WUFUNUO 17:4 - Biblia Ilagho Jiboie Kwa Wandu Wose

⁴ Uo muka orekoghe na marwao gha zambarau, na ghamu ghitinikie na kufinikirwa na mapambo gha dhahabu, almasi, na lulu. Orekoghe na kikombe cha dhahabu mkonunyi kwake chichue maza rizamie, na ugho wuchafu ghwa wulaki ghwake.

WUFUNUO 17:4 Խաչաձեւ Հղումներ

1 WAZURI 14:24

Ahoeni korekoghe na malaya gha womi na gha waka isangenyi. Wandu wa Juda wikabonya wuchafu ghose ghorebonywagha ni iro mbari zima BWANA oreriwingieghe imbiri ya wandu wa Israeli.

2 WAZURI 21:2

Ukabonya maza rizamie imbiri ya BWANA, sa iro mbari ra wandu rerewingiloghe ni BWANA imbiri ya Israeli.

EZRA 9:11

Dalemelo ni kuwadia malaghiro kudilaghirie kwa chia ya wadumiki wako walodi. Weredighorieghe kukaia isanga dawuyajiwusa ni isanga jiseelie, kwa kukaia wandu wawuyajikaia kufuma kutua uku hata kutua kuja wadabonya maza rizamie ra wuchafu.

ISAYA 66:3

“Wandu weekusaghuya chia rawo weni, na roho rawo raboilwa andenyi ya wuchafu ghwawo. Mundu ubwaghagha ng'ombe oofwanana na uo ubwaghagha mundu; na uo ufunyagha kizongona cha mwana wa ng'ondi oofwanana na uo unyigharagha koshi singo; uo ufunyagha kizongona cha viro, oofwanana na uo ufunyagha bagha ya nguwe kukaia kizongona; uo ufukiragha marumba gha vizongona va wukumbuso, oofwanana na mundu otasa milimu.

JEREMIA 51:7

Babuloni edeeka sa kikombe cha dhahabu mkonunyi kwapo, chibonywaghwa wurumwengu ghose ghuwongie; iro mbari rerenyueghe divei yake rikakaia seji raawukwa ni isu.

KILILO CHA JEREMIA 1:9

Wuchafu ghwake ghorewonekieghe worinyi, ela nderetalieghe kutua kwake kukaia wada. Kughwa kwake korekoghe koobosha; mndungi usedimagha kumhoresha. Wasimwa ni wamaiza wawo, nawo wamkemia BWANA uwifuye wughoma.

EZEKIELI 20:30

Kwa huwo kuwizere wandu wa Israeli, Ini Bwana MLUNGU naghamba huwu, Welee, muakulusha mmbeni sa weke ndeyo, na kukulaghasha kwa kunugha milimu yawo?

EZEKIELI 24:11

Nao kuiwikirie iyo nyungu modonyi iko nduu, ipate kuhia shuu, eri shaba yaro ihie itinike tini wuchafu ghusaghe, na ngama yaro iinjike.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

EZEKIELI 28:13

Korekoghe Edeni andenyi ya mbuwa ya Mlungu; korekufinikireghe na kula igho ja zoghori mbaa; karneliani, topazi, jaspi, krisolito, berili, oniksi, safire, karbankuli, zumaridi; na michoro yako erekoteroghe na kushingwa dhahabu. Iji koreumbiloghe gherekoghe ghaboiswa.

EZEKIELI 36:25

Nani nichamnyinyiria machi ghielie aighu konyu, nenyo mchaela kufuma kwa wuchafu ghonyu, na wutasi milimu ghonyu ghose.

DANIELI 11:38

Uchaghuneka ishima mlungu ghulindiagha ngome, wulalo ghwa ihi; ugho weke wawae wisereghumanyireghe. Uchaghuneka ishima kwa kughufunyira dhahabu na feza, na magho gha zoghori, na manosi gha zoghori mbaa.

HOSEA 9:10

BWANA waghamba, “Iji nerezoyagha kummbona Israeli, odeeka sa kuwona zabibu rikizoghua kireti. Iji nerewiwonagha weke ndeyo, edeeka sa kuwona matunda gha imbiri gha tini riwurue kwa kimu charo. Ela iji werechieghe Mghondi ghwa Peori, wikazoya kutasa Baali; wikazoya kufwanana na iyo milungu wereikundieghe.

WUKUMBUSO 29:17

Mwawonie vilambo vawo va kisha werekoghe navo; milimu yawo ya midi na magho, na feza na dhahabu.

WUFUNUO 14:8

Na malaika umu wa kawi ukanugha ukighamba, “Ghwaghue, ghwaghue ugho muzi m'baa ghwa Babuloni! Ugho ghorewibonyereghe wandu wa mbari rose kunywa divei ya bea ra wulaki ghwake.”

WUFUNUO 18:12

ivo vilambo dhahabu, feza, almasi, na lulu; nguwo ra kitani ndicha, ra zambarau, ra hariri na ritinikie; kula kichuku cha mudi ghwa marashi, vombo vose vibonyero kwa mbembe ra chovu, na vombo vose vibonyero kwa mbau ra zoghori mbaa; shaba, chuma, na magho ghighokie;

WUFUNUO 18:16

“Ai, wee ngai muzi m'baa ghwa Babuloni! Ugho ghorerushiroghe nguwo ra kitani ndicha, zambarau, na iro ritinikie; muzi ghorepambiloghe kwa dhahabu, almasi, na lulu!

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”

WUFUNUO 21:21

Iro mbenge ikumi na iwi rerekoghe lulu ikumi na iwi; kula mbenge erebonyeroghe na lulu imweri, na chia mbaa ya muzi erebonyeroghe kwa dhahabu ielie, iwonekagha sa kilole.

WUFUNUO 9:21

Hata ndewereherieghe na kusigha kubwagha kwawo, wusawi ghwawo, kulaka kwawo, angu wutoi ghwawo anduangi.