WAROMA 10:3 - Biblia Ilagho Jiboie Kwa Wandu Wose

³ Angu wiendakaia wiseimanyagha ija hachi ifumagha kwa Mlungu, na kulola kuimangisha hachi yawo cheni, ndewicheirumiria hachi ya Mlungu.

WAROMA 10:3 Խաչաձեւ Հղումներ

NEHEMIA 9:33

Korekoghe na hachi edikaba; korekoghe mloli hata ngera isi dabonyere kaung'a.

AYUBU 33:27

Uchacha imbiri ya wandu ukighamba: ‘Nabonyere kaung'a, ngailaghasha hachi; ela Mlungu ukanifuya wughoma.

ZABURI 71:19

Hachi yako ee Mlungu, yavika koighu mawingunyi. Nani uko sa oho ee Mlungu, kubonyere malagho mabaa huwu?

ISAYA 51:1

BWANA waghamba, “Nisikirenyi inyo mlolagha kukia, ee, inyo mmbose mumlolagha BWANA; zighanenyi ijo igho, andu morekoteroghe mkafunywa, na icho kina cha magho andu morefunyiroghe.

ISAYA 51:6

Wusirenyi meso mzighane cha mlungunyi, zighanenyi cha ndoenyi nakosi; kwa kukaia kuchainjika sa mosi, na ndoenyi kuchaghosia sa nguwo. Wandu wikaiagha andenyi yaro wichafwa sa shimandu, ela kukia kwapo kuchadua kwa kala na kala, na hachi yapo ndeichaasia anduangi.

ISAYA 51:8

Angu awo wichajighwa seji soya ijagha nguwo, na seji vivunyu vijagha sufu; ela hachi yapo ichadua kwa kala, na kukia kwapo kuchakaia kwa vivalwa vose.”

ISAYA 56:1

BWANA wawizera wandu wake huwu: “Wadienyi loli m'bonye hachi, angu kukia kwapo kuchacha kafwani; nako kuchafunukuka worinyi.

ISAYA 57:12

Nichaghora malagho gha hachi na mabonyo ghenyu, ela milungu yenyu ndeichaamtesia anduangi.

ISAYA 64:6

Isi diwose dawuya sa mundu useelie, hata hachi redu rose rakaia karakara na nguwo ilushiro; isi diwose daoma sa ilemba, na mawiwi ghedu ghadilaghasha sa kudukwa ni mbeo.

KILILO CHA JEREMIA 3:22

Lukundo lwa BWANA lukatie ndelusiagha, na wughoma ghwake ndeghuwadie kutua kungi anduangi.

DANIELI 9:24

“Miaka mirongo mfungade mando mfungade ni ngelo iwikilo ewifungua wandu wako na muzi ghwako ghwa wueli wifume kaung'enyi na wuwiwinyi. Kaung'a ichalekwa, na hachi ya kala na kala kumangishwa, mawono na wulodi ghipate kukatia, na kumshinga mavuda uo Mweli.

WALAWI 26:41

nani ngawilegha na kuwireda andenyi ya isanga ja wamaiza wawo; wikaghaluka ngolonyi kwawo na kukusera, hata wiboise makosa ghawo,

LUKA 10:29

Ela uo ukikunda kukuneka hachi ukamzera Jesu, “Mmbedu nani?”

LUKA 16:15

Ela Jesu ukawizera, “Inyo moko wandu mkunekagha mmbeni hachi imbiri ya wandu, ela Mlungu warimanya ngolo renyu; angu icho chikaswagha imbiri ya wandu, chakaia chizamie imbiri ya Mlungu.

WAROMA 1:17

Angu hachi ya Mlungu yafunukulwa andenyi yaro kwa chia ya irumirio kuvikia irumirio; sa iji koni iandikilo, “Uo utalwagha kukaia na hachi kwa chia ya irumirio, uchakaia moyo.”

WAROMA 10:2

Angu neko na wushuhuda aighu yawo kukaia wamkunde Mlungu na ndighi, ela weesowa kumanya kwa loli.

WAROMA 10:20

Isaya nao wadeda kwa wuwana ukighamba, “Nawonelo ni wandu wiserenilolieghe, nakuwonyere ini moni kwa awo wiserenikotereghe.”

WAROMA 11:7

Da ni wada? Icho Waisraeli werechilolagha cheewilema kupata. Wasaghulwa awo wapatire, ela wazima wikaakurishwa ngolo;

WAROMA 3:22

ela Mlungu wadatala wandu kukaia na hachi kwa irumirio jawo andenyi ya Jesu Kristo; nao wadabonya huwo kwa wose wirumiriagha. Kwa kukaia ndekuko kutala wandu kungi anduangi.

WAROMA 3:26

Erekoghe huwo, eri kwa ngelo iri uwonyere angu uo moni ni mhachi, nao wadam'bonya mundu kutalwa kukaia na hachi uo ose urumiriagha kwa Jesu.

WAROMA 5:19

Angu sa iji koni kulegha kusikira kwa mundu umweri kuwibonyere wandu wengi kukaia wakaung'a, huwo koni kusikira kwa mundu umweri, wengi wichatalwa kukaia na hachi.

2 WAKORINTHO 5:21

Kristo ndereichii kaung'a, ela Mlungu orem'bonyereghe kukaia kaung'a kwa wundu ghodu, eri isi dipate kukaia hachi ya Mlungu andenyi kwake.

WUKUMBUSO 6:25

Ni hachi kodu dikalindia na kughikatisha malaghiro agho ghose, imbiri ya BWANA Mlungu odu sa iji koni oredilaghirieghe.’

WAFILIPI 3:9

Nani niwoneke andenyi kwake nisewadie hachi ingi yapo nimoni, ipatikagha kwa chia ya Sharia, ela ija hachi ipatikagha kwa chia ya irumirio jiko andenyi ya Kristo. Ija hachi ifumagha kwa Mlungu, kwa chia ya irumirio;

2 PETRO 1:1

Ini Simoni Petro, mdumiki na mdumi wa Jesu Kristo, nawiandikia awo wimerie kupata irumirio ja zoghori mbaa jija jeni diko najo kwa chia ya Mlungu odu na Mkiri Jesu Kristo.