WAROMA 2:4 - Biblia Ilagho Jiboie Kwa Wandu Wose

⁴ Angu kwaawuyaghumenya wungi ghwa wucha ghwake, na irumaghio jake ibaa; kusemanyagha angu wucha ghwa Mlungu ghwaawuyakuruda kupate kuhea?

WAROMA 2:4 Խաչաձեւ Հղումներ

2 PETRO 3:9

Bwana ndemukagha kukatisha ilaghiro jake seji wamu wigheshagha wei umuka; ela waawuyarumaghia kwa wundu ghonyu. Ndewuekunda mndungi utote, ela ookunda wandu wose wivikie kuhea.

ISAYA 30:18

Kwa wundu ghwa agho, BWANA wakaia ukimmbeseria kumfuya wughoma putu, wakunde na ndighi kuwonyera wughoma ghwake aighu yenyu. Kwa kukaia BWANA ni Mlungu wa hachi; warasimilwa awo wose wimmbeseriagha na kusuwiria kwake.

KUFUMA 34:6

Niko BWANA ukaida imbiri kwake ukaghamba, “Ini BWANA, ne Mlungu uchuagha wughoma, mmboa obonya machu, uchuagha lukundo na wuloli.

WAEFESO 1:18

Meso gha ngolo renyu ghineko mwengere, eri mpate kumanya wammbangie kwa isuwirio ja indoki, na ni mali rifwane wada ra ifwa ja wubaa ghwake riko andenyi ya waeli.

WAEFESO 2:7

upate kwa ngelo richagha kuwonyera wungi ghwa mali ra mvono ghwake ghusepimikagha, ghwa kudibonyera mecha andenyi ya Kristo Jesu.

WAEFESO 1:7

Andenyi kwake, isi deko na wukomboli ghodu, kwa chia ya bagha yake; kuja kulekelwa makosa ghedu, karakara na wungi ghwa mvono ghwake,

WAROMA 3:25

uo Mlungu ummbikie ukaie kizongona kwa bagha yake moni, upate kuwuswa kwa irumirio, na kwa chia iyo Mlungu uwonyere hachi yake; angu kwa kurumaghia kwake kwa wulungu, ndereritalieghe kaung'a ra imbiri.

ZABURI 86:15

Ela oho ee BWANA koko Mlungu wa wughoma na mvono; wa mboa kubonya machu na wa lukundo lukatie na wuloli.

2 PETRO 3:15

Nenyo talenyi kuja kurumaghia kwa Bwana odu kukaia ni kukia. Sa iji koni mkundwa odu mwanidu Paulo oremuandikieghe barua, kwa iyo hikima unekelo;

WAROMA 11:33

To! E mali, na hikima, na kumanya kwa Mlungu viko ndenyi! Nani udimagha kumanya kutanya kwake? Na nani udimagha kumanya chia rake?

WAROMA 11:22

Idana wona wucha ghwa Mlungu na kubia kwake. Wabirie kwa awo wighue, ela ni mucha kwako, ikakaia kwadua andenyi ya ugho wucha ghwake; si huwo, na oho wori kuchadumbulwa wokoni.

ZABURI 86:5

Oho koko mucha kufuyagha wughoma ee BWANA; kwadua na lukundo lukatie kwa wose wikuwangiagha.

ZABURI 78:38

Ela uo kwa kukaia wa wughoma, orewifuyeghe wughoma kaung'a rawo hata nderewitoteshereghe anduangi. Oreghimazirieghe machu ghake mando mengi, eri ghisechewuka ghose.

WAEFESO 2:4

Ela Mlungu, uo uko na wughoma mungi, kwa lukundo lwake lubaa oredikundieghe nalo isi,

MCHILI 8:11

Wandu waawuyabonya makosa kwa kukaia wisewuyetanywa shwa-shwa kwa wundu ghwa agho makosa wighibonyere.

2 PETRO 3:3

Ilagho ja imbiri, suti mtambukilo kukaia matuku gha kutua mbai, wandu wisekagha kwa lumenyo wichacha wikiseka kwa kunugha bea rawo weni,

1 PETRO 3:20

iro rereleghieghe kusikira aho imbiri, iji Mlungu orekoghe ukiwesera kwa kurumaghia ngelo Nuhu orekoghe ukiagha safina; andenyi yaro, wandu watini, nawo ni wandu wunyanya, werekiriloghe machinyi.

1 TIMOTHEO 6:17

Kuwilaghire awo wandu wiko na mali andenyi ya wurumwengu ughu wisakekukasa, hata wisakewika isuwirio jawo kwa mali riidagha, ela wijiwike kwa Mlungu, uo udinekagha vindo vose kwa wungi dipate kuboilwanya navo.

WAFILIPI 4:19

Na Mlungu wapo, uchamneka icho chose mchaakunda, karakara na wungi ghwa mali ra wubaa ghwake andenyi ya Kristo Jesu.

ZABURI 10:11

Uo mundu mmbiwi waghamba ngolonyi kwake, “Mlungu waliwa; wafinikira wushu ghwake hata ndeniwonagha.”

WUFUNUO 3:20

Ola nakaia kimusi mnyangonyi naawuyakongoda, ngera mndungi wasikira lwaka lwapo na kurughua mnyango, nichangia andenyi kwake na kuja andwamweri nao, nao uchaja andwamweri nani.

1 TIMOTHEO 1:16

ela nerefuloghe wughoma kwa wundu ughu; kukaia andenyi kwapo ini niko wa imbiri, Jesu Kristo upate kuwonyera kurumaghia kwake kukatie, nipate kukaia fwana kwa awo wichaarumiria kwake, wipate irangi ja kala na kala.

WAKOLOSAI 1:27

Mlungu oresaghueghe kuwimanyisha awo waeli, seji ugho wungi ghwa mali ra wubaa ghwa ngasu ihi ghuko, aghadi ya wandu wa mbari zima; nagho ni Kristo andenyi konyu, isuwirio ja wubaa.

WAROMA 6:15

Da ni wada? Dibonye kaung'a angu diseko aisi ya Sharia deeka aisi ya mvono? Hata kutini.

WAROMA 6:1

Da dighora wada? Diduo kaung'enyi mvono ghwa Mlungu ghuwonechurikia?

ZABURI 104:24

Ee BWANA, kwabonyere malagho mengi, kwaghibonyere ghose kwa hikima; ndoenyi kwachua maumbo ghako.

WAKOLOSAI 2:2

eri wipate kuhoreshwa ngolo rawo kwa kuwadanishwa chiaimweri kwa lukundo, wipate iro mali rose ra kuelelwa kwa loli, na kuimanya ngasu ya Mlungu, nayo ni Kristo;

WAEFESO 3:16

ngimlomba umneke mundu onyu wa ndenyi ndighi ra Roho wake, karakara na wungi ghwa mali ra wubaa ghwake;

WAEFESO 3:8

Hata ngera ini nerekoghe mtini wa waeli wose, ela nerenekeloghe mvono ugho, nipate kuwichilia awo wandu wa mbari zima malagho gha iro mali ra Kristo risemanyikagha.

WAROMA 10:12

Angu ndeghuko wuchumbano ghungi aghadi ya Myahudi na Mgriki anduangi; uo Bwana ni Bwana wa wose, nao wadawidiria marasimio ghake kwa wungi wose wimlombagha.

EZEKIELI 16:63

Kuchakumbuka na kufwa waya, hata na jingi kusewuyeghora ilagho jingi kukiwona seji kwafushwa waya ingelo nichaakufuya wughoma makosa ghako ghose koreghibonyereghe. Ini Bwana MLUNGU naghamba.”

JEREMIA 7:10

nao sena muche na kukaia kimusi imbiri kwapo andenyi ya nyumba ihi iwangilo kwa irina japo mkighamba, ‘Dakirilo!’ Sena ii chia muabonya agho mawiwi ghose?

MITALO 14:18

‘Ini BWANA sijokwagha ni machu shwa-shwa; neko na lukundo lubaa, nani nadafuya wughoma na kuleka makosa; simtalagha mkosi kukaia ndekosere; nadawitalia wana makosa gha weke ndee hata kivalwa cha kadadu na cha kana’.

JONA 4:2

Ukamlomba BWANA ukaghamba, “Wona BWANA! Huwu siko koni nerekoghe ngighamba iji nerekoghe mzedu? Hata iyo niyo shekeria erenibonyereghe nikimbie cha Tarshishi. Neremanyireghe wori oho ko Mlungu wa mvono na wughoma, kusebonyagha machu shwa-shwa; koko na lukundo lubaa lukatie, kulekiagha mawiwi.

HOSEA 3:5

Konyuma, wandu wa Israeli wichawuya na kumlola BWANA Mlungu wawo, na mzuri wawo Daudi; na kutua wichamchea BWANA kwa kuobua, na kuwona wucha ghwake.

ZABURI 31:19

Ni mungi saki ugho wucha ghwako, kuwiwikie awo wandu wikuobuagha oho! Kwaghubonyere imbiri ya wandu wose kwa wundu ghwa awo wikukimbiriagha oho.

EZEKIELI 11:19

Nani nichawibonya wikaie na nia imweri, na kungira roho mbishi andenyi kwawo. Nichainja ija ngolo ikurie sa igho ifume andenyi kwawo, nani nichawineka ngolo esikira,

2 WAKORINTHO 8:2

Angu awo, hata ngera werekoghe andenyi ya matimo ghibirie gha wasi mungi, ela kuja kuboilwa kwawo kubaa, kwawibonyere wifunye mali rawo kwa wungi; hata ngera wukiwa ghwawo ghorekoghe ghuchumbie.

2 PETRO 1:11

na kwa chia ihi, mcharumirilwa putu kungia andenyi ya Wuzuri ghwa Bwana na Mkiri odu Jesu Kristo.

WUFUNUO 2:21

Neremnekieghe ngelo upate kuhea, ela waawuyalegha kuhea wulaki ghwake.