WALAWI 8:17 - Biblia Ilagho Jiboie Kwa Wandu Wose

¹⁷ Ela nyama ya njau na mrongo ghwaro na vifu varo, ukavikora vose shighadi ya kambi, sa iji koni BWANA oremlaghirieghe.

WALAWI 8:17 Խաչաձեւ Հղումներ

KUFUMA 29:14

Ela iyo nyama ya njau yose, mrongo ghwake, vifu na mawula ghake, kuchavikora shighadi ya mbenge. Mafunyo agha ni gheinja kaung'a ra wakohani.

EZEKIELI 43:21

Wokoni sena kuchawada njau ya kizongona kwa wundu ghwa kaung'a, nayo ichakorelwa andu kumu kusaghulo kwa Hekalu cha shighadi ya andu kueleshero.

WALAWI 16:27

Gharia ya njau na mburi rerefunyiroghe kizongona kwa wundu ghwa kaung'a, na bagha raro kuredwa andenyi ya Andu kwa Wueli kwa wundu ghwa kuinja kaung'a, ichafunywa shighadi ya kambi, na kukorwa. Mrongo, nyama, vifu na mawula gharo; vose vichakorwa.

WALAWI 4:21

Nao uchaighenja ija njau shighadi ya kambi, na kuikora sa iji koni orekorieghe njau ya imbiri kwa kaung'a rake moni. Ni kizongona kwa wundu ghwa kuinja kaung'a ya Ikwanyiko.

WALAWI 6:30

Ela kizongona chingi chafunywa kwa wundu ghwa kaung'a, na bagha yaro ikaredwa andenyi ya Hema ekwania, kubonya mapatano kwa wundu ghwa kaung'a andenyi ya Andu Kwa Wueli, nyama raro risejigho; richakorwa kwa modo.”

WALAWI 9:11

Nyama na mrongo ghwaro ukavikora na modo shighadi ya kambi.

WAGALATIA 3:13

Kristo oredikombueghe kufuma kwa njowe ya Sharia, kwa kuwuya njowe uo moni; angu yaandikilo, “Ndewado ni njowe kula mundu unyonyoreshwagha mudinyi”,