WUFUNUO 11:7 - Biblia Ilagho Jiboie Kwa Wandu Wose

⁷ Hata iji wameria wushuhuda ghwawo, ija nyamandu ifumagha andenyi ya icho kina cha abuso, ichabonya wuda nawo, na kuwisima; na kuwibwagha.

WUFUNUO 11:7 Խաչաձեւ Հղումներ

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

LUKA 13:32

Nao ukawizera, “Ghendenyi mughuzere ghuja mzozo, ‘Ola idime na kesho niawinga pepo na kuboisa wakongo, na ituku ja kadadu, niameria kazi yapo.

LUKA 8:31

Naro rikamlomba rikimvoya usekerilaghira kughenda kina cha abuso.

JOHANE 17:4

Nakukasa oho aha ndoenyi, naimeria ija kazi koreninekieghe niibonye.

JOHANE 19:30

Nao iji Jesu waitoa iyo siki, ukaghamba, “Yasia.” Ukaghoghomesha chongo chake ukaifunya roho yake.

MABONYO GHA WADUMI 20:24

Ela ini sitalie irangi japo kukaia kindo chingi kwapo anduangi, ikakaia tu nadima kuimeria kazi na wudumiki Bwana Jesu uninekie ghojishuhudia Ilagho Jiboie ja mvono ghwa Mlungu.

2 TIMOTHEO 4:7

Namerie kulwa ghuja wuda ghuboie, namerie mwendo ghwapo, na irumirio najilindirie.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WUFUNUO 12:17

Niko iyo choka ikam'bonyera machu uo muka, ikaghenda kubonya wuda na kivalwa chake chisigharikie; awo wandu wiiwadiagha memu ya Mlungu na awo wiko na wushuhuda ghwa Jesu. Nayo ikakaia kimusi a msangaghenyi ghwa bahari.

WUFUNUO 13:11

Niko ngawona nyamandu zima sena ikijoka kufuma ndoenyi; nayo erekoghe na mbembe iwi sa mwana wa ng'ondi, na kudeda sa choka.

WUFUNUO 13:7

Wokoni ikarumirilwa kubonya wuda na waeli, na kuwisima; ikanekwa nguma aighu ya kula kichuku, na wandu, na kiteto na mbari.