WUFUNUO 1:6 - Biblia Ilagho Jiboie Kwa Wandu Wose

⁶ na kudibonya dikaie wuzuri, na wakohani wedumika kwa Mlungu wake nao ni Ndee; kwake uo, ndeghukaie wubaa, na kubonya nguma kwa kala na kala. Amen.

WUFUNUO 1:6 Խաչաձեւ Հղումներ

KUFUMA 19:6

nenyo mchakaia kwapo wuzuri ghwa wakohani, na mbari ya wueli. Agha nigho malagho kuchaawighoria wana wa Israeli.’”

ISAYA 61:6

Ela inyo mchawangwa wakohani wa BWANA, wandu wichamghora inyo kukaia wadumiki wa Mlungu odu; mchaja mali ra iro mbari ra wandu, na kukukasa aighu ya mali rawo.

DANIELI 4:34

Nebukadnezari ukaghamba, “Kutua kwa agho matuku, ini Nebukadnezari nerewusireghe meso ghapo cha mlungunyi, nawurilwa ni akili rapo, ngamkasa Uo-Uko-Aighu-Nandighi, ngamkasa na kumneka ishima uo uduagha moyo kwa kala na kala. Uo wadabonya nguma kwa kala na kala, na wuzuri ghwake ghwadakaia vivalwa na vivalwa.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

MATHAYO 6:13

Kusakedikumba matimonyi, Ela kudikire na uja Mmbiwi.’

JOHANE 5:23

wose wipate kum'bonyera ishima Mwana, sa iji koni wim'bonyeragha ishima uja Aba wori. Uhu usem'bonyeragha uja Mwana ishima, ndem'bonyeragha ishima uja Aba oremdumieghe wori.

WAROMA 11:36

Angu vilambo vose vadafuma kwake, vadakaia kwa kudima kwake na kwa wundu ghwake. Wubaa ndeghukaie kwake kwa kala na kala. Amen.

WAROMA 15:6

eri mpate kumkasa Mlungu Ndee Bwana odu Jesu Kristo chia imweri, kwa lwaka lumweri.

WAFILIPI 2:11

na wandu wose wimghore Jesu Kristo kukaia ni Bwana, kwa wubaa ghwa Mlungu Aba.

1 TIMOTHEO 6:16

Uo uekeri nuo uko na irangi jisenonekagha, nao wadakaia andenyi ya mwengere ghusedimagha kusoghoderwa, uo mndungi usemmbonie jingi, hata usedimagha kummbona; kwake uo ndejikaie ishima na kubonya nguma kwa kala na kala. Amen.

WAEBRANIA 13:21

ndemkatishe kwa vilambo vose vicha, mpate kubonya lukundo lwake; ukibonya andenyi konyu icho chim'boiagha uo, kwa chia ya Jesu Kristo; kwake uo, ndeghukaie wubaa kwa kala na kala. Amen.

1 PETRO 4:11

Uo ose ughoragha, ndeghore sa mundu udedagha malagho gha Mlungu; na uo ose udumikagha, ndekaie sa mundu udumikagha kwa ndighi unekwagha ni Mlungu; eri Mlungu upate kukaswa kwa chia ya Jesu Kristo. Kwake uo, ghoko wubaa, na kubonya nguma kwa kala na kala. Amen.

1 PETRO 5:11

Kwake uo, ndekukaie kuja kubonya nguma kwa kala na kala. Amen.

2 PETRO 3:18

Ela mzoghuo andenyi ya mvono, na uko kummanya Bwana na Mkiri odu Jesu Kristo. Kwake uo, ndeghukaie ghuja wubaa, kufuma idana, hata kwa kala na kala. Amen.

JUDA 1:25

kwa uo Mlungu uekeri, Mkiri odu kwa chia ya Jesu Kristo Bwana odu, ndeghukaie wubaa, na wuzuri, na kubonya nguma, na kudima, imbiri ya ngelo rose, idana, hata kwa kala na kala. Amen.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 20:6

Mrasimilwa na mweli ni uo uko andenyi ya uko kuruka kwa imbiri. Kwa wandu awo, icho kifwa cha kawi ndechiwadie ndighi ringi anduangi; ela wichakaia wakohani wa Mlungu na wa Kristo, nawo wichabonya nguma andwamweri nao, miaka elfu.

WUFUNUO 4:11

“Kwafwana oho Bwana odu na Mlungu odu, kughuwusa wubaa, na ishima na kudima; angu oho koreumbieghe vilambo vose, na kwa kukunda kwako oho, vereumbiloghe, vikakaia.”

WUFUNUO 5:10

Kukawibonya wikaie wazuri, na wakohani wemdumikia Mlungu odu; nawo wichabonya nguma ndoenyi.”