WUFUNUO 1:16 - Biblia Ilagho Jiboie Kwa Wandu Wose

¹⁶ Orekoghe wawadia nyerinyeri mfungade kwa mkonu ghwake ghwa kiwomi, momunyi kwake lorefumieghe lufu lukalie chia rose, na wushu ghwake ghorekoghe ghuking'ala-ng'ala sa iruwa jakala na ndighi.

WUFUNUO 1:16 Խաչաձեւ Հղումներ

AYUBU 38:7

Ngelo iyo, nyerinyeri ra nakesho rereborieghe chiaimweri, na weke malaika wose wikazuma kwa kuboilwa.

ZABURI 45:3

Rwaa lufu lwako kiwonunyi ee mundu kuwadie ndighi; oho koko wa wubaa na nguma ra kiwuzuri.

LUMBO 6:10

Nani uhu kuzighana kwake kuko sa kuela kwa ndoe; ughokie sa mori, na kung'ala-ng'ala sa iruwa; kuoboshagha wandu sa ijeshi jiwusiragha viweto?

ISAYA 11:4

ela uchawitanya wakiwa kwa hachi, na kudumbua malagho gha wanyonge wa ndoenyi kara kara; uchaikaba ndoe kwa miruke ya momu ghwake, na kuwibwagha wawiwi kwa miruke ya memu yake.

ISAYA 24:23

Na aho mori ghuchawuya kira, na iruwa ndejichaafunya miengere yaro anduangi; kwa kukaia BWANA wa majeshi uchabonya nguma aighu ya Mghondi ghwa Sioni na andenyi ya Jerusalemu; nao uchafunukua wubaa ghwake imbiri ya wabaa waro.

ISAYA 49:2

Orebonyereghe malagho ghapo ghikaie sa lufu lukalie, ukanivisa kijunyi cha mkonu ghwake; ukanibonya sa iwanu jakalishwa na kuniwika andenyi ya zaka yake.

DANIELI 12:3

Awo wa hikima wichang'ala-ng'ala sa kung'ala-ng'ala kwa mawingunyi; na awo wiwighaluagha wengi wiinughe hachi, wichang'alng'ala sa nyerinyeri kwa kala na kala.

DANIELI 8:10

Lwembe ulo lukachurikia ndighi hata kuvikia kulwa na majeshi gha mlungunyi; lukakurudua na kupotua nyerinyeri rimu na kurifasha-fasha.

MALAKI 4:2

Ela konyu inyo munisikiragha, ndighi ra kukia kwapo richam'bukia sa iruwa, nenyo mchaboiswa. Mchaghenda mkirama-rama sa ngache rafuma wazenyi.

MATHAYO 17:2

Nawo wikimzighana, ukaghaluka fwana yake; wushu ghwake ghukang'ala-ng'ala sa iruwa, na marwao ghake ghikawuya gha chokwa sa mwengere.

MABONYO GHA WADUMI 26:13

nao dime ghadi ee Mzuri, nerewonieghe chienyi mwengere kufuma mlungunyi, ghuelie kuchumba iruwa, ghukang'ala-ng'ala chia rose kwapo, na wose deredambanyeghe.

WAEFESO 6:17

Sena wusenyi kukia sa kofia ya chuma, na Ilagho ja Mlungu sa lufu lwa Roho.

WAEBRANIA 4:12

Angu ilagho ja Mlungu jeko moyo, sena jawadie ndighi, sena jakalie kuchumba lufu lukalie chia rose; najo jadunga na kuvikia irangi na roho, hata kuvikia mawungo na wusuchi; jikitambua maghesho na maririkanyo gha ngolo.

WUFUNUO 1:20

Ngasu ya iro nyerinyeri mfungade kuriwonie kwa mkonu ghwapo ghwa kiwomi, na vinara va taa va dhahabu mfungade ni ihi: iro nyerinyeri mfungade ni weke malaika mfungade wa makanisa mfungade; na ivo vinara va taa mfungade, ni makanisa mfungade.

WUFUNUO 10:1

Niko nerewonieghe malaika mzima uwadie ndighi ukisea kufuma mlungunyi, urwae iwingu, na lusenge lwa vua chongonyi kwake; wushu ghwake ghorekoghe sa iruwa, na maghu ghake gherekoghe sa nguro ra modo.

WUFUNUO 12:1

Nao alama mbaa ikawoneka mlungunyi; muka urushiro iruwa, na mori ghuko aisi ya maghu ghake; na chongonyi kwake, korekoghe na kirumbu cha nyerinyeri ikumi na iwi.

WUFUNUO 19:15

Momunyi kwake korekoghe kukifuma lufu lukalie, ulo uchaakaba nalo wandu wa iro mbari; uchawibonyera nguma kwa mzata ghwa chuma, nao uchakama andenyi ya chombo chekamia divei ya kubia kwa machu gha Mlungu, Uo Uwadie Ndighi Rose.

WUFUNUO 19:21

Na awo wazima, werebwaghiloghe kwa lufu lwa uo ujokagha farasi, ulo lufu lufumagha momunyi kwake; na iro nyonyi rikaja iro nyama rawo rikaghuda.

WUFUNUO 2:1

“Uo malaika wa ikanisa ja Efeso kumuandikie huwu: ‘Agha ni malagho gha uo uwadiagha nyerinyeri mfungade kwa mkonu ghwake ghwa kiwomi, uselagha aghadi ya vinara va taa va dhahabu mfungade.

WUFUNUO 2:12

“Na malaika wa ikanisa ja Pergamo kumuandikie huwu: ‘Agha ni malagho gha uo uko na lufu lukalie chia rose.

WUFUNUO 2:16

Idana kuhee. Si huwo, nichacha kulwa nawo kwa lufu lwa momunyi kwapo.

WUFUNUO 3:1

“Na uo malaika wa ikanisa ja Saridi kumuandikie huwu: ‘Agha ni malagho gha uo uko na iro roho mfungade ra Mlungu, na nyerinyeri mfungade. Narimanya kazi rako; koko na irina jedua moyo, ela kwafue.

WATANYI 3:16

Ehudi orekoghe wakubonyera moni lufu lukalie chia rose luko na wulacha ghwa sentimeta mirongo misanu ukalufunganya na marwao ghake barenyi ya mkonu ghwa kiwomi.

WATANYI 5:31

“Huwo koni wamaiza wako ndewitote ee BWANA! Ela waghenyi wako ndewing'ale-ng'ale karakara na iruwa jibukagha kwa ndighi rake.” Nao isanga jikakaia na sere kwa miaka mirongo ina.