WUFUNUO 17:1 - Biblia Ilagho Jiboie Kwa Wandu Wose

¹ Nao umu wa waja weke malaika werekoghe na bakuli mfungade ukanichea na kunizera, “Choo nikuwonyere seji jija ilaya ibaa jitanywagha, ijo jiseagha kidombo aighu ya machi mengi;

WUFUNUO 17:1 Խաչաձեւ Հղումներ

ISAYA 1:21

Yakaie wada muzi ghorekoghe mloli, kuwuya sa ilaya; ugho ghorechuloghe ni loli! Hachi erekoghe andenyi kwake, ela idana ghwachulwa ni wabwaghi.

ISAYA 57:3

Ela soghodenyi aha, inyo wana wa muka msawi, na kivalwa cha walaki na malaya.

JEREMIA 2:20

Bwana MLUNGU wa majeshi waghamba, “Kufuma kokala korechikanyireghe ghongolo yako; na kuvibara vifungo vako; kukaghamba, ‘Sichaakudumikia.’ Ee, koretasireghe milungu mizima, aighu ya mighondi mibaa, na aisi ya kula mudi mmbishi ghwa kiju kukaighoghomia kwa kusowa wuloli kwa Mlungu.

JEREMIA 51:13

Ee mundu kukaiagha kaavui na machi mengi, kushamie nandighi; hata kutua kwako kwavika, kipimo cha irangi chasia.

EZEKIELI 31:4

Ghwanyue machi nicha, na mbashu ra nandonyi rikaghubonya ghuzoghuo na kubonya meda yaro idike dike machi mbai mbai ya kirimba charo; na kunyoshera midi yose ya msidunyi.

LUKA 24:32

Wikazerana weni na weni, “Ado siko koni ngolo redu rikoghe rikiaka andenyi kodu iji ukoghe ukiditambuya Maandiko?”

LUKA 9:30

Nao ola wandu wawi wikawoneka wikidedanya nao, nawo ni Musa na Elija,

WUFUNUO 1:1

Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

WUFUNUO 15:1

Niko nerewonieghe alama zima mlungunyi iko mbaa eobosha; weke malaika mfungade wiko na makabo mfungade gha kutua, na kwa agho, machu gha kubia kwa Mlungu ghichakatia.

WUFUNUO 16:19

Ugho muzi m'baa ghukawaghanyika mafungu adadu, na mizi ya iro mbari ikanonwa; Mlungu ukaghukumbuka ugho muzi m'baa Babuloni, upate kughubonya ghuangamire icho kikombe cha divei ya machu gha kubia kwake.

WUFUNUO 18:1

Nyuma ya agho, nerewonieghe malaika ukisea kufuma mlungunyi, uko na nguma mbaa; na ndoenyi kukalangalishirwa mwengere ni wubaa ghwake.

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”

WUFUNUO 21:15

Na uo malaika oreghorieghe nani, orekoghe na mzata ghwa dhahabu ghopima ugho muzi; chiaimweri na mbenge raro na wurigha ghwaro.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”