WUFUNUO 2:10 - Biblia Ilagho Jiboie Kwa Wandu Wose

¹⁰ Kusakeobua agho matiriro ghichaakuchea. Olenyi wamu wenyu mwalighisa kungirwa kifungonyi ni Ibilisi, upate kumtima; nenyo mchatirirwa matuku ikumi. Kukaie mloli hata kufwa, nani nichakuneka kirumbu cha irangi.

WUFUNUO 2:10 Խաչաձեւ Հղումներ

ZABURI 31:23

Mkundenyi BWANA inyo waeli wake wose. BWANA wadawilindia wandu wa loli, ela wadawilipa wang'eti seji iwifwanagha kwa wungi.

KILILO CHA JEREMIA 3:57

Korenitumbulieghe kukanizera niseobuo.

DANIELI 1:12

“Ditime isi wadumiki wako kwa matuku ikumi; dineko mbogha dije, na machi dinyo.

DANIELI 1:14

Nao ukawisikira kwa ijo ilagho, ukawitima kwa matuku ikumi.

HABAKUKI 2:3

Kwa kukaia ngelo ya agho mawono kukatia ndeivikie; ela ngelo yaro iacha. Ikafwana kumuka, kuiweserie; angu loli ichacha ndeichaamuka anduangi.

MATHAYO 10:22

Mchazamia wandu wose kwa wundu ghwa irina japo. Ela uo uchaarumaghia hata kutua, uchakia.

MATHAYO 10:28

Msakewiobua awa wibwaghagha mumbi wisedimagha kubwagha roho; ela muobuonyi uo udimagha kubwagha roho na mumbi kwa jehanamu.

MATHAYO 24:13

Ela uo urumaghiagha hata kutua nuo moni uchaakia.

MARKO 13:13

Nenyo mchamenywa ni wandu wose kwa wundu ghwa irina japo. Ela uo urumaghiagha hata kutua, nuo moni uchaakia.”

MARKO 8:35

Angu uo ose uchaakunda kujikira irangi jake, uchajilaghasha; ela uo ose uchaajilaghasha irangi jake kwa wundu ghwapo, na kwa wundu ghwa ijo Ilagho Jiboie, nuo moni uchaajikira.

LUKA 21:12

Ela imbiri ya maza iri rose kuwoneka, wichammbwada inyo na kumtirira, wichamghenja mandunyi ya sunagogi, wipate kumngira kifungonyi, mchaghenjwa imbiri ya wazuri na awo wibonyagha nguma, kwa wundu ghwa irina japo.

JOHANE 12:25

Uo ujikundagha irangi jake uchajilaghasha, na uo uzamilwagha ni irangi jake aha wurumwengunyi, uchajiwika hata irangi ja kala na kala.

JOHANE 13:2

Ngelo ya vindo va nakenyi, uja Mmbiwi orekoghe wameria kumngira Juda mwana wa Simoni Iskarioti ngolo emfunya Jesu.

JOHANE 13:27

Na Juda umeria kuchiwusa icho kibelele cha mkate, Shetani ukamngia. Jesu ukamzera, “Ijo kukunde kubonya jibonye shwa-shwa.”

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

MABONYO GHA WADUMI 21:13

Niko Paulo ukatumbulia, “Kwaki munibwaghagha ngolo na uko kulila konyu? Ini neko tayari, si uko kufungwa koni, ela hata na kufwa aho Jerusalemu kwa wundu ghwa irina ja Bwana Jesu.”

1 WAKORINTHO 9:25

Kula mundu ose wa misarigho wadakuzaisira kukumazira moni kwa maza rose. Wabonya huwo, eri wipate kirumbu chiseduagha; ela isi ni kupata kirumbu chiduagha.

WAEFESO 2:2

iro morekoghe mkighenda naro aho imbiri, kwa kunugha mighendo ya wurumwengu ughu, na uo m'baa wa ndighi ra mbeonyi; iyo roho yawuyabonya kazi idana andenyi ya wandu wisemsikiragha Mlungu.

WAEFESO 6:12

Angu ndediwuelwa na wadamu, ela daawuyalwa na mawubaa, na awo wiwadie ndighi, na wabonyi nguma wa wurumwengu ughu ghwa kira chiko idime, na majeshi gha roho rizamie, ghiko cha mlungunyi.

JAKOBO 1:12

Mundu urumaghiagha matimo, ucharasimilwa; angu iji wasima ijo itimo, uchapata kirumbu cha irangi, icho Mlungu uwilaghirie awo wose wimkundagha.

1 PETRO 5:4

Na iji Mlisha M'baa wa ng'ondi wawoneka, mchapata kirumbu cha wubaa chisesiagha anduangi.

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:2

Iyo nyamandu nereiwonieghe, erekoghe sa inge, maghu ghake gherekoghe sa gha kibarabara, na momu ghwake ghorekoghe sa ghwa shimba; iyo choka ikaineka iyo nyamandu ndighi rake, kifumbi chake cha nguma, na nguma mbaa.

WUFUNUO 13:7

Wokoni ikarumirilwa kubonya wuda na waeli, na kuwisima; ikanekwa nguma aighu ya kula kichuku, na wandu, na kiteto na mbari.

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.