WUFUNUO 15:4 - Biblia Ilagho Jiboie Kwa Wandu Wose

⁴ Nani useobuagha na kujikasa irina jako, ee Bwana? Angu oho kuekeri koko mweli. Wandu wa mbari rose wichacha na kukutasa oho, angu kutanya kwako kwamerie kufunukulwa.”

WUFUNUO 15:4 Խաչաձեւ Հղումներ

ZABURI 105:7

BWANA ni Mlungu odu; matanyo ghake ni kwa wundu ghwa wurumwengu ghose.

ZABURI 111:9

Wawiredie wandu wake wukomboli, ukabonya ilaghano ja kala na kala nawo. Uo ni Mweli uwadie ndighi.

ZABURI 22:23

Inyo mumuobuagha BWANA, mkasenyi; inyo mmbose kivalwa cha Jakobo, mnekenyi wubaa; mmbukienyi kimusi kwa ishima inyo mmbose wandu wa Israeli.

ZABURI 22:27

Mbari rose ra wandu richamkumbuka BWANA. Wurumwengunyi kose, wandu wichamghalukia uo, na vinyumba vose va wandu vichamtasa.

ZABURI 22:3

Ela sena oho koko uja Mweli, kuserie kifumbinyi cha nguma kupate kukaswa ni Israeli.

ZABURI 86:9

Mbari rose ra wandu kuribonyere, richacha na kukughoghomia ee BWANA, naro richajineka wubaa irina jako.

ZABURI 89:7

Mlungu wadaobolwa andenyi ya mwandu ghwa waeli; wadaobosha kuchumba wose wiko mbai mbai kwake.

ZABURI 97:8

Wandu wa Sioni wasikire wikaboilwa, na mizi ya Juda ikakaia na iseko kwa wundu ghwa kutanya kwako ee BWANA.

ZABURI 99:5

Mkumenyi BWANA Mlungu odu; tasenyi maghunyi kwake; Uo ni Mweli.

ZABURI 99:9

Mkumenyi BWANA Mlungu odu, mumtase aighu ya mghondi ghwake ghwa wueli; angu BWANA Mlungu odu ni Mweli.

ISAYA 24:15

Kwa huwo, mnekenyi BWANA wubaa kufuma mashariki, na wandu wikaiagha masanga gha pwani ndewijikase irina ja BWANA, uo Mlungu wa Israeli.

ISAYA 25:3

Kwa wundu ugho, wandu wiwadie ndighi wichakukasa oho; mizi ya wandu wa mbari ring'etere ichakuobua.

ISAYA 26:9

Ngolo yapo yakaia na bea na oho ngelo ya nakio, roho yapo kondenyi kwapo yakulola kwa kufunga ndighi. Angu iji kutanya kwako kuko ndoenyi, wandu wiko wurumwengunyi wakufundisha kubonya hachi.

ISAYA 45:23

Naghemie kwa ini nimoni kukaia, ilagho japo ja hachi ndejichaaghosha; jighambagha, ‘Kula mundu uchanidungia ngokoro, na kughema kwa momu ghwake imbiri kwapo.’

ISAYA 57:15

Angu uo ukaiagha aighu, ukumikie, ukaiagha kwa kala na kala, uo uwangwagha Mweli, waghamba huwu: “Ini nadakaia koighu andu kwa wueli, sena nadakanya na uo mundu uko na ngolo iheagha na kukusera; nipate kurukisha roho ra wandu wikuserie, na ngolo ra wandu wiko na wundo ghwa kuhea.

ISAYA 6:3

Wikawangana weni na weni wikighamba, “Mweli, mweli, mweli, ni BWANA wa majeshi, ndoenyi kose kwachua wubaa ghwake.”

ISAYA 60:5

Niko oho kuchawona na kuelwa ni ngolo, ngolo yako ichakaia na iseko na kuboilwa; kwa kukaia kucharedelwa mali nyingi kwa chia ya bahari, mali ra wandu wa iro mbari richaredwa kwako.

JEREMIA 10:7

Nani usekuobuagha oho ee Mzuri wa iro mbari ra wandu? Angu kwafwana oho kuwusa ijo ishima; angu ndekuwadie ungi sa oho, aghadi ya wandu wa akili wa iro mbari, hata aghadi ya mawuzuri ghawo ghose.

JEREMIA 16:19

Ee BWANA, oho kuko ndighi rapo na ngome yapo, andu kwapo kokimbiria ngelo ya wasi; mbari ra wandu richacha kwako kufuma kutuonyi kwa ndoenyi wikighamba, “Weke aba ndewerewadieghe kindo chingi, ela milungu ya tee, iyo milimu ya duu isene fwaida ingi.

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

HABAKUKI 1:12

Ee BWANA Mlungu wapo, kuko Mweli wapo, si oho kumoni kuko wa kala na kala? Ndedifwagha kungi. Ee BWANA, ni oho kumoni kuredie Wababuloni wipate kutanya, na oho ee Mlindiri, koowimangisha wipate kudikaba.

ZEKARIA 14:16

Niko kula mundu usigharikagha wa iro mbari rose ra wandu wichee kulwa na Jerusalemu, uchajoka aho kula mwaka kumtasa uo BWANA Uwadie-Ndighi-Rose ukikaia mzuri, na kubonya Ndima ya Viwanda.

ZEKARIA 2:11

Ngelo iyo, mbari ra wandu wengi wichamghalukia BWANA na kumrumiria; uchakaia aghadi konyu, nenyo mchamanya kukaia wanidumie.

MALAKI 1:11

Wandu kufuma wurumwengu ghwa ii chia, hata kutua kwa wurumwengu ija chia wanineka ishima. Waawuyafunya na kukora vizongona virumirikiagha kwapo, kwa kukaia wawuyanitala.

WAROMA 15:9

na wandu wa mbari zima wiwonemkasa Mlungu kwa wundu ghwa wughoma ghwake. Sa iji koni iandikilo, “Kwa huwu, nichakukasa aghadi ya wandu wa mbari zima, na kubora makaso gha irina jako,”

1 PETRO 1:16

kwa kukaia yaandikilo, “Mchakaia muelie, angu ini nielie.”

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 14:7

ukaghora kwa lwaka lubaa, “Muobuonyi Mlungu, mumneke wubaa, angu ngelo ya kutanya kwake yameria kuvika; mtasenyi uo ubonyere mlungunyi na ndoenyi, bahari na ndoria ra machi.”

WUFUNUO 16:5

Ngamsikira uo malaika wa machi ukighamba, “Oho ko mhachi; seji koni kwatanya niko koni, oho kuko, sena korekoghe, ee Mweli.

WUFUNUO 16:7

Nao ngasikira madhabahu ikikema, “Niko koni, ee Bwana Mlungu Uwadie Ndighi Rose, kutanya kwako ni kwa loli na hachi.”

WUFUNUO 19:2

angu kutanya kwake ni kwa loli na hachi; nao wamerie kujitanya ijo ilaya ibaa jerenonieghe ndoenyi kwa wulaki ghwake, ukalipa ngenga kwa wundu ghwa iyo bagha ya wadumiki wake.”

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 3:7

“Na uo malaika wa ikanisa ja Filadelfia kumuandikie huwu: ‘Agha ni malagho gha uo Mweli, uo mloli, uo uko na ugho mfunguo ghwa Daudi; uo ukarughua, mndungi ndedimagha kurugha; ukarugha, mndungi ndedimagha kurughua anduangi.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”

WUFUNUO 6:10

nawo wikakema kwa lwaka lubaa wikighamba, “Ee Bwana kuwadie nguma, mweli na mloli, ni lii kuchaatanya na kudiluya lugho bagha yedu kwa wandu wiko ndoenyi?”

1 SAMUELI 2:2

“Ndekuwadie mweli ungi uko sa BWANA, hata ndekuwadie ungi okatanishwa nao; ndekuwadie mlindiri ungi sa Mlungu odu.