Biblia Todo Logo
Առցանց Աստվածաշունչ

- Գովազդներ -




WUFUNUO 19:3 - Biblia Ilagho Jiboie Kwa Wandu Wose

3 Nao wikaghamba sena, “Mlungu ndekaso! Mosi ghwa modo ghukorie ijo ilaya ghwawuyafukia nokoighu kwa kala na kala.”

Տես գլուխը Պատճենել




WUFUNUO 19:3
9 Խաչաձեւ Հղումներ  

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.


Wakaung'a ndewimerelo ndoenyi, na wawiwi wisakedua. Mkase BWANA ee roho yapo! BWANA ndekaso!


Modo ghwaro ndeghuchaarima nakio hata nadime; mosi ghwaro ghuchafukia kwa kala na kala. Isanga jichasighwa iduu, kivalwa hata kivalwa; mndungi ndeechaaida aho kwa kala na kala.


Ni seji koni Sodoma na Gomora, na mizi erekoghe mbai mbai yaro, iyo wandu waro werekoghe wikibonya mawiwi kwa kulaka na bea riseko ra asili, yakaia mfwano kwa kupata adhabu ya modo ghwa kala na kala.


Na mosi ghwa ugho modo ghuwitiriragha, ghwajoka kwa kala na kala. Wandu awo witasagha iyo nyamandu, na iyo fwana yaro, na uo ose uko na alama ya irina jake, ndewina kuhora na dime hata na kio anduangi.”


wikakema wikizighanira ugho mosi ghwa kukorwa kwake wikighamba, “Ni muzi ghuao ghudimagha kufwanana na ugho muzi m'baa ghwa Babuloni?”


Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;


Nyuma ya agha, neresikireghe seji ni izungu ibaa ja wandu widedagha kwa lwaka lubaa mlungunyi jikighamba, “Haleluya! Kukia, na wubaa, na kudima, ni kwa Mlungu odu;


Na waja waghosi mirongo iwi na bana, na rija nyamandu riko moyo inya rikaghwa kijimijimi na kumtasa Mlungu, uo uko kidombo aighu ya kifumbi cha nguma wikighamba, “Amen, Mlungu ndekaso.”


Հետեւեք մեզ:

Գովազդներ


Գովազդներ