WAROMA 8:3 - Biblia Ilagho Jiboie Kwa Wandu Wose

³ Angu agho ghiseredimikieghe kwa Sharia, kwa kukaia erekoghe isewadie ndighi kwa wundu ghwa mumbi, Mlungu kwa kumduma Mwana wake moni uko na fwana ya mumbi ghwa kaung'a, ukaie kizongona kwa wundu ghwa kaung'a, waitanyire kaung'a mumbinyi.

WAROMA 8:3 Խաչաձեւ Հղումներ

MABONYO GHA WADUMI 13:39

na kwa chia yake, uo ose urumiriagha, wafungulwa kufuma kaung'enyi rose iro mseredimieghe kutana naro kwa Sharia ya Musa.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WAEBRANIA 10:14

Angu kwa uko kukufunya indo jimweri, wawikatisha kwa kala na kala awo wieleshwagha.

1 PETRO 2:24

Kristo moni oreridukieghe kaung'a redu mumbinyi kwake aighu ya mudi, eri dipate kufwa cha kaung'enyi, na kukaia moyo cha hachinyi. Kwa makabo ghake, moreombochologhe.

WAROMA 6:6

Nesi damanya angu wudamu ghodu ghwa kala ghwasulubishiro andwamweri nao, mumbi ghwa kaung'a ghupate kutoteshwa; eri isi diseduo wazumba wa kaung'a sena.

WAGALATIA 3:21

Welee, iyo Sharia yaawuyatangala malaghiro gha Mlungu sena? Hata kutini. Angu ngera edeeka Sharia ifunyiro edima kuwiwika wandu moyo, kumangu loli hachi yadapatika kwa Sharia.

WAROMA 8:32

Uo useremmbonieghe wughoma Mwana wake moni, ela ukamfunya kwa wundu ghodu isi diwose, uchalegha wada kudineka vindo vose andwamweri nao?

WAROMA 3:20

Angu ndekuwadie mndungi uchaatalwa kukaia na hachi imbiri ya Mlungu kwa mabonyo gha Sharia anduangi kwa kukaia kumanya kaung'a koocha kwa chia ya Sharia.

WAEBRANIA 2:14

Idana kwa kukaia awo wana ni wandu wiko na nyama na bagha, huwo koni Jesu orewusireghe fwana tiki ya kidamu, eri kwa chia ya kifwa, upate kumtotesha uo uko nandighi ra kifwa, uo Ibilisi;

WAFILIPI 2:7

Ela orelekerieghe rose ukawusa fwana ya mzumba, ukavalwa na fwana ya mdamu.

WAEBRANIA 10:12

Ela Kristo uendafunya kizongona chimweri cha ngelo rose kwa wundu ghwa kaung'a, oreserieghe kidombo chia ya mkonu ghwa kiwomi ghwa Mlungu.

WAEBRANIA 4:15

Angu uo Mkohani M'baa diko nao, ndedimagha kulemwa ni kuwadwa ni wughoma kwa wundu ghwa wunyonge ghodu anduangi; ela uo oretimiloghe kwa kula chia seji koni dawuyatimwa, ela nderebonyereghe kaung'a anduangi.

WAEBRANIA 2:17

Kwa huwo, eremfwaneghe ufwananisho na waruna kwa kula chia, eri upate kukaia Mkohani M'baa uwadie wughoma, na uko mloli kwa wudumiki ghwa Mlungu, na kulipia kaung'a ra wandu.

WAROMA 9:3

Angu niawona kumangu ini moni nawasirwa njowe na kutanywa na Kristo kwa wundu ghwa wanidu, wandu wa mbari yapo cheni.

JOHANE 1:14

Nao Ilagho ukawuya mdamu uchue mvono na loli; ukakaia aghadi kodu, nesi dikaghuwona wubaa ghwake; nagho ni wubaa sa ghwa mwana wa ititi ufumie kwa Aba.

JOHANE 9:24

Nao wikammbanga indo ja kawi uo mundu orevaloghe kitungure wikamzera, “Mneke Mlungu wubaa, isi daichi angu mundu uhu ni mkaung'a.”

MARKO 15:27

Vitoi viwi veresulubishiroghe andwamweri nao, chimu chia ya mkonu ghwake ghwa kiwomi, na chimu chia ya mkonu ghwake ghwa kiwaka. [

MITALO 28:22

na fwandi imweri ikaie kizongona kwa wundu ghwa kaung'a chikaie wupatanisho kwa wundu ghonyu.

WAROMA 7:18

Naichi andenyi kwapo, nako ni andenyi ya mumbi ghwapo, kilambo chingi kicha ndechikaiagha anduangi.

MITALO 21:9

Nao Musa ukabonya choka ya shaba, ukaijosa aighu nguronyi; na iji mndungi orelumiloghe ni choka, nao uizighane iyo choka ya shaba, wadakaia moyo.