WUFUNUO 1:5 - Biblia Ilagho Jiboie Kwa Wandu Wose

⁵ na kufuma kwa Jesu Kristo uo mshahidi mloli, mvalwa wa imbiri wa awo wifue, na uo uwibonyeragha nguma wazuri wa ndoenyi. Kwake uo udikunde, ukadifungua kwa bagha yake difume kaung'enyi redu,

WUFUNUO 1:5 Խաչաձեւ Հղումներ

ZABURI 51:2

Kunioghoshe kiwiwi chapo putu, kunieleshe kaung'a yapo.

ZABURI 72:11

Wazuri wose ndewimghoghomie, na mbari rose rimdumikie.

ZABURI 89:27

Nicham'bonya ukaie mwana wapo wa womi wa imbiri, na mzuri m'baa kuchumba wazuri wose wa ndoenyi.

MAKATANISHO 14:5

Mshahidi wa loli ndetumiagha tee, ela mshahidi wa tee, wadaghora tee.

ISAYA 55:4

Olenyi nam'bonyere ukaie wushuhuda kwa wandu, kilongozi na m'baa wa wandu.

DANIELI 2:2

Nao mzuri ukafunya momu wasawi, na waghanga, na walaghui, na Wababuloni wiwango, wipate kumghoria mzuri iro ndodo rake. Wikacha na kukaia kimusi imbiri kwake.

DANIELI 7:14

Ukanekwa kubonya nguma, na wubaa, na wuzuri; eri wandu wa mbari rose, na kichuku na viteto, wipate kumdumikia. Kubonya nguma kwake ni kwa kala na kala, na wuzuri ghwake ndeghuchaanoneka anduangi.

WALAWI 13:58

Ela icho kilambo chereoghosheroghe chikaiagha ni nguwo angu mrongo, hata ngera iyo alama ya wukongo yasirie putu, suti chioghosho sena indu ja kawi ima chitalo kukaia chielie.”

ZEKARIA 13:1

BWANA Uwadie-Ndighi-Rose waghamba, “Ituku ijo jikavika, ndoria ichafungulwa eelesha kivalwa cha Daudi na wandu wa Jerusalemu kaung'a na kutasa milimu kwawo.

MATHAYO 20:28

Angu Mwana wa Mdamu wori nderechieghe kudumikilwa anduangi, ela kudumika, na kufunya irangi jake jikaie wukomboli kwa wengi.”

MATHAYO 28:18

Jesu ukawichea ukawizera, “Namerie kunekwa nguma rose mlungunyi na ndoenyi.

JOHANE 13:1

Nao imbiri ya Ndima ya Pasaka, Jesu ukimanya angu ngelo yake yavika esigha ughu wurumwengu, uwuye kwa Aba, na seji orekoghe ukiwikunda wandu wake wiko wurumwengunyi, ukawikunda wandu hata kutua.

JOHANE 13:34

Momu mmbishi namneka inyo: Kundanenyi mmbeni na mmbeni; sa iji koni neremkundieghe, nenyo mkundane woruwo.

JOHANE 15:9

Ini namkunda inyo sa iji Aba orenikundieghe. Kaienyi andenyi ya lukundo lwapo.

JOHANE 18:37

Niko Pilato ukamkotia, “Kwa huwo oho ko mzuri-e?” Jesu ukamtumbulia, “Ni oho kwaghamba angu ne mzuri. Nani nerevaloghe na kucha wurumwengunyi kwa wundu ughu ghoni, niwighorie wandu iyo loli. Kula mundu uko andenyi ya iyo loli wadanisikira.”

JOHANE 3:11

Nakughoria loli, isi dadeda agho dighiichi, na kushuhudia agho dighiwonie, ela inyo ndemghurumiriagha wushuhuda ghodu anduangi.

JOHANE 3:16

Angu Mlungu oreghukundieghe wurumwengu, hata ukamfunya Mwana wake uvalwagha wa ititi, uo ose urumiriagha kwake usetote anduangi, ela ukaieghe na irangi ja kala na kala.

JOHANE 3:32

Uo wadashuhudia agho oreghiwonieghe na kughisikira, ela ndekuwadie mndungi ughurumiriagha wushuhuda ghwake anduangi.

MABONYO GHA WADUMI 20:28

Kwa huwo mkulindie inyo mmbeni, andwamweri na chagha chose icho Roho Mweli ummbikie mkaie wazighaniri waro, mpate kujilindia ikanisa ja Mlungu orejipatireghe kwa bagha ya Mwana wake moni.

MABONYO GHA WADUMI 26:23

seji suti Kristo utiriro, na seji ukikaia wa imbiri kuruka kufuma kwa wafu, uchaawichilia Wayahudi na wandu wa mbari zima mwengere ghwa kukia.”

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

WAROMA 8:37

Hata! Ela isi dapatire wusimi m'baa nandighi aighu ya iri maza rose kwa wutesia ghwake uo oredikundieghe.

1 WAKORINTHO 6:11

Nenyo wamu modeeka woruwo; ela mwaoghoshero, mkaeleshwa, mkabonywa wahachi kwa irina ja Bwana Jesu Kristo na kwa Roho wa Mlungu odu.

WAGALATIA 2:20

Ini namerie kusulubishwa andwamweri na Kristo, na si ini ungi nawuyakaia moyo, ela Kristo nuo uko moyo andenyi kwapo; na uko kukaia moyo niko nako mumbinyi, naawuyakaia moyo kwa irumirio, ngimrumiria Mwana wa Mlungu, uo orenikundieghe na kukufunya uo moni kwa wundu ghwapo.

WAEFESO 2:4

Ela Mlungu, uo uko na wughoma mungi, kwa lukundo lwake lubaa oredikundieghe nalo isi,

WAEFESO 5:2

Nenyo mghende kwa lukundo, sa iji koni Kristo oredikundieghe, na kukufunya moni kwa wundu ghodu, ukaie ifunyo na kizongona cha marumba mecha kwa Mlungu.

WUKUMBUSO 18:2

Awo ndewichaakaia na ifwa jingi ja isanga aghadi ya waruna; BWANA nuo ifwa jawo sa iji koni orewilaghirieghe.

WUKUMBUSO 23:5

Elaima BWANA Mlungu nderemsikireghe Balaamu; ela ukaghalusa njowe ikawuya marasimio konyu angu BWANA Mlungu onyu oremkundieghe.

WUKUMBUSO 7:8

Ela ni angu BWANA umkunde, nao waawuyajimazira ighemi jake ijo orewighemieghe weke ndeyo, ukamfunya kwa kudima kwake kubaa, na kumkombua kufuma nyumba ya wuzumba, na kufuma kwa ndighi ra mzuri wa Misri.

WAKOLOSAI 1:18

Nao nuo chongo cha mumbi, najo ni ikanisa; uo ni uko kuzoya, nao nuo wa imbiri wa kuruka kufuma kwa wafu; eri upate kukaia wa imbiri kwa maza rose.

1 TIMOTHEO 6:13

Nakulaghira imbiri ya Mlungu uo uviwikagha moyo vilambo vose, na imbiri ya Kristo Jesu uo orefunyireghe wushuhuda ghwa irumirio jake imbiri ya Pontio Pilato;

1 TIMOTHEO 6:15

Na uko kuwoneka kwake, kuchawonyerwa worinyi kwa ngelo yaro ni uo ukaswaghwa uko M'baa uekeri, Mzuri wa wazuri na Bwana wa weke bwana.

WAEBRANIA 10:29

Mwamanya ni ikabo ibaa saki jichaamfwana mundu ummenyere Mwana wa Mlungu, ukaibonya bagha ya ilaghano kukaia kilambo cha kisha, iyo cheni oreelesheroghe nayo, sena wammenya Roho wa mvono?

WAEBRANIA 9:14

ni kuchumba saki bagha ya Kristo, uo kwa chia ya Roho wa kala na kala, orekufunyireghe moni kwa Mlungu kuseko na iboli jingi, ichamuelesha nia renyu mfume kwa kazi rifue, mpate kumdumikia Mlungu uko moyo.

1 PETRO 1:19

ela kwa bagha ya zoghori mbaa ya Kristo, sa ya mwana wa ng'ondi usewadie ikosa hata iboli jingi.

1 JOHANE 1:7

Ela dikaghenda na mwengere, sa iji koni uo uko mwengerenyi, dichakaia na wungara diweni na diweni, na bagha ya Jesu Mwana wake, iadioghoshagha kaung'a rose.

1 JOHANE 4:10

Ulu nilo lukundo, si angu wei deremkundieghe Mlungu, ela uo nuo oredikundieghe, hata ukamduma Mwana wake upate kukaia wushano kwa wundu ghwa kaung'a redu.

WUFUNUO 11:15

Niko uo malaika wa mfungade ukaikaba tarumbeta yake, kukakaia na chwaka mbaa mlungunyi rikighamba, “Wuzuri ghwa wurumwengu ghwawuya wuzuri ghwa Bwana odu na ghwa Kristo wake, nao uchabonya nguma kwa kala na kala.”

WUFUNUO 11:3

Nani nichawineka ndighi washahidi wapo wawi, wipate kuchila ilagho ja Mlungu matuku elfu na maghana awi na mirongo irandadu, wikirwa nguwo ra magunia.”

WUFUNUO 17:14

Nawo wichalwa na uo Mwana wa Ng'ondi chiaimweri na awo wikwanye, werewangiloghe wikasaghulwa, nawo ni waloli; na uo Mwana wa Ng'ondi uchawisima, angu uo ni Bwana wa weke bwana na Mzuri wa wazuri.”

WUFUNUO 19:11

Niko nerewonieghe mlungunyi kwarughulwa, ngawona farasi ya chokwa, na uo orejokieghe wawangwa Mloli, na Mhachi, nao wadatanya kwa hachi, na kubonya wuda.

WUFUNUO 19:16

Oko na irina jiandikilo ijohonyi kwake na barenyi kwake, MZURI WA WAZURI, na BWANA WA WEKE BWANA.

WUFUNUO 2:13

Namanya andu kukaiagha; ni andu kifumbi cha nguma cha Shetani chiko. Oho kwamaziriane nani, hata ndekorejikanieghe irumirio japo hata kwa agho matuku gha Antipa mshahidi wapo na mloli wapo; uo orebwaghiloghe aghadi konyu, andu Shetani ukaiagha.

WUFUNUO 3:14

“Na uo malaika wa ikanisa ja Laodikea, kumuandikie huwu:” “Agha ni malagho gha uo Amen, uo mloli, na mshahidi wa loli, uko kuzoya kwa kuumba kwa Mlungu.

WUFUNUO 7:14

Nani ngamzera, “Bwana oho kwamanya.” Nao ukanizera, “Awa niwo waja wandu wifumie matirironyi mabaa, nawo warioghoshere nguwo rawo, na kuribonya kukaia ra chokwa kwa bagha ya Mwana wa Ng'ondi.