WUFUNUO 18:2 - Biblia Ilagho Jiboie Kwa Wandu Wose

² Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;

WUFUNUO 18:2 Խաչաձեւ Հղումներ

ISAYA 14:23

Nichaghubonya ugho muzi ghuwuye malalo gha kiseseghede na kubuka vichi; nani nichaguinja kwa mfwagio ghototesha; ini BWANA wa majeshi naghamba.”

JEREMIA 25:30

“Kwa huwo oho Jeremia, kuchawifunyira wandu awa wulodi ghwa agha malagho ghose nakughoria: ‘BWANA ucharuruma kufuma koighu, kufuma andu ukaiagha kwa wueli, uchafunya lwaka lwake; ucharuruma kwa ndighi mbaa aighu ya maranu ghake uchakema sa awo wandu wikamagha zabibu, aighu ya wandu wose wikaiagha ndoenyi.

JEREMIA 51:37

Na Babuloni ichanonwa na kuwuya ighacho; iwuye andu kwa mizozo, koshinikilwa na kusekwa, kusekailwagha ni wandu.

JEREMIA 51:8

Babuloni yaghwa shwa-shwa ikabarika; ililienyi! Wadenyi mavuda gha zeri kwa wundu ghwa luwawo lwake, kewada yadima kuboa.

JOELI 3:16

BWANA wadoka kufuma Mghondi ghwa Sioni lwaka lwake lwaruruma kufuma Jerusalemu; mawingunyi na ndoenyi kwasughusika. Ela BWANA uchawilindia wandu wake.

ZEFANIA 2:14

Kuchawuya andu kolishira, na nyamandu rose ra kula kichuku richakaia aho. Mkungi ghuchakaia a maghachonyi ghukibora aidirishenyi, na ngorusa avizingitinyi va mnyango; kazi yose ya mudi ghwa sida ibonyero ichainjwa.

WUFUNUO 1:15

maghu ghake gherekoghe sa shaba izughulo na ndighi, seji eeleshwa na modo, na lwaka lwake loresikirikieghe sa lwaka lwa machi mengi.

WUFUNUO 10:3

ukawanga kwa lwaka lubaa sa shimba irurumagha. Nao iji wawanga, iro chukuwa mfungade rikadeda,

WUFUNUO 11:8

Na gharia rawo richakaia a chienyi ya ugho muzi m'baa ghuwangwagha kiroho Sodoma na Misri, andu Bwana wawo oresulubishiroghe.

WUFUNUO 14:15

Malaika umu ukafuma hekalunyi, ukimmbanga kwa lwaka lubaa uo oreserieghe kidombo aighu ya iwingu, na kumzera “Tumia mundu ghwako kukuwide, angu ngelo ekuwida yameria kuvika na mvono ghwa ndoenyi ghwakaia tayari.”

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

WUFUNUO 16:13

Nani ngawona roho idadu ra makakala riko sa vichula rikifuma momunyi kwa iyo choka, na momunyi kwa iyo nyamandu, na momunyi kwa uo mlodi wa tee.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.

WUFUNUO 17:18

Na uo muka kummbonie, ni ugho muzi m'baa ghuko na nguma ya wazuri wose wa ndoenyi.”

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”

WUFUNUO 18:10

nawo wichakaia kimusi kokula, wikiobua agho matiriro ghake na kughamba, “Weei! wee ngai muzi m'baa! Oho muzi m'baa Babuloni! Kutanywa kwako kwaacha kwa saa imweri woruwu.”

WUFUNUO 18:21

Niko malaika uwadie ndighi ukawada igho sa igho ibaa jesha, ukajikumba baharinyi ukighamba, “Huwo niko ugho muzi ghwa Babuloni ghuchaaghushwa kwa ndighi; nagho ndeghuchaawoneka sena anduangi.

WUFUNUO 5:2

Ngawona malaika uwadie ndighi, ukichila na lwaka lubaa ukighamba, “Nani ufwanagha kufungua mihuri ya icho chuo na kuchikuchua?”