WUFUNUO 18:4 - Biblia Ilagho Jiboie Kwa Wandu Wose

⁴ Niko ngasikira lwaka luzima kufuma mlungunyi lukighamba, “Fumenyi kwake wandu wapo, msecheka ngara na kaung'a rake, mchekabwa sa uo moni;

WUFUNUO 18:4 Խաչաձեւ Հղումներ

KUZOYA 19:14

Niko Loti ukafuma na kuwighendia waghosi wake awa werewilowugha wai wake ukawizera, “Wukenyi mfume aha angu BWANA oko kaavui kughutotesha muzi ughu.” Ela madedo ghake ghikawoneka kukaia gha wukelu kwa waghosi wake.

ZABURI 50:18

Kukawona kitoi, kwadarumiriana nacho; na oho kwadawadana na walaki.

ISAYA 48:20

Fuma Babuloni shwa-shwa, kimbia kufume kwa Wakalidayo. Ghora agho malagho kwa kuboilwa, kughighore na kughighenja kutua kose kwa ndoenyi kukighamba, “BWANA wamkombue mdumiki wake Jakobo.”

ISAYA 52:11

Fumenyi, mfume Babuloni mghende noko, mseadade kindo chingi chiseelie; fumenyi aghadi kwake mkueleshe mmbeni; inyo mmbose muvidwagha vilambo va BWANA.

JEREMIA 50:8

“Inyo wandu wa Israeli, kimbienyi mfume Babuloni! Sighenyi ijo isanga ja Wababuloni! Kaienyi wa imbiri sa fwandi ilongozagha chagha!

JEREMIA 51:45

“Fumenyi ugho muzi inyo wandu wapo, kula mundu ndekire irangi jake na agho machu ghapo ghibirie.

JEREMIA 51:50

BWANA waghamba huwu kwa wandu wake wiko Babuloni, “Inyo wandu mfufunukie msebwaghilo ghendenyi, msedunge maghu; hata ngera moko kula na mzinyi, ela nikumbukenyi ini BWANA, mgheshe Jerusalemu.

JEREMIA 51:6

Kimbienyi mfume Babuloni, kula mundu ndekire irangi jake; msechebwaghwa andenyi ya ikabo jake; angu ihi niyo ngelo yapo ini BWANA elipia kisasi, agho malipo ghimfwanagha kulipilwa.

JEREMIA 51:9

Waghenyi wiko aho wikaghamba, ‘Kumangu daghuboisire muzi ghwa Babuloni, ela ghoolema kuboisika. Ghusighenyi noko dighende kula mundu cha isangenyi jake; kwa kukaia kutanywa kwake kwavikie mlungunyi, nako kwawusirilo hata mawingunyi.’”

MATHAYO 23:30

mkighamba, ‘Ngera isi dedeeka ngelo ra weke wawa wedu, kumangu ndederewadanagha nawo kuwibwagha walodi anduangi!’

2 WAKORINTHO 6:17

Kwa huwo, fumenyi aghadi kwawo mtane nawo, waghamba Bwana; nenyo mseadade kindo chingi chiseelie; niko nichaamkaribisha.

1 TIMOTHEO 5:22

Kusakekaia wa shwa-shwa kuwikiria mndungi mikonu kwa wundu ghwa wudumiki ghwa Bwana, hata kusekaie ngara na kaung'a ra mndungi; ela kukaie kuelie.

2 JOHANE 1:11

angu uo mundu umroghuagha, wakaia ngara na kazi rake mbiwi.