WAROMA 2:9 - Biblia Ilagho Jiboie Kwa Wandu Wose

⁹ Kuchakaia na wasi na kuwawa kwa kula mundu ubonyagha mawiwi; Myahudi kande, na Mgriki wori.

WAROMA 2:9 Խաչաձեւ Հղումներ

1 PETRO 4:17

Angu ngelo yavika kutanywa kuzoe, nako kuazoya kwa wandu wa Mlungu weni; na ikakaia kwazoya nesi, kutua kwaro wandu wisesikiragha ijo Ilagho Jiboie ja Mlungu-lee, kuchakaia wada?

WAROMA 1:16

Angu ini sijiwoniagha waya Ilagho Jiboie, kwa kukaia ni ndighi ra Mlungu remkira mundu uo ose urumiriagha; kwa Myahudi kande, na kwa Mgriki wori.

EZEKIELI 18:4

Olenyi roho rose ni rapo, roho ya aba na roho ya mwana wori; na roho ibonyagha kaung'a niyo ifwagha.

2 WATHESALONIKE 1:6

Mlungu wawonie loli kukaia ni hachi kuwilipa kwa kuwikoronga awo wawuyamkoronga;

WAROMA 9:24

Angu isi de awo wandu orediwangieghe, si kufuma kwa Wayahudi weni wiekeri, ela hata na kufuma kwa awo wandu wa mbari zima wori.

WAROMA 2:10

Ela kula mundu ubonyagha mecha, uchapata wubaa, na ishima, na sere; Myahudi kande, na Mgriki wori.

MABONYO GHA WADUMI 3:26

Mlungu umeria kummbusira Mdumiki wake, oremdumieghe konyu kande, upate kumrasimia kwa kumghalua kula umu onyu utane na wuwiwi ghwake.”

LUKA 24:47

Mbari rose ripate kuchililwa kuhea na kulekwa kaung'a rawo kwa irina jake kuzoya Jerusalemu.

WAKOLOSAI 3:11

Aha ndekuwadie wuchumbano ghungi aghadi ya Mgriki na Myahudi, wandu wishamishiro na awo wiseshamishiro, wandu wisestaarabikie, na wistaarabikie, mzumba na mkitina; ela Kristo ni vose, nao oko andenyi ya vose.

WAGALATIA 3:28

Ndekuwadie Myahudi, angu Mgriki; ndekuwadie mzumba, angu mkitina; ndekuwadie mndwawomi, angu muka anduangi; angu inyo mmbose moko wandu wamweri andenyi ya Kristo Jesu.

WAROMA 10:12

Angu ndeghuko wuchumbano ghungi aghadi ya Myahudi na Mgriki anduangi; uo Bwana ni Bwana wa wose, nao wadawidiria marasimio ghake kwa wungi wose wimlombagha.

MABONYO GHA WADUMI 28:28

“Kwa huwu mumanye angu uku kukia kwa Mlungu kwaghenjerwa wandu wa mbari zima, nawo wichasikira.” [

MABONYO GHA WADUMI 28:17

Nyuma ya matuku adadu, ukawiwanga wabaa wa Wayahudi; hata iji wakwanyika andwamweri ukawizera, “Wanidu, hata ngera sibonyere ilagho jingi aighu ya wamzedu, angu mizango ya weke aba, ela nerefungiloghe aja Jerusalemu na kunekerelwa Waroma.

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

MABONYO GHA WADUMI 20:21

ngiwishuhudia Wayahudi na Wagriki wori angu wihee kwa Mlungu na kurumiria kwake Bwana odu Jesu Kristo.

MABONYO GHA WADUMI 13:26

“Wanidu, wana wa kichuku cha Abrahamu, nenyo mmbose mumuobuagha Mlungu; ilagho iji ja kukia jederedwa kodu.

MABONYO GHA WADUMI 11:18

Wiendasikira agho wikanyama kima. Wikamkasa Mlungu wikighamba, “Mlungu wawinekie wandu wa mbari zima wori kuhea kovikia kupata irangi.”

MATHAYO 16:26

ela uo ujilaghashagha irangi jake kwa wundu ghwapo uchajipata sena. Ichamfwana mundu kii ukaghupata wurumwengu ghose na kujilaghasha irangi jake? Angu uchafunya kii kuindana na irangi jake?

AMOSI 3:2

“Ni inyo mmbeni neremmanyireghe aghadi ya mbari rose ra ndoenyi; kwa wundu ugho, nichamkaba kwa wundu ghwa makosa ghenyu ghose.”

2 MALAGHO GHA NGELO 6:23

kusikire kufuma mlungunyi, kutanye wadumiki wako; kukimlipa mkosi seji imfwanagha, na kumdederia mhachi kwa kumlipa kunughana na hachi yake.

ZABURI 32:10

Makabo gha mundu mmbiwi ni mengi, ela uo umrumiriagha BWANA, uchalindilwa kwa lukundo lukatie.

MAKATANISHO 11:23

Kukunda kwa mundu wa hachi kwadasia kwa wucha, ela kusuwiria kwa mmbiwi kwadatua na machu.

EZEKIELI 22:31

Kwa huwo niko nidirie machu ghapo aighu kwawo, na kuwimeria na modo ghwa lubio lwapo; na wuwiwi ghwa mabonyo ghawo ghuchakaia aighu yawo weni. Ini Bwana MLUNGU naghamba.”

WAROMA 8:35

Nani uchaaditanya na lukundo lwa Kristo? Ni matiriro, angu wasi, angu kutirirwa, angu njala, angu zuna, angu ndengwa, angu kubwaghwa?