WUFUNUO 17:8 - Biblia Ilagho Jiboie Kwa Wandu Wose

⁸ Iyo nyamandu kuiwonie erekoghe, ela ndeiduagha; yalighisa kujoka kufuma kinenyi cha abuso, na kughenda kutotenyi. Na awo wandu wiko ndoenyi awa marina ghawo ghiseandikilo andenyi ya chuo cha irangi, kufuma kuzoya kwa wurumwengu, wikashinika kwa kuiwona iyo nyamandu; angu erekoghe, ikasoweka; nayo ikawuya ikawoneka moyo sena.

WUFUNUO 17:8 Խաչաձեւ Հղումներ

ZABURI 69:28

Marina ghawo ndeghivuto andenyi ya chuo cha irangi, hata wisakengirwa andenyi ya mtalo ghwa wahachi.

DANIELI 11:45

Nao uchadunga hema rake ra kiwuzuri ghadi na ghadi ya bahari na ghuja mghondi ghughokie ghwa wueli andu Hekalu ikaiagha. Ela sena uchafwa usepatire mndungi omtesia.”

DANIELI 7:11

“Niko ngazighana kwa wundu ghwa malagho mabaa gherededwagha ni ulo lwembe. Hata iji nerekoghe ngizighanira, iyo nyamandu ikabwaghwa, na mumbi ghwake ghukanonwa; ghukafunywa ghukoro na modo.

DANIELI 7:26

Koti ya mlungunyi ichasea kidombo, na wuzuri ghwa uo mzuri ghuchainjwa, ghupate kumerelwa na kunonwa ghose.

DANIELI 7:3

Na nyamandu mbaa inya rikajoka kufuma baharinyi risefwanane.

DANIELI 7:7

“Nyuma ya iro, nerewonieghe kwa mawono nakio, nyamandu ya kana eobosha na ya mashiniko; nayo erekoghe nandighi nyingi, na maghegho mabaa gha chuma; ikabara-bara madiwo ghake na kuja; ikafasha-fasha masighariko kwa maghu ghake. Erekoghe na wuchumbano m'baa na iro nyamandu zima rerekoghe imbiri yake; nayo erekoghe na mbembe ikumi.

MATHAYO 25:34

Niko mzuri uchawizera waja wiko kwa mkonu ghwake ghwa kiwomi, ‘Choonyi inyo mrasimilwagha ni Aba, mmbuse ifwa ja wuzuri moreboisiroghe kufuma wurumwengu ghwazoya kuumbwa.

LUKA 10:20

Elaima msakeboilwa kwa iri, wei pepo rawikilo aisi konyu, ela boilonyi angu marina ghenyu ghaandikilo mlungunyi.”

LUKA 8:31

Naro rikamlomba rikimvoya usekerilaghira kughenda kina cha abuso.

JOHANE 17:24

“Aba, nakunda awo koreninekieghe wikaie andwamweri nani andu niko ini; wipate kughuwona ugho wubaa ghwapo koreninekieghe, angu korenikundieghe ini imbiri wurumwengu ghuseumbilo.

MABONYO GHA WADUMI 15:18

waghamba Bwana, uo oreghibonyereghe malagho agha ghimanyike kufuma kala.’

WAEFESO 1:4

Nao oredisaghueghe isi andenyi ya Kristo kufuma aho imbiri wurumwengu ghuseumbilo; eri dikaie dielie, wandu wisewadie ikosa jingi imbiri kwake.

TITO 1:2

kwa isuwirio ja irangi ja kala na kala, ijo jerelaghiriloghe ni Mlungu kokala, nao ndeghoragha tee jingi.

1 PETRO 1:20

Nao oresaghuloghe imbiri wurumwengu ghuseumbilo, ela oochawoneka worinyi ngelo ra kutua kwa wundu ghonyu.

WUFUNUO 11:7

Hata iji wameria wushuhuda ghwawo, ija nyamandu ifumagha andenyi ya icho kina cha abuso, ichabonya wuda nawo, na kuwisima; na kuwibwagha.

WUFUNUO 17:11

Na iyo nyamandu erekoghe, nayo ndeiko, ni mzuri wa wunyanya; elaima ni umu wa awo mfungade, nayo iaghenda kutotenyi.

WUFUNUO 17:2

ijo wazuri wa ndoenyi wibonyere wulaki najo, na wandu wa ndoenyi wiwongerie kwa divei ya wulaki ghwake.”

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.

WUFUNUO 20:12

Nani nerewiwonieghe wafu wabaa na watini, wiko kimusi imbiri ya icho kifumbi cha nguma; na vuo vikakuchulwa. Na chuo chimu chikakuchulwa, nacho ni icho chuo cha irangi. Na awo wafu weretanyiroghe kunughana na maza wereribonyereghe, iro rereandikiloghe andenyi ya ivo vuo.

WUFUNUO 20:15

na ikakaia mndungi userewonekieghe uandikilo irina jake andenyi ya icho chuo cha irangi, orekumbiloghe andenyi ya iyo ndiwa ya modo.

WUFUNUO 3:10

Kwa kukaia kwajiwadie ijo ilagho ja kurumaghia luma kwapo, nani nichakulindia ngelo iyo ighucheagha wurumwengu ghose kuwitima awo wikaiagha ndoenyi.

WUFUNUO 3:5

Uo usimagha, ucharushwa nguwo ra chokwa woruwo, nani sichaajivuta irina jake andenyi ya icho chuo cha irangi anduangi; ela nichajirumiria imbiri ya Aba na imbiri ya weke malaika wake.