WUFUNUO 16:9 - Biblia Ilagho Jiboie Kwa Wandu Wose

⁹ wandu wikakorwa ni modo ghubirie, nawo wikajiewia irina ja Mlungu uo orekoghe ukighibonyera nguma agho makabo; hata ndewereherieghe na kumneka Mlungu wubaa anduangi.

WUFUNUO 16:9 Խաչաձեւ Հղումներ

2 WAZURI 6:33

Hata iji orekoghe ukideda, mzuri moni ukabusa ukaghamba, “Ughu wasi ghwaafuma kwa BWANA; nisindammbesera BWANA hata lii?”

2 MALAGHO GHA NGELO 28:22

Iyo ngelo cheni Mzuri Ahazi orekoghe andenyi ya wasi m'baa, ukachuria kusowa kukaia mloli kwa BWANA.

ISAYA 1:5

Kwaki mduagha mkilegha kusikira na kukunda kukabwa ee Israeli? Chongo chako chose ni mkongo, na ngolo yako yose yaawuyadumbuka.

ISAYA 8:21

Wandu wichamara-mara isangenyi wiko na wasi na njala, nawo wichachulwa ni machu kwa wundu ghwa njala hata widime wamsholia mzuri na Mlungu wawo, wikighaluka na kuzighana nokoighu.

JEREMIA 13:6

Nyuma ya matuku mengi, BWANA ukanizera, “Wuka kughende Eufrate, kughuwuse ghuja mshipi nerekulaghirieghe kughuvise aho.”

JEREMIA 5:3

Ee BWANA, meso ghako ndeghizighanagha iyo loli anguwada? Oho kwawikabie, ela ndewisikire luwawo lungi, kwawionyere, ela waleghie kukuboisa weni. Wakurishire nia rawo kuchumba igho, nawo waleghie kuhea.

EZEKIELI 24:13

Ngama yaro ni agho mabonyo ghako ghizamie gha wulaki ee Jerusalemu. Angu kumangu nakueleshere, ela koolema kuela kufumanya na wuchafu ghwako; kwa huwo ndekuchaaeleshwa sena hata nameria kukatisha lubio lwapo aighu yako.

LUKA 13:3

Namzera si huwo kungi; ela hata inyo ngera mseheagha, mchatota wokoni mmbose.

LUKA 13:5

Namzera si huwo kungi; ela hata na inyo ngera mseheagha, mchatota wokoni mmbose.”

2 WAKORINTHO 12:21

Naobua iji nacha sena, Mlungu wapo wadima kunibonya nikusere imbiri konyu, nao niwoke kuwililia awo wengi wibonyere kaung'a imbiri, nawo wikalemwa ni kuhea wuchafu ghwawo, bea, na wulaki ugho wereghubonyereghe.

JOSHUA 7:19

Joshua ukamzera, “Mwana wapo, kwa wundu ghwa ishima ja BWANA wa Israeli, nighorie loli; kwabonyere wada? Kusenivise ilagho jingi.”

WUFUNUO 11:13

Ngelo ija cheni, korekoghe na msughusiko m'baa ghwa ndoe, na ifungu ja ikumi ja muzi jikaghwa; wandu elfu mfungade wikabwaghwa ni ugho msughusiko; na awo weresigharikieghe, wikakambwa ni chongo na ndighi, na kuobua, nawo wikamneka wubaa Mlungu wa mlungunyi.

WUFUNUO 14:7

ukaghora kwa lwaka lubaa, “Muobuonyi Mlungu, mumneke wubaa, angu ngelo ya kutanya kwake yameria kuvika; mtasenyi uo ubonyere mlungunyi na ndoenyi, bahari na ndoria ra machi.”

WUFUNUO 16:21

Na vua mbaa ya magho ikanya aighu ya wandu; kula igho jiko na wulemeri sa ghwa kilo mirongo misanu kufuma mlungunyi; hata wikamuewia Mlungu kwa wundu ghwa ijo ikabo ja vua ya magho. Ikabo ijo, jerekoghe jeobosha na ndighi.

WUFUNUO 2:21

Neremnekieghe ngelo upate kuhea, ela waawuyalegha kuhea wulaki ghwake.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.