WUFUNUO 18:9 - Biblia Ilagho Jiboie Kwa Wandu Wose

⁹ Na awo wazuri wa ndoenyi werekoghe wikilaka na kubonya wumalaya nao, wichamlilia na kukema mchungu iji waghuwona mosi ghwa modo ghumkoragha;

WUFUNUO 18:9 Խաչաձեւ Հղումներ

KUZOYA 19:28

ukazighana cha Sodoma na Gomora na isanga jose jerekoghe vololonyi, nao ola ukawona mosi ghukijoka mlungunyi kufuma ndoenyi sa ghwa iwiwi ibaa.

ZABURI 58:10

Mhachi uchaboilwa kuwona kisasi chikilipwa, maghu ghake ghicharogha bagha ya wawiwi ukighenda.

ISAYA 13:19

Babuloni nigho wuzuri ghughokie kuchumba mawuzuri ghose; nigho kuboa na kukukasa kwa Wakalidayo, ela ngelo Mlungu uchaaghukumba noko, ghuchakaia sa Sodoma na Gomora.

ISAYA 30:33

Kwa kukaia andu komkoria mzuri wa Waashuru kwamerie kuboiswa konkala uko; ni kina chiko kishapa sena chiko ndenyi; modo na mbande vawikilo tayari kwa wungi; BWANA uchaghufuria na miruke yake sa modo ghwa kibiriti na kughukora.

JEREMIA 50:40

Sa iji koni Mlungu oreitoteshereghe Sodoma na Gomora, chiaimweri na mizi yaro ya kaavui, ni huwo koni ndekuwadie mdamu ungi uchaakaia andenyi ya mizi ihi, hata omara-mara moni, ini BWANA naghamba.

JEREMIA 50:46

Ndoenyi kuchasughusika ngelo esikira kuwadwa kwa Babuloni, na kililo charo chichasikirika kwa iro mbari ra wandu.”

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

EZEKIELI 27:35

“Wandu wose wikaiagha masanga gha pwani, waawuyakushinikia; wazuri wawo wachulwa ni wowa, na mawushu ghawo ghakuchika.

DANIELI 4:14

Ukakema na lwaka lubaa ukighamba, ‘Demenyi ugho mudi, mdumbuo mbashu raro na kuangura malemba gharo, msasare matunda ghake, nyamandu ra isakenyi ripate kughenda, na nyonyi ra mbeonyi riinjike noko kufuma mbashunyi raro.

WUKUMBUSO 29:23

Mbuwa rose richasighwa nduu, rilungurilo ni kibiriti na munyu na maivu gha modo; ndejichaawalwa hata kubukwa ni isaka jingi. Jichakaia sa mizi ya Sodoma na Gomora, Adma na Zeboiimu iyo BWANA oreitoteshereghe kwa machu ghake na kubia kwake.

1 TIMOTHEO 5:11

Ela waka wifuilo ni womi wawo wiko watini, kusewiandike; angu wikavikia kulemwa ni bea rawo, kuchumba kumkunda Kristo, wakunda kulowolwa;

WUFUNUO 14:11

Na mosi ghwa ugho modo ghuwitiriragha, ghwajoka kwa kala na kala. Wandu awo witasagha iyo nyamandu, na iyo fwana yaro, na uo ose uko na alama ya irina jake, ndewina kuhora na dime hata na kio anduangi.”

WUFUNUO 17:2

ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 18:18

wikakema wikizighanira ugho mosi ghwa kukorwa kwake wikighamba, “Ni muzi ghuao ghudimagha kufwanana na ugho muzi m'baa ghwa Babuloni?”

WUFUNUO 18:20

Boilonyi aighu yake inyo mlungunyi, inyo waeli, wadumi na walodi; angu Mlungu wamtanya kwa wundu ghonyu.”

WUFUNUO 18:3

angu mbari rose ramerie kunywa iyo divei ya bea rake riseelie, na wazuri wa ndoenyi wabonyere wulaki nao, na washami wa ndoenyi wapatire mali kwa wumalaya ghwake.”

WUFUNUO 18:7

Sa iji koni orekukasireghe moni ukibonya wumalaya, huwo koni mnekenyi icho kipimo cheni cha matiriro na wasi. Na kwa kukaia waawuyaghamba ngolonyi kwake, ‘Ini ne malkia niko kidombo, siko mka mkiwa ungi, hata sichaawona wasi jingi;’

WUFUNUO 19:3

Nao wikaghamba sena, “Mlungu ndekaso! Mosi ghwa modo ghukorie ijo ilaya ghwawuyafukia nokoighu kwa kala na kala.”

WUFUNUO 2:22

Ola ini nichamkumba aighu ya wuli, na awo wilakagha andwamweri nao, nichawikumba andenyi ya matiriro mabaa, wisaahea agho mabonyo ghake;