Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.
Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.
Na mosi ghwa ugho modo ghuwitiriragha, ghwajoka kwa kala na kala. Wandu awo witasagha iyo nyamandu, na iyo fwana yaro, na uo ose uko na alama ya irina jake, ndewina kuhora na dime hata na kio anduangi.”
Nyuma ya agha, neresikireghe seji ni izungu ibaa ja wandu widedagha kwa lwaka lubaa mlungunyi jikighamba, “Haleluya! Kukia, na wubaa, na kudima, ni kwa Mlungu odu;
Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”