WUFUNUO 1:1 - Biblia Ilagho Jiboie Kwa Wandu Wose

¹ Wufunuo ghwa Jesu Kristo, ugho Mlungu oremnekieghe uwiwonyere wadumiki wake iro maza riko suti rikaie kafwani. Na Kristo ukamduma malaika wake urimanyishe kwa mdumiki wake Johane;

WUFUNUO 1:1 Խաչաձեւ Հղումներ

ZABURI 25:14

BWANA ni mghenyi wa awo wimuobuagha, nao wadawimanyisha ilaghano jake.

DANIELI 8:16

Ngasikira lwaka lwa mdamu Modenyi ghwa Ulai lukiwanga, “Gabrieli, mtambushire uo mundu agho mawono.”

DANIELI 9:21

Hata iji nerekoghe ngilomba, uo mundu Gabrieli neremmbonieghe andenyi ya mawono kiimbiri, ukanichea shwa ukiburuka, ngelo efunya kizongona cha nakenyi.

DANIELI 9:23

Kwendazoya kuvoya, itumbulio jafunyiroghe. Nacha kukughoria kwa kukaia kwakundo nandighi. Kwa huwo sikiria, kutambukilo ni agho mawono.

AMOSI 3:7

Kwa loli Mlungu ndebonyagha ilagho jingi, usezoe kande kufunukua mpango ghwake kwa wadumiki wake walodi.

JOHANE 12:49

Angu sereghorieghe kwa nguma rapo reni anduangi, ela Aba orenidumieghe nuo oreninekieghe momu, nidede ghiao, na nighore ghiao.

JOHANE 15:15

Simmbangagha wadumiki sena, angu mdumiki ndemanyagha agho bwana wake ubonyagha anduangi. Ela ini nammbanga waghenyi wapo, angu namgorie malagho ghose nereghisikireghe kwa Aba.

JOHANE 17:8

kwa kukaia nawinekie ijo ilagho koreninekieghe, nawo wikajiwada na kumanya kwa loli angu nedefuma kwako; sena wikarumiria angu ni oho korenidumieghe.

JOHANE 3:32

Uo wadashuhudia agho oreghiwonieghe na kughisikira, ela ndekuwadie mndungi ughurumiriagha wushuhuda ghwake anduangi.

JOHANE 8:26

Neko na mengi gheghora na kutanya aighu yenyu; ela uo orenidumieghe ni mloli, nani nadaghoria wurumwengu agho gheni nighisikire kwake.”

WAROMA 16:25

Idana kwa Mlungu uo udimagha kummangisha andenyi ya irumirio jenyu, karakara na ijo Ilagho Jiboie nawuyajichila ja Jesu Kristo, na karakara na wufunuo ghwa ija ngasu, iyo erevisikieghe kwa ngelo ndacha iidie;

WAGALATIA 1:12

Angu ini serejiwusireghe kufuma kwa mdamu, hata serejifundishiroghe, ela jedeecha kwa chia ya mafunuo gha Jesu Kristo.

WAEFESO 3:3

kukaia, neremanyishiroghe iyo ngasu kwa chia ya wufunuo, sa iji nereandikieghe kwa wuvui.

TITO 1:1

Ini Paulo, mdumiki wa Mlungu na mdumi wa Jesu Kristo, kwa wundu ghwa kujimangisha ijo irumirio ja wasaghulwa wa Mlungu, na kumanya kwawo kwa iyo loli, kuko karakara na kuobua kwa Mlungu,

WUFUNUO 1:19

Idana kuandike iro maza kuriwonagha; iro riko, na iro richaakaia konyuma.

WUFUNUO 1:9

Ini Johane mwanyinyu, mngara onyu andenyi ya Jesu, kwa agho matiriro, na ugho Wuzuri, na uko kurumaghia luma; nerekoghe andenyi ya kisiwa chiwangwagha Patimo, kwa wundu ghwa ijo ilagho ja Mlungu, na ugho wushuhuda ghwa Jesu.

WUFUNUO 17:1

Nao umu wa waja weke malaika werekoghe na bakuli mfungade ukanichea na kunizera, “Choo nikuwonyere seji jija ilaya ibaa jitanywagha, ijo jiseagha kidombo aighu ya machi mengi;

WUFUNUO 19:10

Niko ngaghwa kijimijimi maghunyi kwa uo malaika nipate kumtasa; ela uo ukanizera, “Kusakebonya huwo! Ini ne mdumiki sa kumoni, na sa awo wanyinyu wiwadie wushuhuda ghwa Jesu. Mtase Mlungu.” Angu ugho wushuhuda ghwa Jesu, niyo roho ya wulodi.

WUFUNUO 19:9

Nao malaika ukanizera, “Andika huwu: Warasimilwa awo wiwangilo karamunyi ya harusi ya Mwana wa Ng'ondi.” Ukachuria kunizera, “Agha ni malagho gha loli gha Mlungu.”

WUFUNUO 21:2

Nani nerewonieghe ugho muzi ghuelie, Jerusalemu mbishi, ghukisea kufuma mlungunyi kwa Mlungu; ghuboisiro sa mwai ulowolwagha upambilo kwa wundu ghwa mumi wake.

WUFUNUO 21:9

Nao umu wa awo weke malaika mfungade, werekoghe na iro bakuli mfungade richue agho makabo mfungade gha kutua, ukacha ukanizera, “Choo nikuwonyere uo mwai ulowolwagha, uo muka wa Mwana wa Ng'ondi.”

WUFUNUO 22:1

Niko uja malaika ukaniwonyera moda ghwa machi gha irangi, ghuko sa igho jing'alaa-ng'ala ghufumagha kwa icho kifumbi cha nguma cha Mlungu, na cha uo Mwana wa Ng'ondi na kuidia

WUFUNUO 22:16

“Ini Jesu namduma malaika wapo ughighorie makanisa maza iri. Ini ne wa kivalwa cha Daudi; iyo nyerinyeri ing'alaa-ng'ala ya luma lwa nakesho.”

WUFUNUO 22:6

Nao malaika ukanizera, “Agha malagho ni gha loli, na niko koni ghiko; na uo Mlungu uwinekagha walodi Roho wake, wamduma malaika wake uwiwonyere wadumiki wake iro maza riko na suti ekaia kafwani.

WUFUNUO 22:8

Ni ini moni Johane neresikireghe na kuriwona maza iri. Nani iji neresikireghe na kuriwona, nereghueghe kijimijimi maghunyi kwa uo malaika oreniwonyereghe maza iri, nani ngakunda nimtase.

WUFUNUO 22:9

Ela uo ukanizera, “Kusakebonya huwo! Ini ne mdumiki sa kumoni, na sa wanyinyu awo walodi na awo wighiwadiagha malagho gha wulodi ghwa chuo ichi; kumtase Mlungu.”

WUFUNUO 4:1

Nyuma ya agho, nerezighanireghe, nao ola, ngawona mnyango ghwarughulwa mlungunyi! Na ulo lwaka nerezoeghe kulusikira lukighora nani sa tarumbeta lukaghamba, “Joka nokunu, nani nichakuwonyera iro maza riko na suti ekaia nyuma ya agha.”

WUFUNUO 5:7

Ukaghenda na kuchiwada icho chuo kufuma mkonunyi ghwa kiwomi, ghwa uo oreserieghe kidombo aighu ya icho kifumbi cha nguma.