WALAWI 6:10 - Biblia Ilagho Jiboie Kwa Wandu Wose

¹⁰ Mkohani ucharwa ijoho jake ja kitani, na mwadeghu wake wa kitani; nao uchainja ivu ja ugho modo ghwa kizongona madhabahunyi, na kujiwika nambai ya madhabahu.

WALAWI 6:10 Խաչաձեւ Հղումներ

ZABURI 20:3

Ndeghirumirie mafunyo ghako ghose na kuboilwa ni vizongona vako vekora.

ZABURI 37:20

Ela wandu wawiwi wichatota. Wamaiza wa BWANA weeka sa mboi riomagha na kusoweka; wichasia na kulaghaya sa mosi.

EZEKIELI 44:19

Na iji wakafuma cha waza ya shighadi wandunyi, wicharua iro nguwo wadumikagha naro, na kuriwika andenyi ya vumba va wueli, na kurwa nguwo zima, eri wisakekuranganya na wandu wikikaia na marwao gha wueli, ghisecheshoghonua wandu kwa kuwibonya wandu wiadade vilambo va wueli.

WALAWI 1:13

Uja mundu wafunya icho kizongona uchaoghosha na mkohani uchavifunya vose kwa BWANA na kuvikora aighu ya madhabahu, vikaie kizongona chekora; irumba ja vindo ivo jamnukiagha BWANA nicha na ndighi.

WALAWI 1:9

Uja mundu wafuya icho kizongona uchaoghosha mawula na vindo vose va ndenyi na maghu gharo, na mkohani uchavikora vose madhabahunyi, vikaie kizongona chekora; irumba ja vindo ivo jamnukiagha BWANA nicha nandighi.

WALAWI 16:4

Imbiri usengirie andenyi ya Andu kwa Wueli Kuchumbie, suti ukuoghoshe moni kwa machi, ima uro ijoho ja kitani ja wueli, na mwadeghu wa kitani, na mkowa ghwa kitani, na kiremba cha kitani. Agho ni marwao gha wueli.

WALAWI 2:11

“Ifunyo jingi ja viro jifunywagha kwa BWANA jisebonyo na chachu, angu chachu na wuki ndevichaakorwa kizongona kwa BWANA anduangi.

WALAWI 21:22

Ela sena wadima kuja ivo vindo vieleshero vifunyiro kwa Mlungu, na hata ivo vieleshero kuchumba.

WALAWI 4:12

uchavifunya vose shighadi ya kambi, andu kueleshero kwa wundu ghodia ivu, na kuvikora kwa mbande, ahoeni ivu jidirilwagha.

WALAWI 6:11

Niko uchafunya agho marwao ghake, na kurwa marwao mazima; nao uchafunya ijo ivu cha shighadi ya kambi, na kujidia andu kueleshero kwa wundu ghodiria ivu.

WALAWI 6:18

Matuku ghose ghichagha, kula mwana wa womi wa kivalwa cha Haruni vivalwa vose, uchaja mafungu gha ivo vindo vifunywagha vizongona vekora kwa BWANA. Uo ose uchaaviadada, uchabonywa ukaie mweli.”

WALAWI 6:22

Matuku ghose ghichagha, kizongona ichi chichafunywa ni kula mvalwa wa Haruni wasaghulwa ukaie Mkohani M'baa. Kizongona icho chichakorwa chose chikaie kizongona chifunyiro kwa BWANA.

WALAWI 8:2

“Wada Haruni na wana wake, kudo marwao na mavuda ghewika wakfu, na njau efunya kizongona kwa wundu ghwa kaung'a, bauru iwi, na kikapu cha mikate isewadie chachu;

MITALO 16:21

“Kutanyenyi na awandu niwone-wimeria shwa wori.”

MITALO 16:35

Na modo ghukafuma kwa BWANA, ghukawikora awo wandu maghana awi na mirongo misanu werekoghe wikifukira marumba.

WUFUNUO 19:14

Majeshi gha mlungunyi, ghirwae kitani ndicha ya chokwa choo ghijokagha farasi, ghikamnugha.

WUFUNUO 19:8

Na uo muka orenekeloghe nguwo iboie ya kitani ndicha, ielie, ing'alaa-ng'ala;” (na iyo kitani ndicha ni mabonyo gha hachi gha awo waeli.)

WUFUNUO 7:13

Niko umu wa waja waghosi ukaghora nani ukighamba, “Welee, awa wirwae nguwo ndacha ra chokwa ni weke ani, nawo wafuma hao?”