WUFUNUO 16:8 - Biblia Ilagho Jiboie Kwa Wandu Wose

⁸ Nao malaika wa kana ukawada bakuli yake, na kudia aighu ya iruwa, najo jikarumirilwa kuwikora wandu na modo;

WUFUNUO 16:8 Խաչաձեւ Հղումներ

WUFUNUO 14:18

Nao malaika umu ukafuma madhabahunyi, uo ukaiagha na nguma aighu ya modo, ukammbanga kwa lwaka lubaa uo orekoghe na mundu ghukalie na kumzera, “Tumia mundu ghwako, kuvikwanye vanga va zabibu ra ndoenyi, angu zabibu raro rawurue.”

MABONYO GHA WADUMI 2:20

Iruwa jichawuya kira, na mori ghuchawuya ghwa ngundu sa bagha imbiri Ituku ja Bwana jisechee, ijo ituku ibaa jimanyikie.

MATHAYO 13:6

Ela iji iruwa jajoka jikarikora, na angu miri yake iserengirieghe ndenyi rikaoma.

JONA 4:8

Iji iruwa jabuka, Mlungu ukareda mbeo ya mruke ifumagha cha mashariki, na Jona ukakabwa ni iruwa ja chongo hata ukadumbuka; ukalomba ufo ukaghamba, “Ni baa nifo, kuchumba kukaia moyo.”

WUFUNUO 9:2

Nayo ikarughua icho kina cha abuso, ghukajoka mosi kufuma kwa icho kina, sa mosi ghwa iwiwi ibaa; iruwa na mbeonyi kukatuwirwa kira ni ugho mosi ghorefumieghe kinenyi.

WUFUNUO 8:12

Uo malaika wa kana ukaikaba tarumbeta yake, ifungu ja kadadu ja iruwa, na ja mori, na ja nyerinyeri jikakabwa, hata ifungu ja kadadu ja miengere yaro jikawuya kira; na ifungu ja kadadu ja dime hata ja kio ndejeredimieghe kufunya miengere yaro anduangi.

WUFUNUO 7:16

Ndewichaazughwa hata kusikira kau ingi sena. Iruwa ndejichaawikaba, hata kusikira kukabwa ni mruke ghungi anduangi.

WUFUNUO 6:12

Hata iji uo Mwana wa Ng'ondi oreghufungueghe ugho muhuri ghwa karandadu, nerezighanireghe, nao ola korekoghe na msughusiko m'baa ghwa ndoe; iruwa jikawuya ja chilu sa nguwo ya igunia, na mori ghukawuya ghwa ngundu sa bagha,

LUKA 21:25

“Kuchakaia na alama andenyi ya iruwa, mori na nyerinyeri, na ndoenyi mbari richakaia na wasi na kukambwa ni chongo, kwa wundu ghwa mirurumo ya bahari na mivo-mivo yaro.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.