharikie andenyi ya Thuatira, msewuenugha agho mafundisho, hata msekufundishire iro maza wamu wawuyariwanga maza riko ndenyi ra Shetani, namzera huwu: simdukishiragha msigo ghungi mzima anduangi,