WUFUNUO 14:2 - Biblia Ilagho Jiboie Kwa Wandu Wose

² Nani neresikireghe madedo kufuma mlungunyi sa lwaka lwa machi mengi, na sa lwaka lwa lukuwa lubaa; agho madedo nereghisikireghe gherekoghe sa wakabi zeze wikirikaba zeze rawo;

WUFUNUO 14:2 Խաչաձեւ Հղումներ

2 SAMUELI 6:5

Daudi chiaimweri na wandu wa Israeli wikakaia wikivina na kubora kwa ndighi rawo rose, wipate kumneka BWANA wubaa kwa vinubi vinyanda, matari, kayamba na matoazi.

2 MALAGHO GHA NGELO 20:28

Wikavika Jerusalemu, wikangia Hekalunyi wikikaba vinubi, zeze na tarumbeta.

ZABURI 147:7

Mfunyirenyi BWANA chawucha kwa kubora; mum'borie Mlungu odu chumbo risingie kwa kinubi.

ZABURI 149:3

Ndewijikase irina jake wikivina, wikim'boria chumbo risingie kwa mayanga na vinubi.

ZABURI 33:2

Mkasenyi BWANA kwa kinubi, m'borienyi makaso kwa kinubi cha chuzi ikumi.

ZABURI 43:4

Niko nichaghenda madhabahunyi kwako ee Mlungu, oho kuko kuboilwa kwapo kubaa; nani nichakukasa kwa kinubi, ee Mlungu, Mlungu wapo.

ZABURI 57:8

Wuka roho yapo! Wuka ee kinubi na zeze! Nichawuka kokesho kio.

ZABURI 92:3

kwa kubora na zeze na kinubi, na kwa chumbo risingie riborwagha kwa vombo va chuzi.

ZABURI 93:4

BWANA wawadie ndighi kuchumba mghono ghwa machi mengi, wawadie ndighi kuchumba mivo-mivo ya bahari.

ZABURI 98:5

M'borienyi BWANA makaso kwa zeze, mkasenyi kwa zeze na chwaka risingie.

KUFUMA 19:16

Nao ituku ja kadadu luma lwa nakesho, korekoghe chukuwa na chuhehia, na iwingu jikambie kira jikacha mghondinyi; lwaka lubaa lwa tarumbeta lukasikirika, na wandu wose werekoghe kambinyi wikasughusika kwa wowa.

KUFUMA 20:18

Nao iji wandu weresikireghe chukuwa na kuwona chuhehia, na kusikira lwaka lwa tarumbeta, na kuwona ugho mosi ghorefukiagha mghondinyi, wikaobua na kusughusika, wikakaia kula;

ISAYA 17:13

Iro mbari ra wandu raruruma sa kughona kwa machi mengi, ela Mlungu uchawikemia, nawo wichakimbia; wichawingwa sa mafozi ghidukwagha ni mbeo aighu mghondinyi, sa teri ya kikulughulu na kiremba.

EZEKIELI 43:2

Ngawona wubaa ghwa Mlungu wa Israeli ghukicha kufuma mashariki. Lwaka lwake lorekoghe sa lwaka lwa machi mengi; ndoenyi kukang'ala-ng'ala kwa wundu ghwa wubaa ghwake.

ZEKARIA 9:14

Niko BWANA uchafutuka aighu ya wandu wake, na kukumba mawanu ghake sa luhehia; BWANA Mlungu uchakaba tarumbeta, na kughenda andenyi ya kikulughulu cha kusinyi.

1 WAKORINTHO 13:1

Ngera nadeda na viteto va wadamu na va weke malaika, nani siwadie lukundo, niakaia sa lwaka lwa ibamba iduu, angu kengele chikabwagha.

WUFUNUO 1:10

Nerekoghe andenyi ya Roho ituku ja Bwana; ngasikira lwaka lubaa sa lwa tarumbeta lukideda nyuma yapo,

WUFUNUO 1:15

maghu ghake gherekoghe sa shaba izughulo na ndighi, seji eeleshwa na modo, na lwaka lwake loresikirikieghe sa lwaka lwa machi mengi.

WUFUNUO 11:12

Niko awo walodi wikasikira lwaka lubaa kufuma mlungunyi lukiwizera, “Jokenyi nokunu.” Nawo wikajoka cha mlungunyi andenyi ya iwingu imbiri ya meso gha wamaiza wawo.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 18:22

Na chwaka ra wandu wikabagha ngoma, firimbi na awo wikabagha tarumbeta, nderichaasikirika andenyi kwako; na mafundi gha wufundi ugho ghose ndeghichaawoneka andenyi kwako, hata lwaka lwa igho jesha, ndeluchaasikirika andenyi kwako,

WUFUNUO 5:8

Hata iji wameria kuchiwada icho chuo, iro nyamandu riko moyo inya, na awo waghosi mirongo iwi na bana, wikaghwa imbiri ya uo Mwana wa Ng'ondi; kula umu uko na zeze, na bakuli ra dhahabu richue marumba, nagho ni malombi gha waeli.

WUFUNUO 6:1

Nao iji uo Mwana wa Ng'ondi oreghufungueghe ghumu ghwa iyo mihuri mfungade, nerewonieghe; ngasikira imu ya iro nyamandu riko moyo inya ikighamba na lwaka sa lukuwa, “Choo”.

WUFUNUO 8:7

Uo malaika wa imbiri ukaikaba tarumbeta yake, kukakaia na vua ya magho na modo, viranganyiro na bagha, na ifungu ja kadadu ja ndoenyi jikakorwa, ifungu ja kadadu ja midi jikakorwa, na nyasi mbishi rose rikakorwa.