WAROMA 2:3 - Biblia Ilagho Jiboie Kwa Wandu Wose

³ Oho mdamu, kuwitanyagha awo wibonyagha maza iro, na ii chia kuaribonya kumoni, kuaghesha wei kuchafufunuka kutanya kwa Mlungu?

WAROMA 2:3 Խաչաձեւ Հղումներ

2 SAMUELI 10:3

Ela wabaa wa Waamoni wikamzera bwana wawo Hanuni, “Kuakalikia kedi wei Daudi wakudumia wandu wekuhoresha, nao kuwone kedi wamnekie ndeyo ishima; nechi waawiduma wikulawuo oho na isanga iji wori, eri upate kujikaba.”

AYUBU 35:2

“Ayubu, si nicha kughora wei koko mhachi imbiri ya Mlungu;

ZABURI 50:21

Kwabonyere agha ghose, nani nganyama kima; kukadaghesha wei deefwanana. Ela idana nichakukemia na kukughoria makosa ghako worinyi.

ZABURI 56:7

Kusakewisigha wifufunuke kwa wundu ghwa wuwiwi ghwawo; kuwikabe kwa machu ghako ee Mlungu.

MAKATANISHO 11:21

Manya loli kukaia, mundu mmbiwi ndechakaia usekabilo, ela awo wiko na hachi, wichalekerelwa.

MAKATANISHO 16:5

BWANA wadazamilwa ni kula mundu ukujosagha moni; kwa loli ndechaasowa ikabo.

EZEKIELI 17:15

Ela mzuri wa Juda ukamlegha na kuduma wandu wake Misri wipate kumneka farasi na ijeshi ibaa. Keni huwo loli ukaia nicha? Mundu wadima kubonya maza iro ufufunuke? Mundu wadima kuchikanya ilaghano ufufunuke?

EZEKIELI 17:18

kwa kukaia orejimenyereghe ighemi na kuchikanya ilaghano; angu orekufunyireghe sena ukaghaluka, ndechaakia anduangi.

DANIELI 10:19

Nao ukanizera, “Ee mundu, Mlungu wakukunde nandighi. Kusakeobua, sere ndeikaie kwako; kukufungishe ndighi, kukaie ing'oni.” Uendaghora nani, ngapata ndighi ngaghamba, “BWANA wapo ghora, angu kwanineka ndighi.”

MATHAYO 23:33

Inyo choka, kivalwa cha choka ra wusungu! Mchakimbia wada msepato ni uko kutanywa kwa jehanamu?

MATHAYO 26:53

Kwani ndemwichi angu nadima kumlomba Aba wutesia, nao uniredie shwa wori majeshi ikumi na awi gha malaika?

LUKA 12:14

Jesu ukatumbulia, “Ee mundu, nani orenibonyereghe nikaie mtanyi angu mmbaghanyi aghadi konyu?”

LUKA 22:58

Nyuma kapindi, mundu umu sena ukammbona ukaghamba, “Na oho wori ko umu wawo.” Ela Petro ukatumbulia, “E mundu, si ini ungi!”

LUKA 22:60

Ela Petro ukakana ukaghamba, “E mundu, simanyagha agho kughighoragha anduangi.” Nao ahoeni ukighora, njogholo ikadeda.

WAROMA 1:32

Hata ngera waichi wori Mlungu walaghirie kukaia awo wibonyagha maza iro yawifwana kufwa, ndewiwuyeribonya tu, ela warumiriana na awo wiribonyagha wori.

WAROMA 2:1

Kwa huwo ndekuwadie ilagho jingi jekudederia ee mdamu, hata ngera koko ani, iji kwamtanya mzima; angu kwa kumtanya, kwaakutanya kumoni; kwa kukaia oho kutanyagha kwadabonya maza iro reni.

WAROMA 2:2

Isi daichi kukaia kutanya kwa hachi kwa Mlungu ni aighu ya awo wibonyagha maza sa iro.

WAROMA 9:20

Oho nani ee mdamu kudimagha kumtumbulia Mlungu? Nyungu ya wongo yadima kumkotia uo uivimbie, “Kwaki kunivimbie wa huwu?”

1 WATHESALONIKE 5:3

Iji wandu wakaghora, “Ni sere na banana” niko kutota kuchaawichea shwa wori; seji koni muka uko na kifu uchelwagha ni kulumwa ngelo ya kuva, hata ndewichaafufunuka anduangi.

WAEBRANIA 12:25

Manyenyi msemleghe uo ughoragha nenyo. Angu ikakaia wiserekirieghe awo weremleghieghe uo orewiwonyereghe ndoenyi, isi dichakia wada dikamlegha uo udiwonyeragha kufuma mlungunyi?

WAEBRANIA 2:3

isi-lee, dichafufunuka wada dikakumenya kukia kubaa kung'ane huwu? Na Bwana orezoeghe kukughora, na wandu weremsikireghe ukikughora, wikadiwonyera seji kuko kwa loli.