WAROMA 7:9 - Biblia Ilagho Jiboie Kwa Wandu Wose

⁹ Ini moni nerekoghe moyo iji Sharia iserekoghe; ela ghuja momu ghuendacha, kaung'a eeruka, nani moni ngaafwa.

WAROMA 7:9 Խաչաձեւ Հղումներ

ZABURI 40:12

Namarwa chia rose ni wasi mungi ghusetalikagha; kaung'a rapo ranichumba ndighi, sidimagha kuwona; rakaia nyingi kuchumba mtalo ghwa iridia japo, nani nafwa ngolo.

MATHAYO 19:20

Uja mdawana ukamzera, “Agho ghose naghiwadie, nibonye kii chimu sena?”

LUKA 15:29

Ela ukamtumbulia ndee ukaghamba, ‘Zighana miaka yose ihi nakudumikia na jingi sikosere momu ghwako anduangi, ela jingi ndekuninekie hata ndaghina cheni nibonye maseko na waghenyi wapo.

LUKA 18:21

Nao ukaghamba, “Ihi yose naiwadie kufuma wanake ghwapo.”

WAROMA 10:5

Musa oreandikieghe kukaia, mundu uo ose ubonyagha hachi kwa chia ya kuikatisha Sharia uchakaia moyo.

WAROMA 7:10

Ghuja momu ghoni ghorelaghirieghe kureda irangi, ghoochareda kifwa andenyi kwapo.

WAROMA 7:11

Kaung'a iendapata wulalo kwa chia ya ugho momu, ikanikalia; na kwa ugho, ikanibwagha.

WAROMA 7:4

Huwo koni wanidu, mwafue cha Sharienyi, kwa chia ya mumbi ghwa Kristo; mpate kuwuya wa mzima, uo orerukishiroghe kufuma kwa wafu; eri dipate kumvaia Mlungu matunda.

WAROMA 7:6

Ela idana dafungulo kufuma Sharienyi, angu dafue ichia cha icho cheredibonyereghe kukaia wazumba, eri disedumike aisi ya malaghiro gha maandiko gha kala, ela didumike andenyi ya irangi iwishi ja Roho.

WAROMA 7:8

Ela kwa chia ya momu ugho, kaung'a yapatire wulalo ghongira bea ya kula mbari andenyi kwapo. Kwa kukaia andu Sharia iseko, kaung'a eeka ifue.

WAROMA 8:7

Kwa kukaia mundu uririkanyagha ra mumbi ni m'maiza wa Mlungu; angu ndeusikiragha Sharia ya Mlungu, nao loli ndeudimagha kuisikira anduangi;

WAGALATIA 2:19

angu ini cha sharienyi nafue, na iyo Sharia niyo cheni inibwaghie; eri nipate kukaia moyo kwa wundu ghwa Mlungu.

WAGALATIA 3:10

Angu awo wikusaghikagha kwa mabonyo gha Sharia, weeka aisi ya njowe; angu yaandikilo, “Ndewado ni njowe kula mundu usewadagha malagho ghose ghiandikilo andenyi ya chuo cha Sharia, na kughibonya.”