WUFUNUO 13:1 - Biblia Ilagho Jiboie Kwa Wandu Wose

¹ Nao ngawona nyamandu ikijoka kufuma baharinyi, iko na mbembe ikumi na vongo mfungade; iro mbembe rake rerekoghe na virumbu ikumi, na irina ja masholio aighu ya vongo vake.

WUFUNUO 13:1 Խաչաձեւ Հղումներ

JEREMIA 5:22

Wele ndemuniobuagha ini? Ndemsughusikagha imbiri kwapo? Ini nawikie msangagha ghukaie mpaka ghwa bahari, kighirio cha toe machi ghisedimagha kuchumba, hata ngera mivo-mivo ya bahari yakumicha, isedimagha kughusima, hata ngera yaruruma, isedimagha kuida aighu yaro.

DANIELI 11:36

“Mzuri wa Siria uchabonya seji ukunde; uchakujosa na kukubonya m'baa aighu ya icho chose chiwangwagha mlungu; nao uchadeda malagho gha mashiniko aighu ya Mlungu wa milungu. Uchakaia nicha hata ngelo ya machu gha Mlungu kukatia, angu agho ghilaghirilo ghichapata kukatia kwaro.

DANIELI 2:41

Na sa iji koni kuwonie maghu na mano gha iyo fwana ghiko nusu chuma na nusu wongo, ugho wuzuri ghuchakaia ghuwaghanyikie; ela sena wuzuri ghumu ghuchakaia na ndighi sa iji koni kuwonie mranganyiko ghwaro ghumu ghuko ghwa chuma na ghumu ghwa wongo.

WUFUNUO 11:7

Hata iji wameria wushuhuda ghwawo, ija nyamandu ifumagha andenyi ya icho kina cha abuso, ichabonya wuda nawo, na kuwisima; na kuwibwagha.

WUFUNUO 12:3

Na alama imu ikawoneka sena mlungunyi; choka mbaa ya mkundu, iko na vongo mfungade, mbembe ikumi na virumbu mfungade.

WUFUNUO 13:11

Niko ngawona nyamandu zima sena ikijoka kufuma ndoenyi; nayo erekoghe na mbembe iwi sa mwana wa ng'ondi, na kudeda sa choka.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 13:15

Ikarumirilwa iifurie miruke iyo fwana etaswa ya iyo nyamandu, eri idime kudeda, na kuwibonya awo wandu wileghagha kuitasa iyo fwana wibwagho.

WUFUNUO 15:2

Nao ngawona kindo sa bahari ya kilole iranganyiro na modo, na awo wandu wereisimieghe ija nyamandu, na ija fwana yake etasa, na uo mundu wa irina ja ugho mtalo; wiko kimusi imbiri ya iyo bahari ya kilole wiwadie zeze ra Mlungu mikonunyi kwawo.

WUFUNUO 16:13

Nani ngawona roho idadu ra makakala riko sa vichula rikifuma momunyi kwa iyo choka, na momunyi kwa iyo nyamandu, na momunyi kwa uo mlodi wa tee.

WUFUNUO 17:16

Na iro mbembe ikumi kuriwonie, chiaimweri na iyo nyamandu wichazamilwa ni ijo ilaya, nawo wichajisoka kula kindo, na kujisigha duu; wichaja nyama yake, na kujikora na modo;

WUFUNUO 17:3

Niko ukanidwa noko cha kireti, niko andenyi ya Roho; nani ngawona muka uko kidombo aighu ya nyamandu itinikie, ichue marina gha masholio, nayo erekoghe na vongo mfungade, na mbembe ikumi.

WUFUNUO 17:5

Na chamunyi kwake, koreandikiloghe irina ja ngasu huwu: “BABULONI M'BAA, MAE WA MALAYA, NA MAZA RIZAMIE RA NDOENYI.”

WUFUNUO 19:19

Nani ngawona iyo nyamandu na wazuri wa ndoenyi, chiaimweri na majeshi ghawo, ghakwanyika kubonya wuda na uo ujokagha farasi na majeshi ghake.