WALAWI 5:16 - Biblia Ilagho Jiboie Kwa Wandu Wose

¹⁶ Uchalipa iyo sile ya makosa ukosere, sena uchurie mirongo iwi kwa ighana ya agho malipo na kumneka mkohani; uchaifunya iyo bauru ikaie kizongona kwa wundu ghwa makosa ghake, nao uchafuilwa wughoma.

WALAWI 5:16 Խաչաձեւ Հղումներ

ZABURI 69:4

Wandu wizamilwagha ni ini duu, ni wengi kuchumba mtalo ghwa iridia japo. Wamaiza wapo waawuyanidungia malagho gha tee; weko na ndighi nyingi nawo weekunda kunibwagha. Naawuyalipishwa icho niseiwie.

KUFUMA 22:1

“Mndungi ukaiwa njau angu ng'ondi, nao uibwaghe angu kuiuza; uchalipa njau isanu kwa njau imweri, na ng'ondi inya kwa ng'ondi imweri; suti ulipe icho uchiiwie. Iji usewadie kindo chingi, uchauzwa kwa wundu ghwa wutoi ghwake.

WALAWI 22:14

“Mndungi useko wa kichuku cha wukohani, ukaja ivo vindo usemanyire, suti umlipe mkohani ighuri jaro jose, sena uchurie mirongo iwi kwa ighana ya ighuri ja ivo vindo.

WALAWI 27:13

Uo mundu ukakunda kuikombua nyamandu yake, uchalipa ijo ighuri jawikwa sena uchurie mirongo iwi kwa ighana ya iyo bei.

WALAWI 27:15

Uo mundu ukakunda kuikombua nyumba yake, uchalipa iyo bei yawikwa, sena uchurie mirongo iwi kwa ighana ya iyo bei.

WALAWI 27:27

Ikakaia ni nyamandu iseelie, uo mundu uchaighua kwa ighuri jiwikilo, sena uchurie mirongo iwi kwa ighana ya iyo bei. Iji yakaia isekombolo, ichauzwa kwa ijo ighemi jiwikilo.

WALAWI 27:31

Mndungi ukakunda kuvikombua, uchachuria mirongo iwi kwa ighana aighu yaro.

WALAWI 4:20

Huwo niko uchaabonya na iyo njau; sa iji koni orebonyereghe kwa njau ifunyiro kukaia kizongona kwa wundu ghwa kaung'a; na mkohani uchabonya mapatano kwa wundu ghwa kaung'a rawo; nawo wichafuilwa wughoma.

WALAWI 4:26

Na mavuda ghake ghose uchaghikora aighu ya madhabahu, sa iji koni orebonyereghe kwa vizongona va mapatano. Uchabonya wupatanisho kwa wundu ghwake, nao uchafuilwa wughoma.

WALAWI 5:10

Nao uchafunya ija nyonyi ya kawi ikaie kizongona chekora, kunughana na sharia. Mkohani uchabonya mapatano kwa wundu ghwa kaung'a ya uo mundu, nao uchafuilwa wughoma.

WALAWI 5:13

Kwa chia iyo, mkohani uchabonya mapatano kwa wundu ghwa kaung'a yake, nao uchafuilwa wughoma. Masighariko gha mufu ghichawuya gha mkohani; ni kizongona cha viro.”

WALAWI 5:6

nao uchafunya kizongona kwa BWANA kwa wundu ghwa iyo kaung'a oreibonyereghe. Uchafunya kufuma chaghenyi ng'ondi angu mburi ya waka ikaie kizongona kwa wundu ghwa kaung'a; na mkohani uchabonya mapatano kwa wundu ghwa kaung'a yake.

WALAWI 7:2

Iyo nyamandu ifunywaghwa kwa wundu ghwa kizongona cha malipo, ichabwaghilwa andu nyamandu rifunyiro kukaia vizongona vekorwa ribwaghilwaghwa; na bagha yaro ichadungwa chuwarunyi rose ra madhabahu.

MITALO 5:7

ucharumiria kaung'a yake uibonyere na kuilipia ikosa jake ukichuria mirongo iwi kwa ighana na kumneka uo mundu umkosere.

MITALO 5:8

Ela ngera uo mundu wafue, na mkichuku ungi wake wa kaavui ndeuko udimagha kunekwa agho malipo, ghichaghenjwa kwa BWANA kwa wundu ghwa mkohani chiaimweri na bauru ya wupatanisho.

LUKA 19:8

Nao Zakio ukawuka kimusi ukamzera Bwana, “Zighana Bwana, nusu ya mali rapo, nichawineka wakiwa, na ngera namkalie mndungi kwa kindo chingi, nichammbunjira mando ana.”

MABONYO GHA WADUMI 26:20

ela imbiri nerewonieghe awo werekoghe Dameshki, konyuma ngawighoria aho Jerusalemu, isanga ja Judea kose, na iro mbari zima wori; angu wihee na kumghalukia Mlungu na kubonya mabonyo ghifwananagha na kuhea kwawo.

1 SAMUELI 6:3

“Mkakawunja ihi Sanduku ya Mlungu wa Israeli mseiwunje duu, ela kwa ivo vose mumghenjere na mafunyo gha kizongona kwa wundu ghwa kaung'a; niko mchaboa na kumanya sababu ra BWANA kumkaba huwo.”