WUFUNUO 11:2 - Biblia Ilagho Jiboie Kwa Wandu Wose

² Ela kuseipime iyo waza iko shighadi ya hekalu, kuseipime; angu yamerie kunekwa iro mbari, nawo wichaghuwadia-wadia ugho muzi ghwa wueli kwa meri mirongo ina na iwi.

WUFUNUO 11:2 Խաչաձեւ Հղումներ

ZABURI 79:1

Ee Mlungu, wandu wa mbari zima wangia isanga jako; wameria kuilusha Hekalu yako ya Wueli, na kuibonya Jerusalemu iwuye ighacho.

ISAYA 48:2

Mwadakuwanga mmbeni wana wa muzi ghwa wueli, na kukusaghika kwa uo Mlungu wa Israeli; uo irina jake ni BWANA wa majeshi.

ISAYA 5:5

“Idana nichamghoria ijo nichaajibonya kwa mbuwa yapo ya mizabibu. Nichainja isanju japo na wurigha ghwaro, nayo ichajighwa ni nyamandu, na kuiwadia-wadia.

ISAYA 52:1

Wuka! Wuka kukurushe ndighi rako ee Jerusalemu; rwaa nguwo rako righokie ee Jerusalemu muzi ghwa wueli. Mndungi useshamishiro angu useelie jingi ndechaangia kwako sena anduangi.

KILILO CHA JEREMIA 1:10

Wamaiza wawisokie mali rawo rose. Werewiwonieghe wikingia Hekalunyi cheni tiki, andu BWANA orewighirieghe wandu wa mbari zima wisengie.

EZEKIELI 4:6

Kukameria mtalo ghwa agho matuku, kuchaghaluka luwaru, kulale indo ja kawi na luwaru lwa mkonu ghwa kiwomi, kupate kuduka ikabo ja wandu wa Juda; mtalo ghwaro nikuwikie ghuchakaia matuku mirongo ina, ituku jimweri jikatanisho na mwaka ghumweri.

EZEKIELI 42:20

Ukapima chuwaru ra kiwacha rose inya. Icho kiwacha cheremariloghe ni wurigha, nagho ghorekoghe na wulacha ghukatane na wushapa; meta maghana awi na mirongo misanu kwa maghana awi na mirongo misanu. Ugho wurigha ni kwa wundu ghotanya andu kwa wueli na andu kwa wandu wose.

DANIELI 12:7

Nao uo malaika urwae marwao gha kitani, uko nalughu ya machi gha ugho moda ukawusira mikonu yake yose nokoighu cha mlungunyi; ngamsikira ukighema kwa uo uduagha moyo kwa kala na kala kukaia, ichadwa ngelo, na ngelo iwi, na nusu ngelo; na ndighi ra waeli rikameria kuvika kutua kwaro, malagho agho ghose ghichakaia ghakatishwa.

DANIELI 7:19

“Niko ngakunda kumanya kuchumba malagho gha ija nyamandu ya kana, iyo iserefwananeghe na rija nyamandu zima, ibirie nandighi; iko na maghegho ghake gha chuma, na chwakule rake ra shaba; erebarieghe madiwo ghake na kuja kula kilambo, na kufasha-fasha masighariko gharo kwa maghu ghake.

DANIELI 7:25

Uchadeda malagho ghelwa na Uo-Uko-Aighu-Nandighi, na kuwikoronga waeli wake, nao uchatima kughalua sharia rawo ra dini na ndima; nawo wichangirwa mikonunyi kwake kwa miaka idadu na nusu.

DANIELI 8:10

Lwembe ulo lukachurikia ndighi hata kuvikia kulwa na majeshi gha mlungunyi; lukakurudua na kupotua nyerinyeri rimu na kurifasha-fasha.

DANIELI 8:13

Niko ngasikira malaika umu ukimkotia mmbao, “Agha mawono gha vizongona vekora va ituku ituku, na makosa ghishekeriagha kusowekelwa na uko kuisigha Hekalu, na majeshi kufashwa-fashwa ghidwa ngelo ing'ane wada?”

DANIELI 8:14

Nao ukamtumbulia, “Ichadwa matuku elfu imweri ighana jimweri na mirongo misanu vizongona va nakenyi na va nakesho visefunywagha. Konyuma Hekalu ichaeleshwa sena.”

MITALO 14:34

Mchaduka msigo ghwa ikosa jenyu kwa miaka mirongo ina kara kara na seji moreghendieghe mkajizighana isanga kwa matuku mirongo ina; kula ituku mwaka mlazi, nenyo mchamanya seji nizamilo!

MATHAYO 27:53

wikafuma makaburinyi kwawo nyuma ya Jesu kuruka kufuma kwa wafu, wikaghungia ugho Muzi ghwa Wueli wikawifutukia wengi.

MATHAYO 4:5

Nao Ibilisi ukamdwa Jesu hata Jerusalemu ghuja muzi ghwa wueli; ukammbika koighu hekalunyi,

MATHAYO 5:13

“Inyo moko kiserere wurumwengunyi. Ela kiserere chikafumwa ni kusinga kwaro mchachilunga na kindoki? Ndechifwane kindo chingi sena, ela chichadeghwa cha shighadi chiwadilo ni wandu.

LUKA 21:24

Wandu wamu wichabwaghwa kwa lufu, na wazima wichadwalwa wunyika kwa masanga ghose; na Jerusalemu ichawadilwa-wadilwa ni wandu wa mbari zima hata ngelo ya wandu wa mbari zima yakatia.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

WUFUNUO 11:11

Ela nyuma ya agho matuku adadu na nusu, miruke ya irangi kufuma kwa Mlungu ikawingia awo walodi, nawo wikawuka kimusi kwa maghu ghawo, na wowa m'baa ghukawingia awo werewiwonieghe.

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WUFUNUO 12:6

Uo muka ukakimbia cha kireti, andu Mlungu orem'boisireghe wulalo ghwake, upate kulishwa aho matuku elfu imweri maghana awi na mirongo irandadu.

WUFUNUO 21:10

Ukanidwa noko cha mghondinyi m'baa niko andenyi ya Roho, ukaniwonyera ugho muzi ghuelie ghwa Jerusalemu, ghukisea kufuma mlungunyi kwa Mlungu,

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 22:19

Na mndungi ukainja ilagho jingi ja wulodi ghwa chuo ichi, Mlungu uchainja iwaghio jake ja ugho mudi ghwa irangi, na jekaia andenyi ya ugho muzi ghuelie; seji ghighorelo andenyi ya chuo ichi.