WUFUNUO 1:8 - Biblia Ilagho Jiboie Kwa Wandu Wose

⁸ “Ini ne Alfa na Omega” waghamba Bwana Mlungu uo uko, nao orekoghe, na nuo uchagha; Uo Uwadie Ndighi Rose.

WUFUNUO 1:8 Խաչաձեւ Հղումներ

KUZOYA 17:1

Nao iji Abramu wavika miaka mirongo ikenda na ikenda, BWANA ukamfutukia ukamzera, “Ini ne Mlungu-Uwadie-Ndighi-Rose; ninughe kukaia kukatie.

KUZOYA 28:3

Mlungu Uwadie-Ndighi-Rose ndekurasimie, kuve kuchurikie na kukaia mbari nyingi.

KUZOYA 35:11

Nao Mlungu ukamzera, “Ini ne Mlungu-Uwadie-Ndighi-Rose; kuve kuchurikie. Mbari na vichuku va mbari vichavalwa kwako, na wazuri wichafuma kwako oho.

KUZOYA 43:14

Mlungu Uwadie-Ndighi-Rose, ndem'bonye uo mundu umfuye wughoma, ummbunjire Benjamini na uo mwanyinyu umu. Nani kamanya yaachakaia ni suti nisowekelo ni wana wapo, haya nisowekelo wokoni.”

KUZOYA 48:3

Jakobo ukamzera Josefu, “Mlungu Uwadie-Ndighi-Rose orenifutukieghe aja Luzu isanga ja Kanaani, ukanirasimia ukinizera,

KUZOYA 49:25

nuo Mlungu wa weke ndeyo uchaakutesia, uo Mlungu Uwadie-Ndighi-Rose uchakurasimia, kwa marasimio ghichaafuma aighu mlungunyi. Sena marasimio gha machi ghimilie, ghifumagha ndoenyi nakosi; na marasimio gha kuva na kulela wori.

KUFUMA 3:14

Mlungu ukamzera Musa, “INI NEKO UO UKO. Kuwizere wana wa Israeli huwu, ‘INI NEKO waniduma konyu.’”

KUFUMA 6:3

Neremfutukieghe Abrahamu, Isaaka, na Jakobo sa Mlungu Uwadie-Ndighi-Rose; ela kwa irina japo ‘BWANA’ serekumanyishireghe kwawo anduangi.

ISAYA 41:4

Nani ubonyere maza iri rikaie seji riko, ukipanga malagho kivalwa hata kivalwa? Ini BWANA, wa imbiri, na wa kutua, ni Ini.

ISAYA 43:10

“Inyo moko washahidi wapo, mo wadumiki wapo awo nerewisaghueghe. Jingi ndekorekoghe mlungu ghungi ghoreumbiloghe imbiri yapo; hata ndekuchaakaia na ghungi nyuma yapo sena anduangi.

ISAYA 44:6

BWANA, Uo Mzuri na Mkomboli wa Israeli, uo BWANA wa majeshi, waghamba, “Ini ne wa imbiri, na wa kutua, ndekuwadie mlungu ungi mzima kuchumba ini anduangi.

ISAYA 48:12

“Nisikire ini ee Israeli, kivalwa cha Jakobo neremmbangieghe! Ni ini Mlungu, ne wa imbiri na wa kutua.

ISAYA 9:6

Angu damerie kuvailwa mwana, danekelo mwana wa womi; nao uchadibonyera nguma, na irina jake uchawangwa, “Mnjama wa mashiniko,” “Mlungu Uwadie Ndighi,” “Aba wa kala na kala,” “M'baa wa sere.”

MITALO 24:4

madedo ghake uo uwonagha malagho gha Mlungu, uo uwonagha mawono gha Uo-Uwadie-Ndighi-Rose, ghikisea worinyi:

2 WAKORINTHO 6:18

Nani nichakaia ndeyo onyu, nenyo mchakaia wana wapo wa womi na wa waka; waghamba Bwana uwadie ndighi rose.”

WUFUNUO 1:11

lukighamba, “Agho kughiwonagha kughiandike chuonyi, na kughighenjera agho makanisa mfungade; Efeso, Simurna, Pergamo, Thuatira, Saridi, Filadelfia, na Laodikea.”

WUFUNUO 1:17

Nani iji neremmbonieghe, nereghueghe maghunyi kwake seji naafwa. Ela ukaniwikiria mkonu ghwake ghwa kiwomi ukaghamba, “Kusakeobua, ini nuo wa imbiri, na wa kutua;

WUFUNUO 1:4

Ini Johane, naghiandikia makanisa mfungade ghiko isanga ja Asia. Mvono ndeghukaie konyu, na sere ifumagha kwa Mlungu uo uko, nao orekoghe, na nuo uchagha; na kufuma kwa iro roho mfungade riko imbiri ya kifumbi chake cha nguma,

WUFUNUO 11:17

wikighamba, “Dakufunyira chawucha, Bwana Mlungu, Kuwadie ndighi rose, oho kuko, nao korekoghe; kwa kukaia kwariwusa iro ndighi rako mbaa, kukazoya kubonya nguma.

WUFUNUO 15:3

Nawo wabora lumbo lwa Musa mdumiki wa Mlungu, na lumbo lwa Mwana wa Ng'ondi wikighamba, “Kazi rako ni mbaa na ra mashiniko, ee Bwana Mlungu Uwadie Ndighi Rose! Chia rako ni ra hachi na loli, ee Mzuri wa mbari rose.

WUFUNUO 16:14

Iro ni roho ra pepo ribonyagha weke mwakilimbiti, righendagha kwa wazuri wiko wurumwengunyi kose, na kuwikwanya kwa wundu ghwa wuda ghuchaakaia ijo Ituku ibaa ja Mlungu, Uo Uwadie Ndighi Rose.

WUFUNUO 16:7

Nao ngasikira madhabahu ikikema, “Niko koni, ee Bwana Mlungu Uwadie Ndighi Rose, kutanya kwako ni kwa loli na hachi.”

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 19:6

Niko ngasikira lwaka sa lwa izungu ibaa ja wandu, sa lwa machi mengi, na sa mrurumo m'baa ghwa lukuwa rikighamba kwa lwaka lubaa, “Haleluya! Angu Bwana Mlungu odu Uo Uwadie Ndighi Rose, wabonya nguma.

WUFUNUO 2:8

“Na malaika wa ikanisa ja Simurna kumuandikie huwu: ‘Agha ni malagho gha uo wa imbiri na wa kutua, uo orefueghe na kukaia moyo sena.

WUFUNUO 21:22

Nani serewonieghe hekalu ingi andenyi ya ugho muzi, angu hekalu yaro ni Bwana Mlungu Uo Uwadie Ndighi Rose na uo Mwana wa Ng'ondi.

WUFUNUO 21:6

Nao ukanizera, “Ghabonyeka! Ini ne Alfa na Omega, uko kuzoya na uko kutua. U mundu uomagha, nichamneka machi gha ndoria ya machi gha irangi duu.

WUFUNUO 22:13

Ini ne Alfa na Omega, wa imbiri na wa kutua; uko kuzoya na uko kutua.

WUFUNUO 4:8

Iro nyamandu riko moyo inya, riko na mawawa arandadu kula imu, rachue meso chia rose, hata na nandenyi; naro radabora kari kose kio na dime rikighamba, “Mweli, Mweli, Mweli, ni uo Bwana Mlungu Uwadie-Ndighi-Rose; uo orekoghe, uo uko, nao nuo uchagha.”