WUFUNUO 12:9 - Biblia Ilagho Jiboie Kwa Wandu Wose

⁹ Na iyo choka mbaa ikapotolwa, iyo choka ya kala, iyo iwangwagha Ibilisi na Shetani, uo mkalii wa wurumwengu ghose; nao ukapotolwa andoenyi chiaimweri na weke malaika wake.

WUFUNUO 12:9 Խաչաձեւ Հղումներ

KUZOYA 3:1

Idana choka erekoghe na mikalo kuchumba nyamandu rose ra isakenyi oreribonyereghe BWANA Mlungu. Nayo ikamzera muka, “Kedi Mlungu waghambie wei msakeja matunda gha midi yose iko mbuwenyi?”

KUZOYA 3:13

BWANA Mlungu ukamzera muka, “Kwaki kwabonya huwu?” Muka ukatumbulia, “Ni choka yanikalia nani ngaja.”

1 MALAGHO GHA NGELO 21:1

Nao Shetani ukawuka ukunde kulwa na Israeli, ukamngira Daudi ngolo ewitala wandu wa Israeli.

2 MALAGHO GHA NGELO 18:21

Ikaghamba, ‘Nichaghenda nikaie pepo eghora tee momunyi kwa walodi wake wose.’ BWANA ukaghamba, ‘Oho kumkalia, sena kuchadima; ghenda kubonye wokoni.’

ZABURI 109:6

Saghuonyi mundu mmbiwi usimane nao; m'maiza wa uo mbiwi ndemshitakie.

ISAYA 14:12

“Kwaserwa wada kufuma mlungunyi ee mzuri wa Babuloni? Oho korekoghe sa nyerinyeri ya luma lwa nakesho! Kwaserwa wada hata andoenyi? Oho korekoghe kwarisima mbari rose!

ISAYA 27:1

Ngelo iyo, BWANA uchamkaba Leviathani, iyo choka ikimbiagha, kwa lufu lwake lukurie, lubaa, sena luwadie ndighi; uchamkaba Leviathani, iyo choka ighalaaghala, na kuibwagha iyo choka mbaa ikaiagha baharinyi.

ISAYA 65:25

Kikwau na mwana wa ng'ondi wichajanya, na shimba ichaja nyasi sa ng'ombe, hata teri ichawuya vindo va choka. Richakaianya kuseko na kushoghonuana angu kunona kilambo chingi aighu ya kula andu kwa wueli mghondinyi kwapo.”

EZEKIELI 28:16

Kwa wundu ghwa wungi ghwa biashara yako, korengiriloghe ni lung'eto kukabonya kaung'a. Kwa huwo nerekukumbieghe noko sa kilambo chisekundikie, kufuma mghondinyi ghwa Mlungu; na uo malaika mlindiri ukakufunya shighadi, kufuma ghadi na ghadi ya magho ghiakaaka gha zoghori mbaa.

MATHAYO 13:39

na m'maiza uo orewaeghe ijo isaka ni Ibilisi. Makuwido ni kutua kwa ngelo, na awo wikuwidagha ni weke malaika.

MATHAYO 24:24

Angu wichawuka weke Kristo wa tee na walodi wa tee; wichawonyera weke mwakilimbiti wengi na mashiniko; wipate kuwilaghasha ngera idimika hata awo wasaghulwa.

MATHAYO 25:41

“Niko aho uchawizera waja wiko kwa mkonu ghwake ghwa kiwaka, ‘Fumenyi kwapo inyo mmbwasiro njowe, mwende kwa modo ghwa kala na kala ghoreboisiroghe uo Ibilisi na weke malaika wake;

MATHAYO 4:1

Nao Roho ukamghenja Jesu cha kireti, upate kutimwa ni Ibilisi.

MATHAYO 4:10

Niko Jesu ukamzera, “Ghenda noko Shetani! Yaandikilo, ‘Kumtase Bwana Mlungu wako, na kumdumikia uo moni uekeri.’”

MATHAYO 4:5

Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi,

MATHAYO 4:8

Niko Ibilisi ukamjosa mghondinyi m'baa, ukammbonyera mawuzuri ghose gha wurumwengunyi na wubaa ghwaro,

LUKA 10:18

Nao ukawizera, “Neremmbonieghe Shetani ukipotoka sa luhehia kufuma mlungunyi.

LUKA 13:16

Na muka uhu nao ni wa kivalwa cha Abrahamu, Shetani umfungie miaka ikumi na wunyanya, ndeifwaneghe ufungulo ituku ja Sabato anguwada?”

LUKA 22:3

Niko Shetani ukamngia Juda uwangwagha Iskarioti, nao ni umu wa waja wanughi ikumi na wawi;

LUKA 22:31

“Simoni, Simoni! Ola Shetani wawusa rusa emtima inyo, na kumuela-ela sa iji ngano ielwagha.

LUKA 8:12

Mbeu iri rerepotokieghe chienyi ni sa wandu wijisikiragha ijo ilagho, konyuma Mmbiwi wacha na kujiinja ngolonyi kwawo, wisechejirumiria na kukia.

JOHANE 12:31

Idana ngelo ya wurumwengu ughu kutanywa yavika, idana m'baa wa wurumwengu ughu uchakumbwa noko.

JOHANE 14:30

Sidimagha kughora nenyo luma, angu m'bonyi nguma wa wurumwengu ughu waawuyacha; nao ndewadie nguma ringi aighu yapo anduangi.

JOHANE 16:11

kwa kutanywa, angu m'baa wa wurumwengu ughu wameria kutanywa.

JOHANE 8:44

Inyo mo wana wa ndeyo uja Mmbiwi, na bea rake niro reni mkundagha kuribonya. Uo orekoghe m'bwaghi kufuma kuzoya, hata na jingi ndekaiagha na loli, angu ndekuwadie loli ingi andenyi kwake anduangi. Iji waghora tee, wadaghora kikwake cheni: angu uo moni ni mtee, na ndee wa tee rose.

MABONYO GHA WADUMI 26:18

kuwitambuo meso, eri wifume kirenyi wingie mwengerenyi; wifume kwa ndighi ra Shetani na kumghalukia Mlungu, wipate kulekwa kwa kaung'a rawo na kupata wulalo andwamweri na wandu wieleshero kwa irumirio jiko kwapo ini.’

MABONYO GHA WADUMI 5:3

Nao Petro ukamzera, “Anania, kwaki kwamneka Shetani wulalo ukachua ngolonyi kwako, hata kumkalie Roho Mweli na kuwikia mbai ifungu jimu ja pesa ra ndoe?

WAROMA 16:18

Angu wandu sa awo ndewimdumikiagha Bwana odu Jesu Kristo, ela wadadumikia vifu vawo veni; na kwa malagho ghidendere ghesesea-sesea, wawikalia wandu wisemanyagha.

WAROMA 16:20

Na Mlungu uo uredagha sere uchamfasha Shetani aisi ya maghu ghenyu kafwani. Mvono ghwa Bwana Jesu Kristo ndeghukaie andwamweri nenyo.

2 WAKORINTHO 11:14

Na kukakoni si ishiniko jingi, angu hata Shetani wakubonyagha moni kukaia malaika wa mwengere.

2 WAKORINTHO 11:3

Ela naobua angu mwadima kukalikia seji choka eremkalieghe Hawa kwa wukalo ghwake, nao mdime mwakusigha kuja kukufunya kwa loli kwa kuwadiana na Kristo.

2 WAKORINTHO 12:7

Sena eri nisekujose ighu kuchumba, kwa wundu ghwa wungi ghwa agho mafunuo, nerenekeloghe luwawo mumbinyi sa munjwa; mdumwa wa Shetani upate kunisumbua, eri nisechekujosa kuchumba.

2 WAKORINTHO 2:11

kwa kumtangala Shetani usepate wulalo aighu edu; angu daichi mipango yake.

2 WAKORINTHO 4:4

Awo ndewidimagha kurumiria, angu mlungu wa wurumwengu ughu wawituwira akili rawo, na kuwighiria wisewone mwengere ghwa Ilagho Jiboie ja wubaa ghwa Kristo; uo uko fwana ya Mlungu.

WAEFESO 4:14

eri diseduo wanake wekumbwa-kumbwa ii chia na ii chia, na kudukwa ni kula mbeo ya mafundisho kwa mikalo ya wandu, na kwa wuya ghwawo ghwa tee.

2 WATHESALONIKE 2:3

Msakekalilwa ni mndungi kwa ilagho jingi; angu Ituku ijo ndejichagha kande, kuja kulegha sharia kusechee, na uja Mleghi ufunukulo, uo mundu otota,

1 TIMOTHEO 2:14

sena Adamu nderekaliloghe, ela muka orekaliloghe ukawuya mkosi.

2 TIMOTHEO 3:13

ingelo wawiwi na wandu wa kisha wichaachuria kubonya mawiwi kuchumba; wikikalia wandu nawo weni wikikalilwa.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

1 PETRO 5:8

Kaienyi na akili mchereshe. M'maiza onyu, uo Ibilisi, waawuyamara-mara sa shimba irurumagha ikimlola mndungi ipate kumja.

1 JOHANE 5:19

Isi damanya angu de wa Mlungu, na wurumwengu ghose ghwadakaia aisi ya Uja Mmbiwi.

JUDA 1:9

Ela uo malaika m'baa Mikaeli, iji orekoghe ukisimana na Ibilisi, kwa kubonya nganyi aighu ya mumbi ghwa Musa, nderedimieghe kumtanya kwa madedo ghangi gha kudukana anduangi; ela ukaghamba, “Bwana ndekukemie.”

WUFUNUO 12:12

Kwa wundu ugho, boilonyi ee mlungunyi, nenyo mmbose mkaiagha andenyi kwaro. Ela ni bugha konyu ee ndoenyi, na bahari, angu uo Ibilisi wamseria inyo uko na machu mabaa, angu waichi kukaia ngelo yake ni vui.”

WUFUNUO 12:3

Na alama imu ikawoneka sena mlungunyi; choka mbaa ya mkundu, iko na vongo mfungade, mbembe ikumi na virumbu mfungade.

WUFUNUO 12:7

Niko wuda ghukabuka mlungunyi, Mikaeli na weke malaika wake wikilwa na iyo choka, na iyo choka ikalwa chiaimweri na weke malaika wake;

WUFUNUO 12:8

ela choka na weke malaika wake weresimiloghe, na wulalo ghungi ghwawo mlungunyi ndeghorewonekieghe sena anduangi.

WUFUNUO 13:14

Nayo yawikalia wandu wose wikaiagha ndoenyi kwa awo weke mwakilimbiti ererumiriloghe kuwibonya imbiri ya iyo nyamandu; ikiwilaghira angu wibonye fwana etaswa, kwa ishima ja iyo nyamandu ya imbiri ereshoghonologhe kwa lufu, na kukaia moyo sena.

WUFUNUO 16:14

Iro ni roho ra pepo ribonyagha weke mwakilimbiti, righendagha kwa wazuri wiko wurumwengunyi kose, na kuwikwanya kwa wundu ghwa wuda ghuchaakaia ijo Ituku ibaa ja Mlungu, Uo Uwadie Ndighi Rose.

WUFUNUO 18:2

Ukaghora kwa lwaka lubaa nandighi ukighamba, “Ghwaghue, ghwaghue, ugho Babuloni m'baa! Ghwawurie malalo gha pepo, andu kwa kula roho mbiwi, na wulalo ghwa kula nyonyi mbiwi, izamie;

WUFUNUO 18:23

na mwengere ghwa taa, ndeghuchaang'ala-ng'ala andenyi kwako, hata lwaka lwa mmbusi muka na uo ulowolwagha, ndeluchaasikirika andenyi kwako sena anduangi. Angu washami wako werekoghe wandu wabaa wa ndoenyi, na wandu wa mbari rose werekaliloghe kwa wusawi ghwako.

WUFUNUO 19:20

Iyo nyamandu ikawadwa chiaimweri na uja mlodi wa tee, uo orebonyereghe weke mwakilimbiti imbiri ya iyo nyamandu; kwa awo, orewikalieghe awo wandu werepatireghe ija alama ya iyo nyamandu, na awo wereghutasireghe ugho mlimu ghwake. Awa wawi, werekumbiloghe wimoo andenyi ya ndiwa ya modo ghuakagha kwa kibiriti.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 2:24

Ela inyo msigharikie andenyi ya Thuatira, msewuenugha agho mafundisho, hata msekufundishire iro maza wamu wawuyariwanga maza riko ndenyi ra Shetani, namzera huwu: simdukishiragha msigo ghungi mzima anduangi,

WUFUNUO 2:9

Naghumanya wasi ghwako, na wukiwa ghwako, (ela ko mzuri wa mali) na seji kughorelo kwa wuwiwi ni wandu awo wikuwangagha weni Wayahudi, nawo wiseko Wayahudi wangi; ela ni wandu wa sunagogi ya Shetani.

WUFUNUO 20:10

Na uo Ibilisi orewikalieghe, orekumbiloghe andenyi ya ndiwa ya modo ghwa kibiriti andu ija nyamandu na uo mlodi wa tee werekoghe; nawo wichatirirwa kio na dime kwa kala na kala.

WUFUNUO 20:8

nao uchaghenda ukiwikalia wandu wa mbari rose ndoenyi, awo Gogu na Magogu, upate kuwikwanya kwa wundu ghwa wuda; wandu wengi nandighi sa msangagha ghwa baharinyi.

WUFUNUO 3:9

Ola awo wandu wa sunagogi ya Shetani, wikuwangagha weni Wayahudi nawo wiseko Wayahudi wangi, ela wiakalia, nichawibonya wiche na kughoghoma andonyi maghunyi kwako, wipate kumanya angu ini nakukunde.

WUFUNUO 9:1

Niko uo malaika wa kasanu ukaikaba tarumbeta yake, nani ngawona nyerinyeri yapotoka kufuma mlungunyi, nayo erenekeloghe mfunguo ghwa kina cha abuso.

WUFUNUO 9:20

Awo wandu weresigharikieghe wisebwaghilo ni agho makabo, ndewereherieghe na kurisigha kazi ra mikonu yawo na kutasa pepo, na milimu ya dhahabu, feza, shaba, magho na ya midi; iyo isedimagha kuwona angu kusikira, hata kughenda anduangi.